#قصه_بعد_الصبر#
للكاتبه فردوس عبد اللطيف
جزء 13 والاخير
خلصت الفاتحه واهلى راحو والناس فضت بقيت اباوع واتذكر لعبه ضحكته وابجى لوحدى لان زوجى منهار تماما كلسع يروح للحديقه ويظل يلطم ويشيل التراب ويخلى على راسه زوجه حماى كانت حزينه على ابوهه اشو 3 يوم الفاتحه راحت لاهلهه واجتى لابسه دشداشه صفراء واشترو بيت يم اهلهه انى انصدمت لكن مصيبتى اكبر من انى افكر بتصرفهه
بس اريد زوجى ينسى ما كو غير انى احمل بطفل واعوضه عن امين لازم اخلى ينسى ويعيش حياته طبيعى لان الصدمه كانت قويه وكبيرة علينه انى فكرت بعقل من اول لحظه ابنى بحظنى وميت كلت ابجى اصيح اشك هدومى املخ شعرى مراح يرجع لازم اصير قويه والزم زوجى واطفالى والحمد لله رب العالمين ربي انطانى صبر من عنده صحيح تمنيت الموت بس لازم اعيش لاجل عاءلتى اتجهت لقراءة القران وشجعت زوجى هم يقرى لان دواء وشفاء
اهلى ما تخلو عنى اشترولى موبايل وخلولى شريحه وكل يوم يتصلون يسالون على ويطمنون ويصبرونى على مصيبتى وخواتى اخوانى
كنت دايما اشتم ريحه ابنى بالبيت ومن اصلى الفجر احسه يمي ويصلي وياي ويوميه بعد صلاه الفجر اشوفه بالحلم
صار عندى ولد بالسنويه مالت الوفاة
بعد وفاة ابنى كرهنه البيت ومانطيق نبقى اهلى بنو بيت جديد اخذونه كعدونه بي
وراها اشترينه قطعه ارض وانى رسمت الخريطه بايدي وبنيناها وتحولنا بي صحيح بعده بي نقوصات بس الحمد لله
لان رب العالمين اذا احب عبدا ابتلاه وبشر الصابرين واحب اكول لكل بنيه ان تصبر وتتحمل على الابتلاء لان الصبر من اعظم العبادات
من توفى ابنى دفنو لكن ما سوو شهاده وفاه بس ورقه من الشرطه على اساس عجز بالقلب وشهاده الوفاه مزورة لان عدهم علاقات ومشوها
القصه انتهت
الكاتبه فردوس عبد اللطيف
بس اكو رساله ارسلتهه الاخت لارا وانشرها مثل ماهى
السلام عليكم
اليوم حبيت اشكر كل من تعاطف وياي وتفاعل ويه قصتى وانى اسفه لان ما حبيت اقهركم والله اكو شغلات كثيرة محجيتهه لكن حبيت اجاوب على تعليقات بعض الاخوان
يكولون ليش ضعيفه
انى تربيت بين اسرة مثقفه وبينهم المحبه وبحياتى مجربت اتعارك ويه احد وحتى ما اعرف ادافع عن نفسي وبنفس الوقت كنت ساكته ما احب اكبر الامور صح انى كنت احب زوجى بحنيه لان هو اول رجل بحياتى واول حب وحبي لوالدى ولاهلى وخوفى عليهم وعلى سمعتهم خلانى اصبر واتحمل
عيالى كانو ميكدرون يسوولهه شي رنا لان بتهم
كنت اتمنى نكون خوات وصديقات وهى طيبه قلب ودينه لكن عدهه مرض الغيرة والغرور وحب السيطرة
الحمد لله تعيرت معاملتهه الى لانى صرت بعيده عنهه بغير محا فظه
واتمنى من كل شخص قرى قصتى من بعد الصبر
ان يدعيلي دعوة غريب ان يشافينى. لانى مريضه بالقلب وقولون المزمن وكلياتى تعبانه وادعولى اكمل بناء بيتى ويارب يسعدكم ويوفقكم
واشكر الاخت فردوس عبد اللطيف على تعبها ونشرها الجميل واسلوبها الراقي ربي يحفظها ويسعدهه
اختكم لارا
انتهت
