طبعا اثناء جلسه كل شويه اشوفها تندار كامت تتخيل احد ويانا او هي دشوف احد المهم كتله اليوم كافي
نتكلم الجلسه الجايه يوم الاثنين طبعا اليوم الي شفته خلال الجلسه ويا سهى مكان يثبت بشكل قاطع انو هيا تعاني من انفصام بالشخصيه ولكن كانت يثبت انو هيا
عدة اضطراب فكتبتله بعض الادويه وكتله استمري عليه وانتظرج يوم الاثنين طبعا كانت اخته وياه بس مدخلت عد من طلعت هيا دخلت اخته كلتلي دكتور ممكن اتكلم وياك كتله اي تفضلي كالت دكتور شنو وضع سهى
كتله
والله صراحه لحد الان ماتوصلت بشكل قاطع لمرضه
بس هيا اعصابه كلش تعبانه
وناسيه التواريخ يعني من سئلته شوكت اجيتي لاامريكه كالت مصارلي هوايه
كالت دكتور احنا صارنه ١٥سنه
كتله اي اعرف مكتوب بالتقرير كلشي عنه كتله بس
سؤال كالت اي دكتور تفضل كتله ابنه تشوفه
كالت لا نهائيا زوجه منعرف وينه كتله اوكي الاثنين الجلسه الثانيه كالت دكتور رح اظل بالمستشفى اليوم كتله اي لفترة وذلك خوف انو تاذي نفسه لان
جانت اثناء الجلسه تشوف شخص وياة بالغرفه تتخيل
فلسلامته تبقى بالستشفى اذا شفنه مابيه شي منا ليومين تلاثه نطلعه كالت اشكرك دكتور وطلعت
ورة ماطلعت بشويه سمعت صوت عياط طلعت شفت
سهى متقبل تبقى بالمستشفى
عد كتله سهى كالت ها شتريد
كتله لازم تبقين بالمستشفى كالت اني مو مخبله
كتله منو كلج انتي مخبله انتي مريضه شويه اعصابج
تعبانه ترتاحين يومين تلاثه يمنه وطلعين تروحين ويااختج
طبعا اقتنعت وديته اني لغرفته وحسيته شويه اطمئنت وطلبت من اخته تجيه دائما المهم بنفس اليوم بالليل اني بالبيت خابروني كالولي المريضه سهى كاعدة تفتر بالمستشفى ومتقبل تنام وتريدك انت كتللهم يله اجاي والله رحت بسرعه شفته صاعدة بالطابق الاخير وكاعدة على الدرج والجو جان بارد وهيا جانت لابسه ملابس خفيفيه
كلت هسه تتمرض
كتله سهى كالت دكتور ادهم كتله اني
كالت وين رحت كتله جنت بالبيت كالتلي شلون
تعوفني كتله مواني لازم اروح للبيت كالت موانت ملازم تعوفني
لان اني ضجت من عبدالله امشي ويلحكني كتله منوة
عبدالله كالت حبيبي كتله ميصير اني مزوجه عوفني بس ميفيد لهذا السبب عفته وصعدت هنا حتى ليشوفني
كتله ها وشيريد منج عبدالله كالت خلي يروح اني من سافر دبي وعافني كتله بعد مااريدك ابد وراح وهسه
هم رجع يضوجني كتله ها ليش هو جان وياج بالغرفه
كالت اي كتله وهسه وينه جان دكول بعدة بالغرفه
كتله
سهى امشي رجعي لغرفتج نامي وباجر الصبح
نتكلم عن عبدالله كالت ميخالف
كمشته ونزلنه جوة اول مدخلت للغرفه كالت رايح عبدالله همزين
ماموجود كتله اي زين يله نامي عد صعدت على السرير وغطيته وكتله تصبحين على خير
وطلعت من الغرفه
اظاهر شخصيته عبدالله الي هو نفسه الي جانت تحبه وتركه ورحل وبعدين راد يرجعله ومات مسوي عدها صدمه اظاهر دتتخيله يحجي وياها ويلحكه
وبرغم هذا اني لازم اتاكد بعد لان صادفتني حالات
يدعون الجنون
يتبع ...........،،،
#روجمان
