#قصه_بعد_الصبر#
للكاتبه فردوس عبد اللطيف
الجزء 2
ابو لارا اعترض ميصير يجى احمد يلبسهه نيشان وما كاطعين مهر راحو بسرعه جابو السيد كطلعلهم مهر
لارا لبست البدله وطلعت قمر
دخل احمد مبتسم وما مصدك هلو مرتى
لارا خجلت وصار وجهه احمر دنكت
اى صرتى مرتى وملكى
لبسو النيشان والحلقات
لارا لم اعرف الحب فى حياتى اول ما انكطع مهرى على احمد تعلقت بي وحبيته حب كانما اعرفه من سنين كظينه الليله فرح وغنى وركص وكانت اول ليله بحياتى احس قلبي يخفق لانسان وشخص صار كم يوم من شفته صار هو سعادتى ودنيتى واملى من بعد حبي لبابا وماما
اول مرة يخفق قلبي واعشق مثل ما نشوف بالافلام والمسلسلات الان عرفت معنى الحب
رجعو لبغداد بس احمد كل يوم يجينا طريق ساعتين وما يتعب مرت فترة الخطوبه 3 اشهر من اسعد ايام حياتى حب ودلال وانسان يهتم بي وكانت تلفونات ارضيه سنه 1993 كل شويه يتصل ويتغزل بي
مرات يصادف عنده شغل وما يجى اتمرض وانام بالسرير واكظيهه بكاء لان تعودت على شوفته ورة 3 اشهر كطعنه مهر بالمحكمه وسوينه حفله مهر ورحت صالون ولبست 5 فساتين اول فستان كان لونه احمر عندما دخلت الكل تعجب من شكلى وصرت عجبه للكل
طبعا احمد كان عنده علاقات بالجامعه واكثرهن يتمنون يتزوجونه بس هو اختارنى وكثير من اقرباءة البنات كانو يتمنون يتزوجوه بس كنت انا نصيبه وانا كذالك ولد عمى وابن عمتى بس هى قسمه اكون لانسان ما شايفته واحبه كل هذا الحب
حفله المهر كانت احلى حفله ولاحلى عروسين كنت فى قمه سعادتى واحمد فرحان وطاير بي
بقى الاستعداد للزواج
طبعا بيت احمد ما عدهم مشكله بيتهم كبير حظرو كلشي خلال 3 اشهر حددو موعد الزواج
كنت انتظر يوم زواجى واعيش مع الانسان الى تعلقت بي وما اكدر استغنى عنه
اجه يوم العرس حسيت بابا يباوع على ونظراته حزينه وماما تحاول تدللنى لان راح انتقل الى بيت الزوجيه بس انى كنت طايرة من الفرحه
بحفله العرس كانت بالقاعه والناس هوايه بس انى كنت احلى عروس اجه احمد ورقصنا على انغام موسيقى هادءة
همس باذنى اليوم شراح اسوى بيج وين تنهزمين منى طلعت روحى راح اطلعهه كلهه بيج اليوم انى خجلت
ما بطلت احمد مو الناس جاى يباوعون استحى عفيه لاتخجلنى
لج انت اليوم ملكى طلعت روحى وصبرى نفذ امشي نكعد بالكوشه كافى استحى
كعدنه بالكوشه وكلسع يذبله حجايه ويخجلنى
وانى احس الناس يباوعون علينه واتخيلهم يسمعون كلامه واخجل وادنك
الناس مخبوصه يركصون ومتونسين
حجزلنه احمد بفندق الشيراتون 3 ايام
زفونه للفندق ورجعو كلهم
بقت امى وامه نزعونه الحلقات وحولوهه باليسرى واحمد يدفع بامه دفع يالى جلبتى دروحو
بقينا وحدنا
التفت على ها حبي شال البرقع وقبلنى
انسحبت عفيه اخجل خلينى ابدل بالحمام
بس افتحلى السحاب
اول شي شال الكليل لج شكد حاطين ما شات
وراها فتح السحاب اى طلع الكيمر
يالى راح ابدل بالحمام لبست سيت الابيض
واجيت كتله طفى كل الاضويه لان اخجل
طفى الضوء بقى ضوى الحمام اشرت بايدى
راح خلى شرشف على الباب
وصارت ظلمه
تقربلى احمد وطفر للحمام استفرغ شكو بمعدته وصارت عنده رجفه اشبيك حمودى
لا يجوز من الغدا اليوم تغديت بالمطعم يجوز من الاكل
نمنه ذيج الليله تعبانين
صار الصبح احمد مصخن وبطنه امساك وعنده رجفه اتصل باهله اجوى ابو واخو ودو للطبيب
انطا علاج بس ميكدر يتقربلى
بقينا 3 ايام بالفندق بس احمد مريض وتعبان
رجعنا للبيت
للحكايه بقيه
عراقي طالعه روحه
