رجعت للبيت باليل وجنت تعبان كلش ونمت
ثاني يوم رحت الصبح للمستشفى شفت سهى بالحديقه انيقه وشعرها مشط ولابسه حذاء كعبه عالي ولاعبالك البارحه الي شفته بالليل جانت عبالك طفله خايفه هسه لمن داباوع داشوف وحدة واثقه من نفسه رحت عليه سلمت عليه كالتلي صباح الخير دكتور ادهم كتله شلونج اليوم كالتلي زينه كتله ممكن اكعد يمج كالت اكيد تفضل كتله
الجو اليوم حلو كالت اي الجو اليوم لطيف كتله عبدالله بعدة يلحكج
باوعت عليه بااستغرب كالت ياعبدالله كتله حبيبج السابق كالت شمدريك اني عندي حبيب هيجي اسمه كتله انتي كتيلي كالت لا مكلتلك كتله يجوز سمعت من احد مااذكر
كتله بعدة يلحكج كالت انت بيك شي دكتور كتله لويش
كالت لان عبدالله ميت واني ازوجت بعدة
وضحكت عليه عود اني مخبل ههههه كتله اي صحيح
نسيت كتله لعد انتي شكد صارلج هنا باامريكه كالت ١٥سنه كتله اي صحيح
كالت من رخصتك دكتور اريد اروح ارتاح
وكامت طبعا هاي الحاله كلش جذبتني ماادري ليش
وهيا حاليا ثبتت انو هيا عدها انفصام الشخصيه
ولحد الان ظهرت عدها تلث شخصيات
(طبعا مريض الي يعاني من الشيزوفرينيا ممكن يكون عندة اكثر من تسعين شخصيه )
حاليا رح ابدي وياة العلاج بلبدايه بلادويه والجلسات واذا مافادته لازم نسويلها جلسات كهربائيه
بعد مرور تقريبا شهر على وجود سهى بالمستشفى كمت اعرف انو بالليل تتحول الي مراهقه ودورات الا امراة حزينه جدا والصبح ترجع تتحول لشخصيه قويه
بملابس انيقه بطريقه كلام مختلفه صراحه يوم بعد يوم كام تجذبني وكمت احب شخصيته من هيا مراهقه اراقب تصرفاته وضحكه وسوالفه واحب شخصيته من هيا انسانه واعيه ومثقفه بالكلام وايضا احزن علية جدا
لان داشوف انو الادويه والجلسات مدجيب فائدة
متغير شي بيها فلازم نلجاء للكهرباء وصراحه اول مرة اتردد
انو اعطي لمريض علاج بالكهرباء
لهذا السبب داحاول انو اخر واغير نوع الادويه بس داحس انو بدى المرض يتفاقم
وصراحه يوم عن يوم كمت احب هاي الانسانه والسبب انو هيا بالليل متقبل تبقى بالمستشفى الا اني موجود فكمت اضطر اروح للبيت وارجع بالليل وذلك حتى لتنهزم او اخاف تحارل تاذي نفسه لانو اكثر شي تجيه الوساوس والتخيلات بالليل
بدايه الامر كنت التزم بيه كحاله انسانيه ولكن بعدين
بديت ابقى يمه خوف عليه وايضا لان صراحه لمن تصير مراهقه تكون شخصيه مختلفه جدا وتتحول لاانسانه مرحه دمه خفيف تحسسني الي كدكتور بمراهقتي
صراحه اكثر الاحيان الوم نفسي ماالمفروض الدكتور تربطه مشاعر بمريضه وذلك لان مرح يعرف يعالجه
بعض المرات فكرت انو اترك هاي الحاله او احوله لغير دكتور
ولكن كلبي منطاني اني من التزمت بسهى نسيت تقريبا كلشي بحياتي ابتعدت عن اصدقائي حتى اهلي حاولت اثبت انو اني اكدر اعالجه وبجدارة لان هيا ثاني حاله تجيني عدها انفصام بالشخصيه باقي الحالات الي مرت عليه كانت امراض نفسيه وليس عقليه هيا مرضه عقلي
بس للاسف
اني مشاعري جرفتني ويا سهى المشكله انو اني رح اتذى اكثر منه لان هيا مدتعرف
شي ولان هيا
عدها تسطح عاطفي معناته هيا عدها عدم القدرة
على التعبير عن مشاعرها
بس الي صار اليوم خلاني اعيش بعالم من الخيال
يتبع ..........
#روجمان
