الإنكسار

البارت السادس عشر

البارت السادس عشر
#الإنكسار
#بقلمي_شمس

#سمرا .. انتي التي تستوطن محراب الروح… بك اتنفس وبك احياا ومن دونگ اموت…  اعذري حماقتي ياحبيبتي .. وامطر على روحي قبلآ تزرع العشق في اعمااااقي ..  #شمس

امير .. استاهل القتل ع الي سويته ..ولو قاتلتني سمرا ولا تركها الي واحتقارها مااتحمل بعدها عني ..

اني ماانكر حبيتها .. خلتني استرجع الثقه بنفسي والي حولي .. غيرتني ..
لكن من بدأت بلدوام  . تعبت بين الحمل والبيت والشغل ونونه .. هملتني واني يوم دوام ويوم ارجع .. اشتاقلها وكلما اتقربلها تگولي لعبت نفسي .. ومااگدر واريد استفرغ .. حسيتها متريدني او بطلت تحبني ..
گمت اطلع من البيت .. واسهر وي اصدقائي بالكوفي .. ويانا ضباط هم . ويجيبون بنات وصديقاتهم .. #شمس

واني رجال وصار كم شهر محروم . من شفت هيج منظر گدامي مااتحملت وبأصرار من جماعتي .. جرب وعيش حياتك ومحد يدري وفعلا ..
هي مره وحده رحت وياهه الشقتها .. سهرت يمها .. صحيح عيشتني ليله صار فتره معايشها ..

بس بعدين تندمت وفكرت بسمره واولادي .. وقررت بعد مااسويها . بس البنيه ماخذه صفحة الفيس من صديقي ومراسلتني .. واني ماادري بيها .. اني متعود اخلي موبايلي صامت لان مااحب احد يزعجني ببيتي . اريد ارتاح .. ومرات يتصلون من الدوام..
سمرا عبالهه اني كل يوم اروحلها وعبالهه عندي علاقه وياهه .. لان جهازي صامت .. #شمس

هذا مو مبرر الغلطتي اعرف اني غلطان لاني ورطت نفسي وي بنت ليل همها الفوس وبس ودازلتي صور مستحيل سمرا تسامحني عليهن ..
بس هي زوجتي واحبها وحسوي المستحيل حتى ترضى عليه وتسامحني .. لا اني ولا نونه نگدر نعيش بلاهه لازم ارجع العائله الحلوه الي بنتها سمرا .. وخاصه حيصير عدنا طفل مااريد يعيش بلا اب ونونه تبقى بلا ام .. من گلي احمد عندهم بيت خالها وياهم ولد اسمه مصطفى شاب وحلو .. فار دمي اني الي اعرفه هذي مرت ابوها ويعني هذا مو خالهه وابنه غريب عليها .. رحت البيتهم وشفته ولد طويل وحلو وجاي من بره اكيد حيلعب بعقلها .. مابقى عقل عندي اضطريت اخذ نونه لان ادري بيها تحبها ومتگدر ع فراگها ..
وبلكي ترجع وتسامحني اذا اخذتها .  بس توقعي غلط وطلعت سمرا عنيده كولش وهاي صار اسبوع ماكو خبر عنها واني اتصل مترد ..
وادز رسائل مترد .. تخبلت ..😡

دزيت اهلي كم مره رفضت ترجع وياهم .. حتى عمامها متحجي وياهم .. المن اروح .. اتصلت ع امها تگولي القرار بيد سمرا واني مااگدر اتدخل ..
وحتى شكيت تريد تطلگها مني وتزوجها الابن اخوها .. لان كم مره اشوفه يوصلهه للجامعه ..

سمرا .. بعد مااخذ امير نونه مني .. تأذيت .. احس نفسي خسرتهم اثنينهم .. #شمس
ماانگر اني حقدت اليه ولانه جرح كرامتي .. وفكرت بكبريائي قبل كولشي لكن گلبي مازال يحبه ونونه كانت الشي الوحيد الي يذكرني بي ..
اخذها مني حتى اتنازل وارجع .. بس تحملت والتهيت بالدراسه .. والدوام .. حتى ماافكر بشي ..

مصطفى ابن خالي ياخذني ويجبني من الجامعه طبعا هو ميعرف الطريق .. مره مرتين علمته ع الطريق .. صار عنده عادي ..
مصطفى كان اخ الي .. دايما ينصحني ويواسيني .. لان هو اكبر مني وخريج هندسه .. #شمس
اجه امير كم. مره للجامعه وشافه يوصلني .. اتخبل عباله اكو شي بينا .. يتصور الناس كولهه مثله .. مصطفى مو غبي وواعي ويعرف شگد احب امير رغم خيانته الي ومستحيل افكر بشخص ثاني بعده ..

بيت خالو كملوا بيتهم وانتقلوا ورجعنا اني وماما وحدنا . اني الحمل تعبني ووصلت المرحله بعد بالگوه امشي واتحرك . وحتى دكتوره ممراجعه .. مالي نفس الكولشي والدوام تعبني بس لازم اتحمل مبقى شي النهايه السنه وحرام اضيع السنه مني ..

بيوم اجيت من الدوام تعبانه واني نايمه وجعتني بطني حيل حسيت نهايه الدنيا ..
اتصلت ع ميوسه .. گولتلها مشتاقه النونه اريد اشوفها
گالت امير ميقبل منبه متشوفيها… گولتلها لعد افتحي كاميرا خلي اشوفها ..
هي شافتني گامت تبجي وتگولي ماما .. قهرتني حيل .. ميوسه گالت هاي شبيج سمرا شكلج تعبان گولتلهه عندي الم قوي اريد اموت وحروح للدكتوره بعد شويه گالت اذا اجيتي طمنيني .. شمس
اخذتني ماما بالقوه للدكتوره .  فحصتني تخبلت گالت حالتج تعبانه ولازمج راحه والمي قليل واحتمال تصير عندج ولاده مبكره .. وواحد من الاطفال حالته تعبانه ونبضه قليل .. اني تخبلت .. دكتوره شنو واحد منهم ليش همه اثنين .. گالت بلي توأم بس حالتج كولش تعبانه اذا ماانتبهتي الصحتج احتمال كبير ياتخسريهم ياتخسرين حياتج .. ولازم تنامين ع ظهرج وتبعدين عن التوتر لان عندج تقلصات قويه وهيج مو زين ع اولادج .  سمرا .. دموعي بعيني يعني دكتوره اثنينهم ولد ..
الدكتوره .. بلي ماما ولد بس الج الراحه والالتزام بهذا العلاج حتى تحافظين عليهم وع نفسج ..

اتباوعت الماما دموعها تنزل وحظنتني .. وگالت دوام بعد ماكو گولي الميوسه تجيبلج محاظراتج من صديقاتج . وادرسي بالبيت وللامتحانات الله كريم ..
واني حطلب من الدكتوره تقرير الحالتج حتى ينطوج اجازه ..
رجعنا للبيت واني فرحانه رغم تعبي والوجع الي بيه .. اتصلت ع ميوسه وبشرتها وخاله وعمو فرحوا بس طلبت متگول الامير ..
واجونا بيت خالو يباركون الي .. ويطمنون عليه .. وبيومها اول مره احس بالفرح من بعد كم شهر من خيانه امير الي ..
#بقلمي_شمس
يتبع…