( رغبت بيوم جميل وقلت من حقي ان اعيش يوم بعالم خيالي انا ومجنونتي)
اليوم الصبح كانت الجلسه مال سهى طبعا كل جلسه نكعد نسولف ودائما ويا جميع مرضاي اخذ الامور بساطه وبذات ويا سهى لان مريض انفصام الشخصيه ميتحمل ضغط ابد
المهم بعد ماحجيت ويا سهى
كلتلي ممكن اسئلك سؤال كتله اي تفضلي
كالت انت ماعندك حبيببه استغربت من سؤاله كتله لا ماعندي كالت شعجب كتله ماادري
يعني صارت عندي علاقات بس مستمرت كالت لويش ملكيت وحدة تملك كلبك كتله لا
كتله لويش دتسئلين كالت هيج من كتله لويش دتسئلين خجلت وخدودة صارت حمرة اني ابتسمت كالتلي لويش تبتسم كتله لا هيج المهم طول الجلسه هيا نظراته عليه ولكن نظراته مختلفه عن كل مرة حسيت اكثر من مرة تريد دكول شي ومترددة المهم خلصت الجلسه ولكن اول مرة احس بعد انتهاء الجلسه بشعور جيد جانت سهى كلش طبيعيه وتصرفاته ايضا المهم خلصت شغلي بالمستشفى وطلعت للبيت وصادف انو
اني اليوم العصر عندي حفله يعني حفله مال شباب وبنات وحبيت اروح اغير جو رجعت للبيت وغسلت وبدلت ورحت للحفله اول مدخلت اجتي جوليا حبيبتي السابقه طبعا هيا الي تركتني اني جنت كلش متمسك بيه وصراحه جنت اتمنى ترجع تحجي ويايه بس هسه من اجتي وباستني من خدي وخلت يدة على جتفي محسيت بشي نهائيا مااثرت بيه جان كل بالي يم سهى
واذكرت كلمته من كالتلي يعني ملكيت وحدة تملك كلبك وحسيت فعلا انو اني محبيت بحياتي يمكن كل الي مرن بحياتي من النساء كان شعوري اتجاهن اعجاب اول مرة افكر انو الحب مختلف وشعوري الي كنت احس بي معا صديقاتي السابقات مختلف عن الشعور الي احسه ويا سهى اول مرة احس انو مضى وقت كلش طويل دون ان اتشوق لشيئ وهسه رجعلي هذا الاحساس بالشوق
من عرفت سهى
طبعا مضى على وجودي بالحفله مايقارب الساعه واجاني اتصال من المستشفى طبعا قبل مااجاوب الاتصال
عرفت علمود سهى وركضت على سيارتي ورحت للمستشفى وكالولي كاعدة تبجي وتعيط وتريدك
دخلت للغرفه رفعت راسه حسيت بيها طفله تريد تحتمي بيه
رحت عليه اول مرة احس بوجع كلبي وانو كلبي يوجعني على شخص كتله لويش تبجين باوعت عليه وبسرعه حضنتني كالتلي مديعوفوني يريدون يكتلوني كتله منو كالت هذوله وتاشر بيدة على الشباك كتله سهي ماكو احد
كالت بلي شوفهم اول مرة احس بشعور العجز اعرف هيا مريضه واعرف انو لازم اطول بالي وياة بس موبيدي حسيت انو اني جدا مهزوز تمنيت لوبيدي طيب هسه انقهرت كلش لان شفتها خايفه وعيونه بلا دموع تبجي
حسيت شعور غريب بداخلي
شعور انو يومي ممئلي بكل شي بالخوف والعجز والفرح والحزن اختلاط مشاعري مؤلم
بس الي كدرت اسوي انو احضنها بكل قوتي ردتها تحس بالامان وعدتها انو اني مااعوفه ولمن سويت هيجي كالتلي اني احبك ادهم الله يخليك لتعوفني حسيت داخلي ديكطع
وظليت احجي وياة لحد ماطلع الصبح وهيا نامت
وطلعت وعفته حسيت نفسي اختنكت كلش ردت اشتم هوى طلعت للحديقه مال مستشفى استنشق هوى
يمكن شويه الهوى يغير من نفسيتي داشعر باارهاق ارهاقي نفسي موجسدي شعوري اتجاة سهى مااعرف شنو عطف حب يجوز لان عراقيه مثلي مااعرف شعور معشته من قبل
ورغم كل هذا اشعر بتأنيب الضمير لان دورات اتمنى مطيب حتى اظل اعالجه واظل اشوفها كل يوم
وبعد تفكير قررت انو اني مااعالجه بعد قررت انو اخلي الدكتورة سيما تكمل علاجه دكتورة جيدا جدا
انو هيا رح تستكمل علاجه لان اني مدااكدر اريد ابتعد
وقررت حتى اخذ اجازة كم يوم كلت بلكي شويه ترتاح نفسيتي وارجع لعملي
وفعلا حجيت ويا دكتورة سيما انو هيا تشرف على حاله
سهى وبعد ماخلصت كلامي ويا الدكتورة سيما رحت لغرفه سهى وجانت بعدها نايمه باوعت عليه شويه وجنت جايبله وردة من الحديقه اعرف تحب الورد دائما دكلي منظر الورد وعطرة يسوي عندي شعور لايوصف لهذا السبب جبتله وردة خليته يم راسه حتى من تكعد تشوفه
وباوعت عليها وكاانما اني مرح اشوفه بعد ماادري ليش صار عندي هذا الاحساس كنت متردد بين اروح وبين مااروح
ولكن لمصلحته ولمصلحتي لازم اروح
وابتعد فترة وفعلا رحت وجنت اريد مكان استرخي بي
ورحت يم صديقي أنطون طبعا احنا اصدقاء من جنه اطفال برغم انو هومو مسلم واجنبي بس علاقتنه كلش قويه ومصادفت انسان مثله وفي
رحت بقيت يمه وجنت محتاج احد يسمعني يمكن مرح يكدر احد يحس بلي داحسه بس ممكن احد يحاول يفهمني
بتبع ..........
#روجمان
