طبعا اني اطلعت على تقرير الحاله واليوم المفروض اول جلسه احنا كدكاترة نبدي من اول جلسه وياة المريض نكتشف مسمى مرضه وايضا طريقه العلاج
المقابله الاولى ـ..........
ساعه بالعشرة دنكت باب الغرفه مالي دخلت بنيه انيقه بشكل ملفت مرتبه ممكن هيا ملامحه طبيعيه جدا ولكن جذابه
اول مدخلت طبعا حجت بلانكليزي
كالت صباح الخير كتله صباح النور كتله سهى كالت اي كتله اوكي تكدرين تحجين بالعربي لان اني اصلا عراقي
كالت اي افضل
كتله اني اطلعت على حالتج واختج ايضا واخوج شرحولي حالتج والامور الي دتعانين منها
كالت اني مابيه ش كل مافي الامر انو عصابي شويه
تعبانه كتله اي اكيد انتي مابيج شي بس احنا نسولف شويه حتى ترتاح اعصابج
(طبعا دائما المريض النفسي لازم الطبيب يتعامل وياة بشكل طبيعي وميحسسه بمرضه بالعكس يحاول يكون وياة سلس بالكلام حتى المريض يشعر بالراحه)
كتله سولفيلي عن نفسج طبعا كعدتها بمكان هادئ هيا غرفه صغيرة تابعه للغرفه مالتي وكعدت على الكرسي الي مااخذ وضعيت الاسترخاخ
وفتحت المسجل يسجلله وبديت اسئله
اول سؤال شنو اسمج كالت اسمي سهى
كتله عمرج كالت عمري ٢٧سنه كتله اهلج كالت امي وابويه ميتين وعندي اخ واختين
وحدة من خواتي بالعراق وحدة هنا واخويه هم عايش باامريكه
كتله شكد صارلج عايشه هنا
كالت مصارلي هوايه
طبعا هيا صارله ١٥ سنه بس اظاهر بدت تنسى
كتله لعد اختج واخوج شكد صارلهم كالت ١٥سنه كتله اوكي
طبعا هما سافرو سوة واجوي لاامريكا كتله اخوج هم صارله ١٥سنه كالت لا صارله خمس سنوات
طبعا تخربط بالكلام بديت اخربطه حتى اعرف شبيه
وفعلا كامت تخربط بالتواريخ
كتله اوكي انتي خريجه كليه كالت اي اني هنا درست كتله شدرستي كالت ادارة اعمال كتله لعد شلون دكولين مصارلي هوايه هنا باامريكيه جان تسكت
مجاوبت كتله اوكي
انتي تعرضتي وانتي طفله لضرب احد فديوم اعتدى عليج اذاج بشي امج وابوج جانت علاقتهم طبيعيه
جانو يتعاركون يضربوج سولفيلي كالت اي ابويه جان يضربني هوايه وعافنه اني وامي من جان عمري
١٠سنوات وسافر وامي زوجت واحد ثاني جان هم يضربني واني مااحب لاامي ولاابويه وهم زين امي وابويه ماتو
طبعا اغلب كلامه صحيح لان بالتقرير اخته كايله انو زوج امي جان يضربه ولكن ابوة جان كلش يحبه وهوا الي جابه لاامريكا هيا واخته واخوة بس اظاهر لان ابوة تخلى عنه من جانت صغيرة كامت تحس بالكرة اتجاة لهذا السبب تحجي هيجي
كتله زين شلون اجيتي هنا لاامريكه كالت ابويه جابني كتله ابوج يحبج كالت لا كتله اكيد يحبج لعد لويش جابج هنا
كتله زين انتي عندج حب بحياتج اكو انسان جرحج
عافج تخلى عنج سكتت
كتله ها كالت اني جنت احب واحد هنا عايش تعرفت عليه بالكليه جان اماراتي كلش حبيته وهو هم حبني وهو جان كلش ثري وعافني ورجع لدبي ورة سنه اتصل بيه كلي اني احبج واريد ازوجج ورح اجي اخطبج واجيبج تعيشين ويايه بدبي اني كلش فرحت
وقبل مديجيني بتلث تيام نضرب بالسيارة مالته ومات
جان دكلي بس هو بعدة موميت مثل مكالولي لان اشوفه يفتر بالبيت ويايه ويحجي ويايه ويسولف
طبعا القصه الي حجته صحيح بس هو مات بس هي تتخيله موجود وياها
يتبع.........
