(ذهبت بعيد لكي انسى اوجاعي ولكن اوجاع قلبي تلاحقني)
المهم بعد مسولفت ل أنطون
كان جواب انطون انا لااعلم بما ذا اجيبك ياادهمً
انت يجيب ان تفرق بين مشاعرك كاانسان وبين مشاعرك
كطبيب اعلم ان قلبك يؤلمك لااني عشت من قبل مشاعر الحب والم الفراق ولكن حبك نهايته الفشل
لان حبك كجدال عقيم كيف تحب مريضتك
وماهو نهايت هذا الحب انظر بعقلك وقلبك ياصديقي
واياك ان تتخذ خطوة تندم عليه فيما بعد سوف ادعك تخلد الى النوم الان وقبل ان اذهب اتمنى ان لااراك متئلم
وارى الحزن في عينيك انت تعلم كم احبك ياصديقي
تصبح على خير
لمن راح أنطون فكرت بكل كلمه كاله المشكله انو كل كلامه صحيح بس دورات عواطفنه تغلبنه وبعد ماظليت افتر بالبيت رايح جاي تعبت ونمت
وثاني يوم حسيت على ريحه الحطب وريحه الكهوة جان انطون كاعد وفاتح نار الموقد ومحضر الكهوة
شربت الكهوة وجان انطوان ايصا فاتح موسيقه كعدت اباوع على الطبيعه كل هاي الامور القهوة والطبيعه والموسيقه ورائحه احتراق الحطب تجلب لقلبي الحنين
اجتي على بالي سهى وذكرت الها موقف وبتسمت
وسئلني انطون شنو سبب ابتسامتي كتله اذكرت سهى وموقف سوته ويايه كلي ماهو الموقف
كتله هيا سهى بالليل تتحول الي مراهقه وانسانه بس تضحك ودمه خفيف فمرة بعد انتهاء دوامي رحت للبيت وتقريبا بعد اربع ساعات رجعت رحت لغرفه سهى شفته ماموجودة تخبلت كمت ادور عليه تمشيت بالممرات وجان اسمع صوت احد رحت لغرفه المرضه النفسين الكبار بالعمر شفته مسويته ستوتات بشعرها ولامه كل الي بالغرفه وكاعدة تركص ويا العجوز ماركوس وتسوي حركات كلش طفوليه ظليت واكف اباوع عليه من بعيد وكنت ابتسم ويا كل حركه سويه ويا كل ضحكه جانت تتصرف بعفويه حسيته فعلا طفله حزنت عليه ولمن انتبهت انو اني واكف اباوع عليه اجتي ركض عليه وجرتني من يدي وخلتني اركص وياها هيا كانت ماخذة الامر لعبه او كاعدة تتسلى لان كانت تتصرف مثل الطفله بس اني جانت خطواته وياكل دكه بكلبي ماادري لمن كنت بقربه شحسيت
وسكتت ونداريت على انطون كتله اصدك اني مااعرف حبيت منو حبيت سهى الطفله ولاحبيت سهى الواعيه المثقفه الي دائما تحاول تكابر ولا حبيت شخصيته الثالثه الانسانه المكسورة الضعيفه الي دائما تبجي والي كلما اشوفني دكلي اترجاك لتعوفني وتخليني اوعدها انو مااعوفه بس للاسف. بنهايه المطاف تخليت عنه
ورحت
كتله ل انطون اول مرة احس نفسي جبان ونهزمت
خفت اواجه مريضه
كلي انطوان ياصديقي انت لست بجبان ولكنك تحمل قلب
محب لاتقسى على نفسك اكثر سوف تنسى صدقني
كتله مااعتقد
المهم كملنه كلامنه وكال انطون انو نطلع نغير جو نروح للصيد او نسوي شي
طبعا انطون كان ديحاول يخفف عني لان
كان يشعر بحزني لهذا السبب حاولت احسن من مزاجي
انطون قرر انو نتصل بعض اصدقائنه ونلتم ونروح لمكان ما وفعلا اتصل بكم صديق
واجوي ورحنه لمطعم وبعدها اصرو يروحون لنادي لليلي
المهم
رحنه ولكن طول فترة العشه اني بالي مشغول لمن رحت للنادي الليلي قررت اتصل بسيما اسئل عن سهى واتصلت ظل التلفون يدك محد يجاوب اتصلت اكثر من مرة ونفس الحاله سديت التلفون ورجعت كعدت يم اصدقائي
حاولت احجي وياهم واضحك بس كنت مجرد اجاملهم لان مكان الي نفس بشي وصراحه قلقت اكثر من سيما مجاوبت المهم بعد مخلصت سهرتنه رجعت اني وانطون للبيت وسولفنه شويه وبعدين انطون راح نام بس النوم جافاني حاولت وردت مكدرت انام ابد
ظليت للصبح كاعد واول مصارت ساعه بالسبعه اتصلت بسيما
ومجاوبت همين و بعدين رسلت رساله صوتيه
ورة ساعه اتصلت سيما وكالتلي المريضه الي حلته عليه
وضعه صعب ودترفض تاكل وترفض تتكلم الابوجودك
وحاولت تنتحر لهذا السبب مكدرت اعوفه
وانطيته ابرة مهدئ يله نامت
سديت التلفون من سيما ومكدرت مااروحله حسيت بالخنكه شغلت السيارة ورحت ولمن وصلت للمستشفى ورحت لغرفه سهى كانت فارغه رحت ادور على سيما
كالولي يم الدكتور سام
رحت بسرعه طبعا الدكتور سام جان مدير قسم الي بالمستشفى المهم
دخلت حتى مدكيت الباب (الحديث الي دار بينه )
ادهم .....صباح الخير دكتور سام
سام...... صباح الخير ادهم كيف حالك وكيف كانت رحلتك
ادهم .....كانت جيدة اشكر اهتمامك دكتور سام
ادهم.....سيما اين سهى
سيما ..... لقد حوله. الدكتور سام الي مشفى ثاني
سام .. ادهم انا المسئول الاول عن كل الحالات الذي تاتي الى المشفى ولذالك اعتقد بان حاله سهى تحتاج ان يعالجه طبيب وليس ان يحبه واعتقد انت تفهم كلامي عندما تجعل المريضه تتعلق بك وتصل الى حد الانتحار
هذا لايسمى علاج هذا يسمى مرض ثاني
وبرغم المدة التي كانت معاك به المريضه انت لم تتقدم خطوة واحدة في علاجه بالعكس انت جعلته مريضه اكثر مريضه بك
نحن كاااطباء لانربطنه علاقه بمرضانه اتمنى ان تفهم هذا جيدا
واتمنى ان تنسى هذا الفترة وتعود الي عملك وتعتبر ان هذا كان درس لك
طبعا بعد الكلام هذا كله اعترفت لنفسي انو خليته تكون
مريضه اكثر وجنت اناني لان جنت اعرف هيا تعتقد بوجودي بقربه الامان وخليته تصدك انو بدوني هيا معرضه للخطر
ولكن كان كلام سام وكلام صديقي انطون يتردد براسي
وكلهم كانو يلومني لان مشاعري ابتعدت عن مسارها الحقيقي ويا مريضتي
وقررت انو اعود لعملي وانسى سهى واعتبر الي مريت بي درس يفيدني بحياتي الجايه
وفعلا رجعت لعملي والتهيت ويا بعض الحالات الجديدة الي اجتني
وحاولت اطلع سهى من راسي ماكدرت بس كنت اضغط على نفسي جنت اقنع نفسي انو هيا بدوني افضل
واني بدونه ايضا افضل
يتبع........
#روجمان
