غصب فصلوني

البارت الثالث

الخنساء...يولي لمىٰ حيلي كله يرجف احجيلي شنو السالفه...
شحجيلج خنوسه...همام من طالع الصبح منا لاحگتهم سياره بيها ولد اثنين...
وهو مصعد بنات الخط ويا تعرفين... واستغفر الله واحد منهم يمكن مصادق هاي الادبسزز سوزان لان لحگتهم من يم بيتها....
باقيه تمشي السياره وهو متخبل... الي ان واصلين معجنات توته على الشارع....الغيره صاعده عنده على البنات..
نازل متصايح ويه الولد ومتلازمين بالشارع ...
وصايرين عليه وليه لان همه اثنين وهو واحد...رايح يرگض جايب التوثيه من السياره ....وطابر واحد ومدمي وميت...
عزه منو المات صديق هاي الكلبه.....
لا يولي الميت شاب من الشارع ديفاككهم وصاير بنصهم وجتي التوثيه بي....
يااااااا خطيه لابي ولا عليه ...
المصيبه الولد طلع من العماره .....والخميس عرسه وجاي لبغداد دياخذ خطيبته واهلها ...قبل العرس وهناك يسوون عرسهم هناك لان گرايب....
وحظه المصخم طلعه يجيب الصمون...
ياااا خطيه الله يصبر اهله وحبيبته....ويرحم بحال همام وحالنا....
زين ليش محد حجه وخابرتوني....
والله خاله مقبلت نخابرج...
ترى احنه من الصبح اهنا وياهم ....
وعمو وعمامج وخوالج جانوا بالمستشفى ويه الولد.....بس مات بسرعه واهله من وصلهم الخبر راسا اجوي...
وطبعااا اهل الولد ناس مبينين يدورون مشاكل ...
اخو الولد كام يهدد و يوعد ومتلازم ويه زهير بس عمو مدخل والعالم فاكتهم...
ذبوا همام بالسجن وكالوا الا نخيسه لابنكم الكلب ياولد الكلاب...
يايمه ...ضاع شبابك ياهمام..
طبعا البيت عبالك بي ميت ومابيدنه شي بس ندعي  ونبجي...
ابو زهير....جمعت اخوتي وولد عمومتي وخوش لمه ورحنه غباشي ثاني يوم للعماره علمود نوصل لحل...
اتلكونه اهل الميت وطردونا وكالونا المحاكم بيناتنا ....وابنكم ان ماعدمته الدوله ...احنه بيدنه نعدمه...ولزمنا دربنا ورجعنا لبغداد....
الخنساء....همام بعده بالحبس وحال الضيم حاله..
وماما يوم بعد يوم تتعب اكثر وبابا يكبت بنفسه والقهر كاتله....
بيت زهير من يوم المشكله لحد هسه باقين يمنه...زهير ميكدر يعوفنا حبيبي...وشموسه شويه هم تغيرنه بجو البيت...
صار اربعه ايام وهمام بالسجن...ولسه ماكو حل..
بابا حط محامي ....والمحامي گالنه ينحكم شكم سنه  لان تعتبر قضيه قتل غير متعمد وبشهاده الشهود...
بس المشكله اهل الميت دمهم حار على ابنهم وگالوا حتى لو ينحكم الا نكتله...
بابا گال احلها مال عشاير وتصير شغله ديه احسن...
وره مكملت الفاتحه ب 3 ايام هم بابا اخذ مشيه وراحوا للعماره وهم طردوا بابا وعمامي وبقوا قافلين وراكبين راسهم...وتالي رجعوا بلا نتيجه ..
الام...اخ ياگلبي شوف حل يافاروق لابنك ...راح شبابه وراح تندفن حياته بهالسجن..
شنو بيدي ياماجده ...موهين عليه اشوفه ابني بايت بالحبوس...اهل الولد قافلين يريدوها دم بدم...
مو گدامج يوميه رايحين عليهم ويطردونه...شنو اسوي بعد...
علواه يرضون بالديه وابيع البيت وانطيهم واحنه نام على الرصيف...اني لعبالج مرتاح...ترى على ساعه انجلط واموت...
اسم الله بابا حبيبي ...لتگول هيج ..ان شاء الله ربك يحلها ويريحنه...
احنه كاعدين وخابر علينه خالي سلام الجبير...وجاوبه بابا....
ها سلام ابو المروه بشر رحم لوالديك...
ابو زهير گدرت اوصل لواحد جبير بالعماره.... اسمه ابو الطيب...واله اسمه وهيبته وهناك الكل حاطيله الف اعتبار...
يالله عفيه عليك ...شون وصلته...
طلع ابن عم صديق ولد صديقي...الحمدلله ان شاءالله تنگظي وتنحل..
هسه راح اني جايكم بالطريق..... وانت خابر على الربع كلهم حتى الصبح نغبش...
ابو زهير...لميتلي خوش مشيه من عزوتنه گرابتنه ومعارفنه ...وطلعنا للعماره قاصدين ابو الطيب شيخ معروف ومهيوب والكل تحسبله الف حساب...
طلعنا الصبح ووصلنا لبيت ابو الطيب...رحب بينا وگالنا شغلتكم مگضيه تبشروا ...
دز على اهل الميت واجوي منهم خوش لمة زلم معگله..  .
والكعده صارت بيت الشيخ ابو الطيب...
ام زهير...خنساء دكي شوفي ابوج شنو سوه..
ماما ادگ وينطيني كله رفض...
لمىٰ....حتى زهير ادگ عليع وينطيني رفض..
ابو زهير ....اهل الميت دمهم حار واخو الجبير صگر هو وعمامه الي يحجي ...
صگر....احنه جينه وگعدنه وياكم بمجلس واحد لخاطر ابو الطيب...ولتصورون راح نفضها بالشي الي يريحكم...
ابو زهير....شنو تطلبون اني حاضر ...بيتي وسيارتي كدامكم...
صگر....كل مال الدنيا ميعوضنه حرگه گلوبنه على اخويه العريس...احنه نريد نحرگ گلوبكم ونلوعكم..
وناخذ رجال منكم ...
ابوالطيب...مو هيج الحجي يابه ...الولد مو متعمد قتله يعني الشغله صارت غلط وهذا قضاء وقدر ولازم نؤمن بي ...خف على العالم شويه ...
ولخاطري حلها بالديه ...والناس مراح يقصرون وياكم من المليون الى  100  مليون...
صگر...والله ياابو الطيب كلامك على عيني وراسي...وراضي بالي كلته وراح نحلها بالديه...
ابو الطيب...تسلم راسك يالاصيل....
ابو زهير...خادم اني وعيني عيونكم شكد تريد انت تأمر وتدلل أغاتي...
صگر.....فصليتنه مره منكم لأخويه ريكان....
ابو زهير...يعني تاخذون بنتي؟؟؟
صگر...طبعا بنتك وحتى ينحرگ گلبگم عليها مثل ما احترگت گلوبنا على شاهين....
هااا شگلت رضيت بالي گلنا لو يبقى الدم بيناتنا
ابو الطيب...ابو زهير ارضى هيج احسن ، لان يبقى الدم ميوگف...
ابو زهير...انضربت برآسي شلون هاي وحيدتي المدلله تاليها تصفى بهيج زيجه وياريت زواج بشر ،كله مسبه واهانآت وعذاب...
اخوان ابو زهير.....هاهيه ابو زهير ارضى ونحلها هالشكل احسن ونوكف الدم لان ذولي ناس مبين متضيع حگها..
ابو الطيب...منتظرين جوابك ابو زهير..
ابو زهير...ظليت بصراع بداخلي لان الاثنين قطعه مني ...ابني ويصفى بالحبس وينكتل وبنتي تعيش مذلوله وبالضيم...انطيتهم جوابي واني مكسور الخاطر...موافق واني الممنون...
صگر...باجر جيبون الفصليه واحنه نسحب الدعوه ...ومن تطب بنتكم بيتنه....انسوها واعتبروها ماتت....
ابو زهير...هو يحجي واني گلبي يبجي على بنتي شلون ذبيتها هالذبه...بس مجبور ومابيدي شي...غير اگول حسبي الله ونعم الوكيل...
زهير...رجعنه للبيت وابويه تعبان وشايل على چتافه قهر جبال...
الخنساء.....فاتوا بابا وزهير وعمامي وكعدوا تلگيناهم اني وامي...
ام زهير...ها ابو زهير بشر وصلتوا لحل وياهم..
عمي الجبير جاوب...اي حليناها بالديه...
ام زهير ...احمدك يارب شگد ميكون المبلغ ميغلى على همومي...هاهيه نبيع البيت حتى لو بخساره...بس اشوف ابني بيناتنه بهالبيت...
الخنساء....بابا گام يبجي...وبحرگه...
ام زهير...خيرك يارجال ليش تخوفني ...بس لايريدون فلوس وهم مصرين يكتلوا....
لا ...ميريدون فلوس..
لعد شيريدون ياربي متفضها وتحجي عادينه..
يريدون فصليه مره...وراح ياخذون الخنساء..
الام....يبووو عزه العزاج ماجده اگوم من نگره اوگع بهبيه...شلون يعني...
اجيناهم بكل الطرق وهمه قافلين ومعاندين...
&
&
&
#يتبع.....❤