الإنكسار

البارت الثالث عشر

البارت الثالث عشر
#الإنكسار
#بقلمي_شمس

حبيبتــــــــــــــــــــــى
ان لم تكوني انت عشقي فمن تكوون - وان لم اكن انا مالك نبض قلبك فمن يكون - اخرجي من صمتك فقد بلغت حد الجنون ..

اخذت سمرا ورحنا نحلل .. واني منتضر بفارغ الصبر اول مره هيج احس ..
بعد نص ساعه .. طلع التحليل .. سمرا حامل .. حبيبتي حامل ..
ممصدگ نفسي ركضت بوستها والناس تباوعلنا وهي خجلانه .. #شمس

سمرا .. شفت الفرحه بعيون امير .. فرحت . واني سويت طفل عموده لان نونه عندي تكفيني واني عندي دوام .. اكيد هذا الشي حيتعبني .. #شمس

رجعنا البيت اهله .. وبشرهم وهو فرحان وخاله وعمو هم فرحوا .. ودخلت بوست ميوسه لان خطيه تركناهه ورحنا ..
عزمنا امير احنه واهله ع العشا
امير .. اخذتهم المطعم البسفور اهلي والوالد خاصه يحب هذا المطعم .. والجو هناك يخبل وتونسنا واحس صارلنا هوايه ممنجمعين هيج .. لزمت ايد سمرا وبوستها لان هي السبب بالسعاده الي اني بيها .
تونسنا ورجعنا اخذت حبيبتي وام ابني وبنتي بحظني ونمت .. #شمس

سمرا . عشت فترة حمل صعبه .. كولش والدوام هم تعبني وارجع للبيت .. شغل ونورا هم تتحرك هوايه ولازم اتابعها .. #شمس
واگعد ادرس .. ويجي امير .. هم يريد طلباته ورغباته .. ولازم اني دايما مبدله ومتحظره اله .  ميحس بيه حامل واتعب بين البيت والدوام ..
وصار يتململ اذا اگوله اليوم تعبانه .. ويتشكى .. ونسى ذيج الفتره كولها الي دللته بيها .. ويگولي انتي متغيره واني رجال ومن حقي ..
ولازم تلبيلي رغباتي ..
يجرحني هوايه بكلامه .. ودايشوفني ماالحگ اسوي اي شي .. حملي صعب وبطني دا تكبر .. وافتر بالبيت بين ملابس وطبخ وشغل وعندي طفله ونساتي صعبه حتى ضعفت حيل .. مرات تجي ماما يمي تساعدني بس تستحي من امير .. وتتقيد فترجع للبيت .

امير اتغيير .. صار ع اقل شغله يضوج ويزعل ويدور مشكله .. #شمس
گمت اخلي نونه مرات عند اهله او ماما حتى اتفرغله وميزعل .. بس اني نساتي صعبه بمجرد ميتقربلي استفرغ .. هو يضوج ويگوم .. ويبدي يتأفأف . 
ومرات يطلع وي اصدقائه للكوفي ويتأخر للوحده يله يرجع ..
واني ابقى منتضره .. لان اقلق عليه ومن يرجع اسوي نفسي نايمه .. لان ادري بي حيطلع حجه ... بس رغم كولشي مابطلت البس واعتني بنفسي وبشعري ..
وميعجبه .. #شمس
لان طبع الرجل غريزي .. اذا ميشبع غريزته .. يتخبل ويطلع المرأة هاملته او مقصره بحقوقه ..
من غير مراعاة لحقوقها .. او تعبها وهي تركض يوميا من الصبح لليل بين بيتها واولادها ودوامها .. وهو وحده يرادله وقت . اني اسمي الزوج الطفل الكبير للزوجه لان لازم تهتم بي اكثر مما تهتم بأولادها والا يزعل .. ويدور وجهه وينام مثل امير .. #شمس

بقى امير ع هذي الحاله يطلع ويجي متأخر ويوم دوام خفاره يعني مااشوف شي منه ..
بس من يتأخر ويرجع باليل يجي يخلي وجهه يم شعري ويحظني .. ارتاح من يسوي هيج احسه بعده يحبني بس الي معجبني تصرفاته ..

مرات تجي ميوسه يمي وياي من الدوام تبقى تساعدني .. لان امير حتى الدوام طلب مني أاجله هذي السنه واني رفضت .. لان هاي السنه الثانيه الي تضيع مني وصار كم شهر مداومه .. وامتحنا كورس اول ودرجاتي زينه .. #شمس
مردت اضيع هيج فرصه مني .. واني مؤمنه وقويه بأنه اگدر اكفي كولشي البيت وامير والدوام واولادي . 
لان طبعي العناد .. وماردت امير بكل شغله يفرض رأيه عليه ويطمس شخصيتي .. وخاصه بعد الكلام الي گالته ميوسه ..
گلتلي هذا مو طبع امير .. لا من جانت ذيج زوجته شما تسوي وتدلل عليه بحملها ميحجي .. ومساعدها ..

صدوگ ضجت معقوله لان ذيج هو اختارهه ويحبها يدللها .. واني لان مو اختياره يطلع كل العيوب بيه ..

لليل اجو اهل امير يتعشون عدنا عزمتهم .. گولت بلكي يفرح امير ويغير جو .. #شمس
وميوسه وياي ساعدتني بالعشا .. بس امير ضاج وگلي متواعد وي اصدقائي غير تنطيني خبر .. خلصوا بيت عمو وصارت العشرة .. گالوا الميوسه يله حظري نفسج حتى ترجعين ويانا ..

امير گللهم انتضروني اسبح ونطلع سوه اوصلكم ومناك اروح الاصدقائي .. عمي مارضه گاله بطل طلعاتك الوضع صعب شلون تترك زوجتك وحدها ..
بعد مااخذ رزاله معدله .. گللهم خلص بس اوصلكم وارجع ليش احمد يجي خطيه وهم يترك زوجته ..
ثواني اسبح واطلع .. وگلي سمرا حظري ملابسي .
دخلت للغرفه .. هو مخلي موبايله ع الشحن ودايما صامت .. بس هالمره يمكن مستعجل وناسي يسويه صامت .. #شمس
اجت رسائل للماسنجر .. مااهتميت حظرت ملابسه اشو صارت ملحه بالرسائل ..
فتحت الموبايل واني مو من طبيعتي اتقرب الموبايله وفتحته لگيت رسائل ..
الو حبي
وين انت
اشو اليوم اتأخرت
اشتاقيتلك واشتاقيت الحظنك ..
حبيبي ديله تعال وداعتك لاسويلك ليله احلى من ذيج الليله ..

بعدين دزت صور .. فتحتهن فضايح كولهه صور عاريه ..
وگلتله .. لعد اذا دا تقرأهن .. ليش مترد لو .. زوجتك المصون يمك ومتگدر .. #شمس

اني بقيت هيج 😲😲 .. وايدي ترجف ورجلي مااگدر اوگف گعدت ع السرير ودموعي تنزل .. وممصدگه الي دا اشوفه ..
بهذي الاثناء دخل امير ينشف بشعره .. گلي ها حبيبي حضرتي .. وسكت جمد من شاف الجهاز بيدي واني مصدومه واتباوعله وبس دموعي تنزل وعيوني تباوعله بعتب ..
#بقلمي_شمس
#يتبع…
❤️❤️❤️❤️
تصبحون ع خير حبايب نعسسسست 😍 ان شاء الله باجر اكملها الكم ويسلموا ع متابعتكم الي .. نطوني رأيكم بالقصه لحد هذا البارت ❤️
#الكاتبه_شمس