طبعا قررت انو اشرف على علاجها بيت اختها لان رفضت ترجع للمستشفى ويوميه كنت اروحلها شويه الظهر واروحلها بالليل الحمدلله انو كانو اهلها واقفين بجانبها ومتفهمين لوضعها جدا
وجانو هوايه يراعون نفسيتها طبعا بدايه خطوات العلاج
قررت انو اخليها تذكر وكلت لازم اخليه اتشوف ابنها لان هي ابدمجيب طاري ابنه حتى من كانت يمي بالمستشفى ماادري ليش شنو السبب الي يخليه مجيب طاري ابنه ابد وتكلمت ويا اخوها واخته عن زواجه الاول وللمفاجئه انو زوجه انسان مثقف ومحترم وجان بينهما حترام متبادل وجانت حياتهم ايضا طبيعيه وطبعا هيا زوجته هنا باامريكه وظلو تقريبا ست سنوات سوة ولكن من ظهرت اعراض المرض عليه بشكل حاد وقوي كام يخاف على الطفل وجان يسمعه تحجي ويا نفسه ودورات تعيط فكام ياخذ الطفل اكثر الوقت يبقه يم بيبيته ولكن مرة عن مرة كام يخاف يبقي حتى من هو موجود مع العلم انو هيا مكانت تاذي ابد بس هو زوجه صار عندة مثل الوهواس
ومرة اجه علينه كال اني مدائمن ابقه يم سهى وداخاف على الطفل فااني رح ابقه يم بيت اهلي ومنا لفترة الله كريم ولكن بعد فترة رفع قضيه وكسب حضانت الطفل وذلك لان ثبت عليه انو هيا موطبيعيه ومتكدر تقوم برعايه الطفل وبعد ماانفصل عنه واخذ الطفل كامت دورات تبجي على الطفل رحنه مرة مرتين جبنه الطفل وبعدين كام يرفض ينطينه الطفل اشوفه امه وبعدين شال من البيت الي جان ساكن بي وماعرفنه وين راح ظلينه ندور ونسئل
بس ماوصلنه لنتيجه وبعد هذا الموضوع زادت حالته لسهى وكامت بعد متسئل عن ابنه ابد
كتلهم اي صحيح حتى لمن كنت اعالجه بالمستشفى مكانت ابد تتكلم عن زواجه عن ابنه
وستغربت ليش متدكر ابنه معقوله ناسيته
كالت اخته احدنا حتى خفينه الصورمال فادي حتى لشوفه وتكوم تبجي وتعيط لان لمن ابو اخذة
كامت من تشوف صورة تكسر الغراض وتبجي وتعيط
وجانت تحاول تطلع من البيت لحد منظل نجرها ونحاول نخليه تسترخي وتهدأ
كتلهم اوكي هسه لازم اجيبله ابنه اشوفه بلكي تذكر
شي
وسئلت اخته كتله صحيح مرة شفتكم بالمطعم وياكم ولد كلتي خطيب سهى شو ماشفته ابد
كالت اي صحيح بس فجاءة صارت مشكله بينهم كلش تافه وكلتله دربالك اشوفك مرة ثانيه وهو بعد مااجه ولا حتى اتصل
كتله اوكي اني هسه رح اطلع احاول اعرف اي شي عن زوجه السابق علمود احاول اجيب ابن سهى بلكي يتغير شي تذكر شي وانتي دربالج عليه ولتعوفيه ولادقيقه
وكتله اذا تعبتي تناوبي انتي واخوج علما اجي
طلعت وركبت سيارتي وسويت بعض الاتصالات
واني عندي هوايه معارف
المهم انو ورة ساعتين جابولي عنوان الشركه الي يشتغل بيه زوج سهى السابق وطبعا اتصلت بالمستشفى كتلهم انو اني عندي ظروف مااكدر اجي المهم رحت على العنوان الي عندي
ودخلت وسئلت واشرولي على واحد كاعد على مكتب دخلت سلمت عليه حجيت وياة بالعراقي ابتسم وكلي تفضل وكعدت وكلي تفضل اكدر اساعدك بشي كتله اي تكدر وياريت اساعدني
واكون ممنون منك كلي اي تفضل اذا اكدر اساعدك ليش
لا
كتله اني دكتور ادهم اني دكتور امراض نفسيه وعقليه
واني طبيب زوجتك السابقه سهى
كلي اي بس اني ماالي اي دخل بسهى
علاقتنه انتهت من زمان كتله اعرف بس هيا عدها ابنه وانت مانعها اشوفه كلي هيا انسانه مو عاقله كتله حسب ماسمعت انت جانت علاقتك بيه جيدا وكانت حياتكم جميله ولكن مع احترامي الك انت تخليت عنه عندما تفاقم المرض
كلي اني خفت على ابني ومردا يعيش حياة مو طبيعيه لان لو باقين ويا سهى كان الطفل مستقبله يكون مثل امه لهذا السبب ردت احافظ عليه واخلي يبتعد عن هيجي جو
كتله اني وياك بكل كلمه كلته بس الانسان مالمفروض يتخله
عن شخص هو بحاجته جان المفروض متتخله عنه وفوك هذا كله تمنعه تشوف ابنها يااخي سهى انسانه مهزوزة وحزينه جدا اني اتمنى على الاقل تخليه اشوف ابنه
كلي لا مااقبل لان هو صارله مدة كصيرة من نساها وبطل يسئل عنه اترجاك لتجيني مرة ثانيه وخلي سهى بعيد
عني
كمت وكفت وباوعت عليه كتله للاسف انو الانسانيه ماتت
لتعتبر سهى زوجتك السابقه اعتبرها حاله انسانيه
وهيا ام مهما كانت ومهما حاولت تبعد ابنك عنه مصيرة
هو يدور عن امه
اتمنى ضميرك يستيقظ
اشكرك على وقتك مع السلامه
يتبع .............
#روجمان#
