#قصه_بعد_الصبر#
للكاتبه فردوس عبد اللطيف
جزء 11
اخواتى اشكر تفاعلكم مع احداث القصه لكن ارجو مراعاة بطله القصه لانهه تقرى تعليقاتكم والقصه حقيقيه بس هى رادت تنطى درس عن الصبر لبناتنا وجيلنا الجديد لوجود حالات الطلاق الكثيرة وعدم تحمل البنات اى مشكله ولو ننظر لاى موقف بعد فترة من حصوله نشوفه بسيط وتافه لذلك ارجو من بناتنه الاسفاده من هذه المراءة الصبورة ولها الشكر الاخت العزيزة لارا
اول ما دخلت على اهلى تارة شهكت لج هاى شنو منو كاتلج ليش هيج
لا كامو شي
امى كالت منو رنا مو
سكتت همه يعرفون زوجى ما يضربنى وانى محترمه نفسي عاد امى كالت بعد ماكو رجعه لو عينج رايحه شنكول
كتلهه هو اصلا بعد ماكو رجعه جينه ندور على بيت ايجار واحمد فتح محل يمهم بقيت يم اهلى 4 شهور لحد ما حصلت قريب يمهم هو اكو بيوت بس اهلى رادو الا قريب عليهم وساعدونه بتاثيث وجابو غرفتى من عيالى وعشت مرتاحه
زوجى يطلع للمحل من الصبح لليل وانى مكظيتهه يم اهلى
انوب اهله يوميه يجون ياخذون ابنى ويرحون واتفاجاء حتى ملابس مياخذوله بعدين اسمع ماخذى وانقهر لانى متعلقه بطفلى
ورة كم سنه حماى يوسف خطب قرايبه من ابو لازم اروح لبيت عيالى
رحت وشفت رنا توزع كيك وشربت وفرحانه انى ضحكت بوجهه وسلمت عليهه هى اخذت الجهال وراحت
ومن صارت حفله العرس رحت لبيت عيالى وبقيت كم يوم
شكد حاولت رنا تسوى حلف .ويه زوجه يوسف وتتمضحك وتتشاقى بس بعدين اشتغلت سوالفهه وياها بس زوجه يوسف مو مثلى لسان وقويه وميهمهه شي
مرت السنين نعزمهم يمنه ونروح يمهم الى ان صار عمر ابنى عمار 6 سنه واجانى على
ظلت عمتى تلح الا ترجع ازعل عليك الى ان قرر نستاجر بيت يم عيالى سنه 2000 بس الايجار غالى الى يم اهلى كان ارخص بهواى بقى يكد وينطى للايجار
صار عندى بنوته ثانيه دانه وراها كمت احس بدوخه حللت طلعت حامل اشلون عندى 4 اطفال وكلهم زغار ودانه عمرها 3 اشهر فكرت انزله بس حرا م وخفت من رب العالمين كمت اتعب نفسي اشيل ثكل واغسسل زوالى واكمز من الشباك اكول بلكى يوكع لكن ثبت
اهل البيت رادو طلعنه وفرغته ورحت يم اهلى واحمد بقى يبنى مشتمل بحديقتهم من كمل سكنت بالمشتمل حاولت رنا تشتغل خباثه لكن انى عازله نفسي عنهم حابسه نفسي وجهالى بالبيت بس من تروح زوجه يوسف لاهلهه اروح انظف بيت عيالى عالسريع لان ضميري ما يسمح لى اخلى عمتى تشتغل
بعدين حالتى ساءت كلش صرت نزيف سويت سونار طلع ولد بس الجارة نازله الا عمليه قيصريه
فرحت بالولد كالو شراح تسميه كتلهم محمد لان بالرؤيا جانى ولد واسمه قمر بنى هاشم
كالت زوجه يوسف مو يوسف يريد يسمى محمد وعى بعدهه مو حامل
زوجى كال ميخالف نسمى امين
بدت صحتى تتدهو عمار بالثانى وروان صف اول وعلاوى .صغير ودانه اشهر
صار بي تسمم دخلت مشفى دكتورة كالت لازم راحه تامه اخذت دانه ودانى زوجىءظ لاهلى بس انى ما اعرف شكد حامل كم شهر على
بس ام السونار كالت داخله بالتاسع ومن سويت قيصريه طلع بالسابع وبعده ممكتمل الرءة بعدهه وصيوان الاذن لحمه طريه خلو بالخدج وكالو ميعيش اكثر من ساعه كلت لامى بس اشوفه ما قبلت ختى لا اتعلق بي
بعدين اخذتنى للخدجنظرة سريعه اجمل ما راءت عينى
والله شفت وجهه يضوى نور
تالى ودو لمشفى الطفل العربي وامى وياه وانى بقيت يم اختى تارة
تالى ودونى اشوفه لازمه بطنى لان عمليه شفته بالحاظنه ايخبل وخاليله مغذى ويضربو ابر وادعى من رب العالمين يعيش وتعلقت بي ظليت احاول ارضعه لان باقى بدون رضاعه 3 يوم ورضعته وافرك فكه
طلعنه ورة اسبوع صار زين بس شكل ابو صفار قوى وهو جسمه ظعيف بعد فترة تحسن
كان شايل حسن وجمال وبياض واخاف عليه من العيون ما اطلعه ومن ادلعه حمودى ميقبلون يكولون اذا يوسف صار عنده ولد وسما محمد هم يدلعه حمودى
للحكايه بقيه f
