مضى على اخر مرة شفت بيها سهى قبل ست اشهر معرفت شي ولاحاولت اعرف مردت افتح نفس الجرح الي اصلا بعدة ماطاب
ولكن دائما الصدفه تلعب دور
بااحد الايام كنت جدا منهك من العمل وقررت انو اروح اشرب فنجان قهوة وجنت متعود اروح لكوفي شوب قريب على المستشفى اشرب الكهوة فعلا رحت وجلست وطلبت الكهوة
وجنت اباع من خلال النافذة شفت سهى وياها اخته وياهم
ولد شاب اني اذكر شكل اخوها بس هذا مواخوهاً
ولكن سهى جانت طبيعيه ولكن الشي الوحيد الي كان مبين عليه الضعف كانت جدا ضعيفه
ويمكن بعض علامات الارهاق الي محاوله تخفيه بالميك اب
طبعا دخلو كعدو وطلبو كهوة وجنت اباوع على سهى من بعيد تمنيت تنتبه على وجودي ولكن كانت دسولف وتضحك بشكل كلش طبيعي
ظليت كاعد بمكاني وكاانما نشليت لااكدر اكوم اروحله ولااكدر اطلع ارجع للمستشفى
المهم كلت شرح يصير اذا سلمت عليه مهما كان اني كنت دكتور الي اعالجه
ومجرد انو حبيت اطمئن عليه فعلا خطواتي اخذتني الها
وكفت كدامه باوعت بوجي وكاانما متعرفني
ولكن اخته كامت وسلمت عليه
استغربت من تصرف سهى معقوله تسوي نفسه متعرفني
صحيح هيا مريضه بس اكيد تذكرني
كتله شلونج سهى كالت الحمدلله اشكرك
كتله صارلي فترة مشايفج وهسه بالصدفه شفتج وحبيت اطمئن عليج
باوعت عليه وكاانما مستغربه من كلامي
كالت اسفه بس اني مااعرفك اول مرة اشوفك
كتله شنو اخته كالت دكتور ادهم ممكن اتكلم وياك
وطلعنه وكفنه برة كالت اني اسفه
بس بعد ماعفت علاج سهى وحولته انت لغير مستشفى كامت تتعالج بالجلسات الكهرباء وكامو ينطوهادوة يضعف تركيزة وايضا بعد فترة كالو هيا رح تبدي تنسى وذلك لان صارت عدها حاله من تشوش الذاكرة حياته ولكن الدكتور كال اذا استمرت على العلاج والدوة تبدي شويه شويه تذكر وترجع بعد فترة طبيعيه ان شاءالله بس لازم تستمر على العلاج كتله يعني هسه هيا متذكرني كالت لا هيا متذكر حتى فترت من زواجه ذاكرته كلش مشوشه تذكر امور وبعض الامور تشوفه غامضه ومشوشه متكدر تفهمه فهذا يسبب عدها النسيان
نداريت باوعت عليه جانت دتضحك ويا هذا الشاب كتله هذا منو الي وياة كالت هذا كان وياة بالمستشفى ولمن طلعت من المستشفى خطبه واحنا شجعنه هذا الشي كلنه بلكي تعيش حياة افضل ويمكن اذا تشعر بالسعادة
تتحسن حالته
كتله ان شاءالله اني اتمنى لسهى السعادة دربالج عليه
كالت اشكرك لان ايضا انت وكفت بجانب سهى كتله لاواجبي وايضا اعطيته رقم هاتفي كتله اذا احتاجيتيني بشي وكتله
مع السلامه
ومشيت وحسيت بكلبي من القهر يريد يطك
وهالمرة حاولت اكون صاحب اصرار اكثر لان هيا عاشت حياته ولازم اعيش حياتي
ولكن يعد كم يوم اتصلت اخت سهى عليه وكانت الدنيا لليل حوالي الساعه ٢بليل كالت سهى مااعرف شبيه ودتحاول تطلع من البيت و الدكتور الي متابع حالته هسه مديرد على اتصالي كتله اوكي اني هسه اجاي
ونطتني عنوانهم ورحت واول مادخلت كتله لااخته وينه سهى كالت فوك كاعدة صعدت شفته كاعدة بغرفته
ونفس الحاله من جانت بالليل تتحول لمراة حزينه
ولكن هالمرة هم معرفتني حاولت اهديه احجي وياها
هم كانت تحس بالخوف جانت دكول ميقبلون انام مديخلوني كتله محد يكدر ياذيج احنا كلنه يمج كالت لا بس هو مو يمي كتله منو كالت حبيبي
كتله منو هذا حبيبج كالت انت متعرفه كتله اي شبي كالت جنت من اخاف بالليل يجي يبقه يمي ويوعدني انو ميعوفني ابد
حسيت دموعي نزلت لان هيا كاعدة تحجي عليه بس مدتعرف اني الي دتحجي عليه اني هو نفس الشخص لان اني الي وعدته مااعوفه وعفته صرت جبان
وسويتله مثل مجنت اسويله اخلي راسها على جتفي
واخليه تحس باالامان بس هالمرة اني الي ردت احس بالامان اني الي جنت محتاج اكثر من حاجته الي
من صارت قريبه يمي وحسيت باانفاسه وحسيت بخوفه ودكات كلبه حسيت بشعور يفوق الوصف
وكلت لنفسي كيف نتألم من فراق شخص حاضر امامنا
هيا بين يدي بس احسها بعيدة شعور مرح يفهمه بس الي حس بي
احس بالحنين وهيا يمي لان اخاف من المستقبل واخاف تغيب يوم وبعد ما اشوفة
اول مرة احس انو اني صنعت فارق بحياة شخص ما
واني صنعت احساس بداخل مريضه نفسيه وبداخل انسانه حبيته
هالمرة قررت مااكون جبان قررت مااتخلى عن سهى يكفي انو هيا تحس بالامان ويايه حتى لوهيا متذكرني بس اني اذكرها ومتاكد بداخلة جزء يخصني
حتى لوكانت مساحه صغيرة من الحنين هذا يكفيني
ميهمني اذا كالو عليه الطبيب المجنون قررت اتئلم بقربه افضل من مااتئلم واني بعيد عنها
ولمن نامت شلته وخليته على فراشها شلته وكاانما طفله
وغطيته ونزلت جوة حجيت ويااخته وكتله انو اني رح ارجع اشرف على معالجته
وطلعت من البيت ردت افكر صعدت سيارتي وظليت افتر واجتي بالي الف طريقه وطريقه حتى اعالجه لان مااكدر اظل اخليه تتعذب هيج مداستحمل نظرات الخوف الي بداخلها مداستحمل اشوف دموعها
المهم وكفت يم واحد يبيع ورد واشتريت باقه ورد
ورجعت لبيت اخت سهى جانت بعدها نايمه دخلت وخليت الورد يمة على السرير مالته فتحت عيونه و باوعت على الورد
وبتسمت وبعدين باوعت عليه كلتلي انت منو ابتسمتله
كتله اني اسمي ادهم اني الدكتور الجديد مالج
كامت بسرعه كعدت والخوف بعينه كالت اني مااريد دكتور
اني مااريد ارجع للمستشفى اني مو مخبله اني مااريد يخلون كهرباء براسي الله يخليك مااريد حباب لترجعني للمستشفى كلش حزنت لان شفته كاعدة تتوسل عليه ولان شفته حزينه ومكسورة
شعور صعب من تحب انسان وتشوفه حزين ومكسور وانت متكدر تسويله شي وتحس نفسك عبالك مذبوح ودتلتقط اخر انفاسك
يتبع ........
#روجمان
