#قصه_بعد_الصبر#
للكاتبه فردوس عبد اللطيف
جزء 4
ام احمد كانت محتاجه خدامه للبيت لان هى كبرت وبيتهم كبير 3 طوابق ومتكدر وحدهه تخدم الاولاد والبنات هم زوجت احمد لان كان ملتهى بنات وسهرات ومن تزوج عاف كل هالسوالف حتى اصدقاء الى يسهر وياهم عافهم هما حاولو يجرو بعد الزواج لكن هو احبنى وتعلق بي وبطل من السهر والبنات فهى جابتنى خدامه للبيت وزوجه لاحمد بس انى كنت ما احب اسوى مشاكل لازم اتحمل ولو بيت ابوى كنت مدلله وشاطرة كان ممكن اكمل جامعتى بس قسمتى وانى راضيه بيهه
فد يوم سمعت صياح رنا وين كتابي المورد والقلم ابو الريحه صياح وعياط نزلت لج كتابي مبيوك عدنه حراميه بالبيت وين وديتى
لارا وانى شسوى بي تدرين احمد اخذه من المكتبه وكان يقرى بي البارحه انى شعلى
لج ادبسز تجاوبينى
وتريد تهجم على وتضربنى
لزمهه اخوهه بسام وامهه لج كافى مشاكل عليش الصياح
دا تجاوبنى ام السحورة ام الولد خلونى اكتلهه اليوم
صعدت لغرفتى وبقيت ابجى ونمت بالسرير
اجه احمد
ليس نايمه حبيبتى لارا كومى انى ماصدكت اجى من وكت حتى اشوفج ونسهر
فتحت عيونى شافهم حمر من البكاء
هاى اشبيج ليش باكيه
شكله اذا احجى راح تصير مشكله
عليج بداعه ابوج احجيلي
لا مشتاقه لاهلى
بسيطه بعد يومين نروح الهم جمعه ومن الصبح لليل بعد دكومى حبيبتى
كمت وسويتله عشا
انحرمت من ملابس النوم لان متعودين هو واخوانه يلبسون سويه يعنى عادى يدخل اخو للغرفه وانى نايمه لهذا اضطر ابقى بدشداشه البيت لان اخجل وحتى امهم يدفعون الباب بدون ما يطرقون الباب
عطوراتى على ميز التواليت يدخلون الصبح ويعطرون بيهه بدون استءذان اخوانه يدخلون ياخذون سجاير من الغرفه هم بدون يسالونى
احمد لارا وين سجاير قبل يومين جبت تكه
مو اخوك بسام يدخل وياخذ سجاير
بعد لا تنطى
اشلون شكله
ضميهه
لا عفيه معلى انت ضمهه
الصبح جاى ارتب السرير دخل بسام يفتش بالمجرات
خير بسام تريد شي
وين الجكاير
ما اعرف
يعنى شنو ما تعرفين
شمدرينى اسال احمد
مدار لى بال
راح يدور بالكنتور ويفتش بالقوط ولكا الجكاير
هاى مو جكاير تردين تحرمينه من اخوى لج انت شكد بخيله شنو مال الخلفج تضميهه هاى انت ضميتيهه
نزل وسمعته يحجى لامه هاى النحسه ضامه الجكاير بالكنتور ودكلى ماكو ما تستحى
سكتت
اجه احمد لارا وين ساعتى ماركه اصليه
شمدرينى انت عفتهه بغرفه الخطار
هما اقارب امهم من يجون يسرقون منهم اشياء بس ما تريد تتهم اقاربهه تذبهه براسي
يوم ساعتى ماكو دوروهه ووانى طالع
نزلت صباح الخير خاله
صباح النور وين ساعه احمد مكينتهه ذهب
وانى شمدرينى هو ضيعهه قبل الزواج
لا روحى دوريهه باغراضج
وشتسوى باغراضى
طبعا هى مفتشه بغرفتى وانى اعوفلهم الباب مفتوح بس هيجى تريد تذبهه براسي
جتى رنا
امهه ماما ما شفتى ساعه احمد
اكيد ام السحورة ام الولد باكتهه منو غيرهه
ام احمد رنا لاتضلين تاكلين قنادر يوميه مشاكل
سمعت كل كلامهم بس سكتت
بهالفترة صار عندى حمل وزادت الغيرة عند رنا
تعب تنظيف البيت 3 طوابق وحمل واول حمل يكون متعب وما متعوده اشتغل اكثر من طاقتى
سامر لارا
نعم سامر
عينى خاتون ليش التواليت الغربي وسخ
والمغسله وسخه
لارا سامر ليش تحجى وياى هيج لو اختك تحجى وياها بهالاسلوب والصياح
سامر... لج معزايه مصخمه تقارنين نفسج ويه اختر والله لو تسمعج تعزيج وتصخمج
رنا ..لك هاى الزماله شدكول
شتحجى
كامو امهه واخوهه لزموهه وهى تريد تضربنى
وانى ارجف من الخوف وكل انواع المسبه والفشار كوة هزمونى لغرفتى
خلصونى من ايديهه بس هى استمرت تصيح وتغلط
اجه ابو احمد بالليل واحمد صعد للغرفه ونزلت اجيب العشاء واسمع رنا تبجى وتصيح وتحجى على كلام كله كذب وافتراء وتاليف من عدهه
سمع احمد الحجى والبجى كلى عوفى العشا ما اريد
سمعنه ابو احمد يكول من باجر ادزهه لاهلهه واخلى ابنى يطلقها السا قطه غصبا عليه
احمد امشي حظرى مستمسكاتنا وملابسنه خلى نروح للفندق وباجر الصبح اوديج لاهلج
نزلنه تفاجءت زوجى يكول لابو راح اوديهه لاهلهه واطلكهه وقفلو الباب
امه ما قبلت كالت على موتى تطلعون
للحكايه بقيه.....f
