الإنكسار

البارت الثالث

البارت الثالث
#الإنكسار
#بقلمي_شمس

كم تمنيت ان اهوى واعشق ..
ان يكون نصيبي حبيبي ..
ان اصبح مثل العاشقات وافرح .
لكن الفرح اصبح بعيد المنال .. #بقلمي_شمس

بقت المره تحجي واني عيني ع نور .. مااهتميت بأبوهه او بالتفاصيل .. بس اتباوعلها .. حظها مثل حظي هي صغيره وانحرمت من الام واني صغيره وتركتني حتى مااگدر اگول عليها ماما بعد الي سمعته ..

لكن اني اكو من عوضني ونطاني حنان الام .. بس نور الله يساعدها .. #بقلمي_شمس
اني مگدرت اتقبل زواجي من شخص ارمل وعنده طفله .. وبعدني بأول الطريق ومااگدر اتحمل مسؤليه طفله تعاني مثل معاناتي ..
لكن نور قهرتني صراحه واتمنيت تجي زوجه اب تحبها وتنطيها الحنان الي تحتاجه ..
رديت ع المره وگولتلها خاله اعذريني اني مااگدر اتزوج حاليا وخاصه اني حزينه ع بابا ..

بنيتي لاتستعجلين فكري براحتج .. احنا لو مسائلين عليج وكلها مدحت بيج وبأخلاقج مااجينا وخطبنا وتمسكنا بيج .. واذا ع ابوج .. فمااعتقد يضوج اذا تزوجتي وفرحتي بالعكس هو يفرحلج ..
وهيج انتي تعذبيه يابنتي والحزن بالگلب مو بالاسود ..

هزيت براسي ومگدرت احجي وياهه .. وماما اتعذرت منها وطلعن وشفتها نطت ورقه بيد ماما .. وصلتهن للباب وبوست نور .. ودخلت ..
سألت ماما ع الورقه .. گالت كاتبه بي رقمهم وعنوانهم ..
لليل دا اسوي عشا .. واجه عمو علي وابنه .. كسروا الباب .. فتحتها .. راد يتهجم عليه گلي لج تهدديني ترفعين دعوه .. امحي اثرج من الوجود اذا مجريتي عدل وياي .. وباجر تجي مرت عمج .. تتفق وي امج كم يوم ويجي سيد يعقدلكم انتي وعباس ..
سمرا .. مو بكيفكم اني بالغه ومحد يگدر يجبرني لا انت ولاغيرك ..
ماحسيت الا راشدي بوجهي من عباس .. گلي اسمعي لج الظاهر حتى جنان معرفت تربيج ..
سمرا .. حابسه دموعي واحجي . لك لتجيب اسم ماما ع السانك ..
ع الاقل علمتني مااكل حق اليتيم واضربه واجبره ع اشياء ميريدها ..
اطلعوا لا اعيط واخلي الناس كولها تجي وتطلعكم بالقوه ..
طلعوا قفلت الباب وراهم وگعدت ورى الباب وابجي اجت ماما شافتني .. گعدت يمي ..
حظنتني موگتلج ماما عوفيهم يأذوج ليش هيج .. استغلوا اني بالعده ومااگدر اطلع هيج يسوون .. 
لج من اسمع اعياطهم عليج واهاناتهم مااتحمل .. بس مااگدر اطلع ..
اسمعي مني ماما .. عمج وابنه شايفيج وحيده وضعيفه هيج يسوون .. لازم يكون ع راسج رجال حتى محد يگدر يوصلج ..#بقلمي_شمس
سمرا .. مسحت دموعي وباوعتلها . شتقصدين ماما .
جنان.. گومي حبيبتي ندخل للبيت وافهمج ..

يله ماما دخلنا گولي ..
جنان .. سمرا حبيبتي .. ابن عمج ميحبج وشفتي اسلوبه وياج .. كل همه الفلوس وورث ابوج ..
يعني راح يبقون يضايقوج الى ان توافقين ..
انتي لازم اكو رجال يوكف وياج بوجههم ..

سمرا .. صدوگ تجين ماما .. اني مستحيل اتزوج هسا وبعدي بابا مصارله هوايه ميت ..

اي يمه تعرفين ام امير هاي المره الاجت خطبتج .. هم رايديج وهم سند الج وهم تربين هاي اليتيمه
سمرا .. يوم اني شنو شفت بحياتي حتى ارتبط برجال وعنده طفله هم واتحمل مسؤوليه .. مو گد هيج مسؤليه يوم ..

جنان .. براحتج بنيتي بس ع الاقل ناس شايفين ومو عينهم ع الفلوس مثل عمج وابنه ..
واذا ع ابوج .. فأحنه نشرط العقد والزواج بسكته .. 

سمرا .. ههههه هاي شنو زوجتيني بسرعه .. لا يوم انسي اني عندي صديقتي زهراء بنيه اعرفها وياي بالمدرسه ابوها محامي الي بيتهم بالشارع الي بعدنا .. واخليها تحجي وياه وتشوف شيگول . 

وفعلا اتصلت بزهراء صديقتي .. وگولتلها ع كولشي .. وگالت اني اگول البابا وارجعلج جواب ..

مر يومين .. واجو بيت عمو هم . اووووف شگد لزگه ..
هم نفس الكلام ونفس التهديدات وهالمره اني محجيت .. مرت عمو دخلت يم ماما تقنعها .. واني ساكته حتى مي مقدمتلهم ميستاهلون ..

شويه اندگت الباب .. اجت زهراء وابوهه .. اني متفقه وياها هم يجون اني مااگدر اطلع المكان واترك ماما وحدها .. والرجال حباب مگال شي ومنقهر ع حالي ..

رحبت بيهم ودخلتهم للاستقبال .. عمو گلب وجهها .. وعباس يباوعلي ويگولي منو هذا ..

سمرا .. هذا ابو صديقتي ومحامي . واني طلبت منه يرجعلي حقوقي لان ادري بيكم متقبلون تنطوني شي وتريدون تجبروني ع الزواج ..

عباس .. لج انتي الظاهر صدوگ ممتربايه .. تجيبين محامي غريب وتدخليه للبيت وترفعين قضيه علينا ..
اليوم محد يخلصج مني .. لزمه عمو گله اوگف

واتباوع للمحامي وگله .. روح خويه انت لتتدخل احنه عائله نحلها بينا وهي بنت اخوي يعني مثل بنتي ..

المحامي .. صحيح انتو عائله بس البنيه كلفتني وادري بيها وحيده وانت ابني دا ترتكب خطأ وهسا اكدر اخذها ونرفع قضيه عليك تهجم وسب وسبق وان ضاربها هم ..
وتصير محاكم وخبصه .. بس انت اتهدى وخلينا نحل الامور بهدوء ..

بذيج الساعه مشايفين عباس شنو سووه .. هجم ع الرجال ودگ بوكسات شوهه الوجهه .. وبنته تعيط واني ادفع بي ماكو وكل ساعه ويدفعني ويضربني ويگولي .. غير انتي جايبته تهددينا بي .. هاج خلي يفيدج ..
اتباوعت للرجال مدمر وجهه استحيت حيل منه ومن صديقتي ..
اني الي جبتهم وتفشلت وياهم ..
اتباوعت العمو والعباس .. لك تحجي ع تربيتي ع الاقل اني مااضرب شخص بگد ابويه واقلل احترام ..
وهسا يله اطلعوا من بيتي .. وبعد لتجون المره الثانيه اتصل بالشرطه .. ياخذوكم ..
صحت مرت عمو مسويه نفسها متسمع العياط وطردتها هم ..
#بقلمي_شمس
#يتبع ..