سمية بعد المحاضرة اللي اخدتها من ابوها وامها ..وبعد الكفوف الكثيرة ..جرت طوالي غرفتها وقفلتها عليها. طلعت التلفون من الشنطة واتصلت لعمر ((عندها شريحة تاني مافي زول عارفها غير عمر والشريحة اللي عارفينها كلرالناس بتطلعها وبتدخل شريحة حبيب القلب. عشان مافي زول يزعجها ولا يتصل ليها وااللي حيتصل يلقاهو قافل )). اها عمر رد ليها .من فتح خشمو وقال ليهو الو. قالت ليهو الله يلوي رقبتك كان بسببك هسه اهلي كان حيموتوني. تاني احذر تقول لي تمشي تبيتي معاي ..مش كفاية النهار كلو بكون معاك .. عمر قال ليها :براحة براحة. اعصابك حبيبتي. ما تزعلي رووحك. لي يعني زعلانة مني عشان طلبت منك تبيتي معاي؟ انتي نسيتي انو نحنا متزوجين؟ ومن حقي الشرعي تكوني معاي في اي وقت وتطيعيني. قالت ليهو ما تنسي نحنا متزوجين عرفي ..وانا اتفاقي معاك. اكون لحد بعد العصر في الشقة. وبعدها حارجع البيت. لانو الحكاية دي بتعمل لي مشاكل. قال ليها المهم اتصرفي. انا بكون مشتاق ليك وعايز اشوفك في اي زمن تقولي لي اهلي. قالت ليهو اها انا اليوم طلعت منهم باعجوبة اني كنت مع صحبتي وبرضو ابوي ما صدقني. قال ليها :ما تنسي يا سكرة انو صورك معااي. وكل ما تعاندي وما تتصرفي وتجيني في الوقت العايزو ..حتكوني حديث الساعه ..صورك حاتصرف فيها واعمل بيها برناامج ظريف لناس الجامعه. رايك شنو؟ قالت ليهو ما تستفزني. انا وثقت فيم واتزوجتك. هسه تزلني بالصور. انت معناها ما بتحبني عمر :انا بحبك والله وبموت فيك. لكن انتي ما بتسمعي كلامي. لذلك انا بتصرف معاك كدة وبعمل اي حاجة تخليكي على طول معاي * قالت ليهو طيب خير. انا تاني حاقعد معاك وبعد المغرب طوالي بطلع عشان ما اتاخر. قال ليها فكرتك ما بطالة. لكن انا حاتحمل بس لاني بحبك ولانك زوجتي -- اها قالت ليهو ..جرس الباب برن .يلا انا حاقفل منك وارجع ليك بعدين. ختت التلفون تحت المخدة وطلعت برة فتحت الباب. لقتها دي حبوبتها وعمتها ..جوهم. حبوبتها قبل تسلم عليها قالت ليها كنتي وين يا بنت. سمية طبعا حكت ليها كل الكلام الكذب اللي حكتو لي امها وابوها .. حبوبتها قالت ليها صحبة شنو كمان البتنومي في بيتهم لحد الصباح ..دي قلة ادب جديدة كمان. سمية قاطعتها ما قلة ادب يا حبوبة. كنتي عايزاني انوم في الشارع مثلا؟ قالت ليها تنومي في احمد شرفي كان عايزة تجيبي لينا سمعه. هسه اهل صحبتك ديل حيقولو شنو عليك؟ مطلوقة وما عندك اهل يسالو منك! صحبتك دي يوم واحد جات باتت معاك. ما شفت ليك صحبة بي عيني دي. اها عمتها قالت ليها. يا سمية نحنا ما عندنا بنت بتطلع وتنزل ساي. ما عندنا بنت بتنوم في بيت ناس صحبتها .الزمن صار كعب يا بنتي ومافي زول مضمون. هسه صحبتك دي ما عندها اخوان في البيت يعني؟ ما خجلتي منهم ساي. هسه لو واحد عاين ليك ساي. بتقدري تفسري نظراتو ليك. اها مع حس الجوطة والكواريك ..شادية جات طالعه. لقت حبوبة اولادها وعمتهم واقفة وبتشاكل في سمية. قالت ليها اقعدي يا خالتي اتفضلي. والمشكلة دي خلاص حليناها. قالت ليها ده بيت ولدي ما بتفضليني فيهو انتي. .وثم ثانيا. انتي ام شنو؟ وريني ..كيف بنتك تبيت برة البيت وانتي ما جايبة خبر ..انتي كيف بتخليها اصلا تنوم عند صحبتها .. شادية حاولت تشرح وتبرر ولا حياة لمن تنادي. اها الحبوبة قالت ليها ..انا قرار واتخذتو ..البنت دي ذاتها خلاص كبرت والقراية القرتها دي كفاية خلاص ..حنعرس ليها ولد صفية بنتي دي ...جاي نازل اجازة ..وحنعرس ليهم الاتنين .. سمية جااطت طوالي. تعرسو لي كيف؟ هو انتي لي بتتخذي قرارات في حياتى
يتبع...
