#قصه_بعد_الصبر#
للكاتبه فردوس عبد اللطيف
جزء 3
من رجعنا للبيت احمد ازدادت حالته سؤء وكره الغرفه مالتنه وميكدر يتقربلي ونومته بالصاله وبالليل نشوف كوابيس انى وهو نفس الكابوس
ودو لاكثر من طبيب وينطو ابر وعلاجات وماكو فايده ومصخن على طول وعنده امساك والاكل ميبقى يستفرغه لحد ما عمى (ابو احمد)
سال صديقه شيخ روحانى كله ابنك معموله عمل جيبه ودو وقرى عليه وانطا علاج وصار احسن و6 يوم يالى تزوجنه يعنى 6 ايام كان يعانى وحتى يضرب راسه بالحايط من كثر ما تاذى لانه اعتقد ان انتهت رجولته لكن كان عمل شيطانى وما عرفنه منو الى مسوى
يوم 7 العرس لازم اتحضر لان الكل يجون يتباركولنه
احمد حبيبي انى ما اعرف اتمكيج عفيه ودينى للصالون يمكيجونى
ميخالف خلى اشوف منو تروح وياج من البنات خواتى نزل احمد
ماما اريد وحده تروح ويه لارا للصالون تتمكيج
اخته رنا لويش صالون اصلا بس المايستحن يرحن صالون وانى ما اروح مو فارغه
وابو بابا لويش صالون هنا بالبيت تتمكيج ماكو داعى الصالون
صعد احمد ضايج وما يريد مشاكل ويه اهله
لارا ها احمد ابدل منو يروح وياي
ها حبيبتى اهلى ميقبلون ترحين للصالون مكيجي هنا
بس انى ما اعرف اتمكيج واهلى راح يجون والناس اشلون اخاف اخرب شكلى
راح اشوف منو تجى تمكيجج بنات عمى خواتى
نزل احمد بنات منو تكدر تمكيج لارا
اخته سهى متزوجه انى ما اخلى مكياج وما اعرف
رنا دارت وجهه
بنت عمه فاتن انى امكيجهه تتدلل
صعدت فاتن دكت الباب هلو انى فاتن بنت عمه لاحمد راح امكيجج ولو انت ما محتاجه المكياج
هههه شكرا حبي
بهالوقت البنات ينظفون البيت اكو سندانه كبيرة بيهه نبات متسلق وكعت وانكسرت اخته رنا عاطت يوم الحكى
شكو اشبيج ليش تصيحين
يوم هذا قميص احمد شجابه بالسندانه زين بي كتابه بالحنه
ولج اوكفى يمه وليدي هذا عمل سحر شيطانى منو مسوى لابنى
جتى اخته سهى هاى شكو اشبيكم يمه شوفى قميص حمودى كاتبين عليه بالحنه هذا سحر
بعدكم بهالعقليه ياسحر يا عمل
اخو اجه هم هاى اشبيكم صوتكم وتصيحون
تعال شوف قميص احمد كاتبين عليه سحورات
منو يسويله سحر
رنا منو غيرهه لارا هى واهلهه ام السحورة هاى الحقيرة محد غيرة تحلم تعلم تتزوج احمد الكل كانو يتمنون يتزوجو ما صدكت نفسهه
ام احمد ...لج سكتى عيب لا يسمعونج اهله والناس هنا هوسه عيب سكتى
خلى يسمعون ويعرفون حقيقه هاى الى جبتوهه علينه
اتصلت ام احمد باختهه ام امجد لحكينى شسوى حجتلهه على القميص كلتلهه لازم تنكسونه وتذبو بالماى
اخذة اخو وسوة مثل ما علمته خالته
كملو شغلهم ونزلت لارا لابسه فستان بنفسجى ومكيجه وكعدت واخذتهه اختهه تبدل البدله الثانيه صعدو للغرفه وهى جاى تبدل سمعت صياح لج هاى شنو الصريخ
لا هاى هلاهل
لا مو هلاهل هذا صياح
فتحت لارا باب الغرفه لكت بوجهه يوسف اخو احمد
يوسف بكليه الشرطه ينزل خميس وجمعه
هلو يوسف اشلونك
يوسف وجهه اصفر
لارا ابن عمج مصطفى سوى حادث بدلى حتى نروح للفاتحه
عاطت لارا واختهه يبوووووى
وراحت للفاتحه بقت 3 ايام
ورة ما رجعت للبيت تريد تدخل للحمام مال الطابق الفوك اشو مقفل
نزلت خاله اشو الحمام مقفل
اى خاله يذب ماى على الحمام التحت استخدمى حمام التحت
ها اى خاله
والغساله الاوتماتك لا تغسلون ملابسكم بيهه انتو متزوجين وميصر تختلط ويه ملابسنه
اى خاله اغسلهم بايدي
اى ماما
بدت الحرب ضدى والسبب اخته رنا هى طالبه جامعيه واكبر منى ومو حلوة تحاول تطلع عقدتهه بي
ورة كم يوم نزلت واسمع رنا تحجى ويه امهه بالمطبخ
هاى الادبسز ام السحورة شفتهه بالبالكون وتباوع على الرايح والجاى وتتمضحك وياهم
انى انصدمت من كلامهه ليش تتهمنى هيج اتهام بقيت ارجف رجعت صعدت لغرفتى بس ابجى وما اكدر اسوى شي غير البجى بقيت بالفراش واخاف انزل لحد ما اجه احمد
اجه احمد ما اعرف شخجوله
عيونه تجدح نار لج صدك توكفين بالبلكونه وتاشرين للرايح والجاى
لا والله احمد معقوله انت تتصور انى هيج
بس انشر الملابس
قفل باب البلكونه بعد ممنوع تطلعين بالبلكونه
وين اشر الملابس
شريهم بالسطح العالى
سطح طابق 3
اى هاى هى ممنوع تطلعين بالبلكونه
حاظر ميخالف
للحكايه بقيه f
