#قصه_بعد_الصبر#
للكاتبه فردوس عبد اللطيف
جزء 8
بقيت 6 شهور بدون حمل والنزيف بين فترة وفترة وصحتى تعبانه فقر دم حاد
وعمتى تتعارك ويه زوجى ليش مجلب بيهه ليش ما تطلكهه ليش باقى عليهه قحط نسوان وهو ميدير بال لكلامهه لان صار اهتمامه وتعلقه بي اكثر من قبل وكل يوم يجيبلي هدايا وحلويات ويطلعنى كل خميس نتعشى بالمطاعم بعد رنا ما تهمنى كل الى يهمنى كسبت زوجى
وعمتى شتسوى مرة زينه ومرة ويه بنتهه ورة 6 شهور حملت بطفلى الاول ووضع البيت نفس الشي لازم انظف كل البيت يحاسبونى على اقل علطه صادف رمضان تتعمد تسوى عركه قبل الفطور واعوف الاكل واصعد لغرفتى اتجفه شرها بس عمتى تجيبلي الفطور لغرفتى كلى ميخالف تحملى زين جم دوب اتحمل مرات اذا العركه قويه يودينى لبيت بيبيتى ابقى يومين ثلاثه ويكلى ديرى بالج لا اهلج يسمعون ترى ياخذوج وما يرجعوج وانى ما اكدر بلياج بس اهلى هم ما اعوفهم ومن ارجع لازم انى اعتذر من الست رنا وابوس راسهه وترجع نفس الشي
الشهر الاخير للحمل بعد ما اتحمل شغل البيت ودانى يم اهلى ارتاح تاخرت ولادتى اتفقت ويه احمد نروح انى وامى وابوى لبيتهم ننتظرة ياخذ اجازة ويجى يودينه للمستشفى
دخلنه بيت عيالى ستقبلتنه عمتى كالت هسه يجى احمد ما يتاخر دخلو واحنا كاعدين ونسمع عياط رنا
ابوى كلشي ما يعرف مثل اطرش بالزفه بس انى وامى نعرف ست رنا جاى تعيط
خلى تولى ام السحورة وعمى يضربهه تزيد وتعلى صوتهه امهه ماتت خوف وخجل
انى صارلى فترة بعيده عنهم ويم اهلى خلصانه من رنا طلعته للشارع حتى حجابي نسيته بالمطبخ طلعت عمتى كتلهه عفيه حجابي وجنطتى بالمطبخ جابتهم رحنا للمستشفى ورة شويه جتى عمتى وزوجى وعمى راح يسوى اجراءات المستشفى عاد امى حجت لعمتى وجاوبتهه عمتى مالت والله بنتكم فقيرة وطيبه بس بنتنه وين نوديهه لو الله يهديهه لو يخفيهه لو زوجه ابنى جان نطلكهه ونخلص بس بنتته
صحيح عمتى كانت تجرحنى بالكلام بس الله شاهد انى احبهه وهى تحبنى ومتقبل بالظلم وعلى طول تتعارك ويه بنتهه علمودى
ظليت افكر ابوى بس لا يطلكنى
بقيت بالمشفى 3 يوم مغذى ولاده صناعيه ولدت بالليل جانى اول طفل نورلى حياتى وكان فرحه للجميع اول حفيد للعاءلتين اخذو الطفل ومن فرحتهم نسونى بصاله الولاده عاد الممرضات ودونى لغرفتى وحولونى بالسرير انطونى الطفل ارضعه غمى على جتى دكتورة كالت دمهه مصفر لازم نديرلهه دم ابوى ما قبل
ثانى يوم الصبح كتلهه يوم اريد اسبح كالت خلى اشوف الحمام بي ماى دافىء انى نهضت وما حسيت بالدنيا امى دكول سمعت طبه بالغرفه طلعت لكيت لارا ممددة عالارض وصيحت لحكونى بنتى ماتت جوى الممرضات والطبيب ويه جيه زوجى حملنى وخلانى عالسرير انى ما حاسه الا فتحت عينى اشوف هوايه ناس فوك راسي يكول زوجى من جيت لكيت الناس ملتمه وانتى ممدده عالارض عبالنه توفيتى
ركض راح جابلى معلاك اكلت طلعنى ابوى على مؤليته ورحنا لبيت اهلى نمت بالسيارة لان 3 يوم مانايمه نمت بالكشن الورة وااطفل عند ماما كدام سميته عمار ما حسيت بالفرحه لان 3 شهور نايمه على ظهرى وحتى الرضاعه يسحبون الحليب بالشفاطه ويخلو بالممه وينطو لان كل ما اتحرك يغمى على
عيالى تعلقو بالطفل وكل كم يوم يجون يشوفونه وظلو يحجون ويه ابوى علمود ارجع بس ابوى ما قبل الا تجى رنا وتعتذر لان اهانتنه بيتهم وهما يلحون
للحكايه بقيه
