الإنكسار

البارت السابع

البارت السابع
#الإنكسار
#بقلمي_شمس

شافتهم تخبلت وگامت تعيط وفضحت نفسها .. امير شك بالوضع .. دفر باب الغرفه شاف واحد كولشي ملابس ويحاول ينهزم ويدور ع ملابسه وبنتها تبجي وهي مشغوله بالزنا والخيانه .
امير فقد لزم الولد شبعه كتل وجرها من شعرها .. وشمرها ع اخوها .. وگاله اغسل عارك بيدك وبالايد الثانيه جر الولد وگله شوف بعينك اختك .. شلون تلعب بشرفي ويعيط .. اخوها خطيه مصدوم ممتوقع الي يشوفه اخته بهيج منظر وهيج وضع وي شخص غريب بالحرام .. امير شبع الولد كتل وماحس الا اخو احلام سحب مسدسه من خصره ورمى ع اخته بالاول ثلاث طلقات .. #شمس
واتجه للولد ضربه فرغ الطلقات البقيه بي ووگع اخوهه اغمى عليه امير .  انصدم وگعد ع حيله .. ويعيط لك ليش قتلته كان لازم اني الي اقتله واغسل عاري .  مثل مغسلت عارك انت ..
الناس التمت والشرطه .. واخذو الجثث .. واخذوا اخوها .. واحنا ماندري الى ان اجانه امير وبيده بنته .. وملابسه كولهه دم .. مطفر عليه من رماهم اخوها ..
نطانه بنته وطلع .. وركض اخويه احمد وابويه وراه للمركز وعرفوا السالفه .. وانغلقت القضيه .. كقضيه شرف .. بس امير قطع علاقته بيهم .. وماخلاهم يشوفون نور .. نهائيا ..
بيومها مصدگنا كولنا وتخبلنا معقوله اكو هيج انسانه تبيع شرفها وبيتها .. #شمس
وعرفنا بعدين .. انه هذا الشخص هم حبيبها ع الفيس ضحك عليها بالكلام والغزل ..
وهي صدگته متدري يضحك عليها وبس يريد ياخذ منها الي يريده ..
بس الي قاهرنا .. امير تغيير حيل مو ذاك امير الطيب صار واحد ثاني دايما معصب وميضحك وميحب يختلط بالناس ..
حتى بنته اهملها .. #شمس

سمرا .. اني اسمع وصرت هيج 😲😲 مصدومه معقوله اكو انسانه هيج تسوي .. وانقهرت ع امير وضجت .. انسان حبها ودللها وتالي هيج تجازيه .. وتذكرت بابا من ماما تركته وهو طيب وماله مثيل معقوله هم .. صدوگ مثل مگالو عليها تركته وانهزمت وي شخص لاخ ..

صراحه بعد ماسمعت الي صار .. خفت من امير وردت فعله اذا عرف انه ماما تركتنا وراحت اكيد حيكرهني ولو هسا هو هم ميحبني ..
بس اني شنو ذنبي .  ونور شنو ذنبها اذا عدنا هيج امهات ميخافن ربهن بينا يتركنا ويفكرن بغرائزهن ..

(الصراحه هذي الشغله منتشره بالفيس مع الاسف المتزوجات وعلاقاتهن الغير شرعيه ع الفيس .. والعياذ بالله )

تمسكت اكثر .. بنور .. وحسيت بالشفقه ع امير . وقررت اثبتله انه مو كل البنات نفس الشي .. واذا زوجته خانته يعني مو كل النساء خونه ..

صار العصر .. وطلبت خالتي من امير يوصلني .. ورحت مجبوره وياه .. الطريق كوله ساكتين .. بس عطره تارس السياره .. وشخصيته اوووف صدوگ يلوگله رتبه ملازم ويستاهل اكثر  .. بس هو مغرور وقررت مااتنازله بسهوله ويحسني رخيصه .. اخليه يحبني بس بطريقتي الخاصه ..😉

وصلنا للبيت وردت انزل .. التفتت عليه وگوتله . ع فكره هذي لون عيوني مو عدسات .  #شمس
واني كوله طبيعي مااغش احد ولا مجبوره اغش اوك ..

هو بقى صافن عليه .. واني سديت باب السياره ودخلت للبيت ومن غير مالتفتت .. وگلبي يريد يطلع من مكانه 😍
امير .. هههههه والله يالله شگد شايفه نفسها .. بس حقها .. هي تحجي واني اتباوع لعيونها يخبلن معقوله حقيقيات والحلو بيها وجهه صافي ولا شخطه بي ورموشها كبار .. #شمس

بس بعدين تعوذت من الشيطان .. لان هن الشيطان بذاته ويعرفن شلون يغرن الرجال ويوگعنه ..

سمرا وصلت للبيت .. وسولفت الماما كولشي وبقت مستغربه ..
وسولفتلها شكوكي .. واخاف امير يكرهني .. بس هي طمنتني كالعاده .. وگلتلي ليش اكو واحد يعرفج وميحبج ..
لتخافين ماما .. الله موجود بس انتي اعرفي شلون تحافظين ع بيتج وتكسبين زوجج ولتخافين ..

مر شهر واكثر وعمامي ماالهم حس ولا خبر .. وماما خلصت عدتها ..
وخاله ام احمد بدت تجهزلي .. وحددو الزواج .. ماما قنعتني بالقوه انه انزع الاسود .. وطلبت اروح القبر بابا واستأذن منه .. رحنا وزرناه وبجيت ع قبره وگولتله سامحني ومراح انساك وراح تبقى بداخلي .. ذبيت همي كوله يم بابا ورجعت ..

اني ردت اكمل وبعد مقدمت ع كليه .. تربيه طلعلي قسم بايلوجي مو انگليزي مثل مااتمنيت ..
بس هم ميخالف .. طبعا اني وامير ماكو اتصالات بينا خلال فتره الخطوبه ..
لهذا داومت كم يوم .. وصار زواجي ..
ماما شجعتني وگالت من ترحين للدوام جيبي نور يمي اني وحدي وتسليني ..

فقبلت ع هذا الاساس ..  #شمس
بيوم الزواج .. ماما گالت لازم نگول العمج علي هو عمج الكبير ولازم يعرف .. وبلكي بهذا الشهر تغيير ..
وفعلا .. اتصلت عليه وخبرته .. وهو خبص الدنيا . ويعيط وگال ماكو زواج واحنا عمامها وشلون منعرف وكذا ..

اني مهتميت .. وماما ضاجت گولتلها لتضوجين ماما .. انتي تعرفين اسلوبهم ..
اني لبست بدله بيضهرمخصره ع الجسم وفوگها قبعه ومكياج خفيف هادئ لا مااحب اخلي هوايه اجت الزفه كم سياره مراعاة الوضعنا وامير هم ميريد حفله .. ودخل امير ياخذني .. وبهذي الاثناء اجه عمو علي واولاده وعمي الثاني .. وصارت مشاجرات بينهم وبين امير ..

عجبني امير بقى يدافعلي .. گلهم طبعا متگللكم اذا تردون تجبروها ع زواج متريده ..
الظاهر خالتي ام احمد مسولفتله عليهم ..
اني انرعبت .. بس عباس مسكت وگال طبعا .. عليمن تطلعين ع امج ..
#بقلمي_شمس
يتبع ..