غصب فصلوني

البارت التاسـع

اجاني مسج خازن رقمه وكاتب اسمه...
نوم الهنا واحلام سعيده حبيبتي....
جاوبته بس مگدرت اكتبله بس...احلام سعيده....
گعدنه الصبح من وكت وودعنا بيت دلال وريكان...وصار البيت محلو سنطه...تعلمنه عليهم
وعلى يزن...
خاله ضاجت وگامت تبجي...
صگر....اليوم ماعندي دوام ماخذ اجازه ....شتريدون مني شغلات بالبيت اني حاضر..
ساعدني عزلنه البيت والفراش
كلما اشيل بطانيه هو يلزمها من الجهه الثانيه ويطبگها ويايه ومن تسفط يصير قريب عليه ..وادفعه ونضحك...
ويه كل بطانيه يعيد اللقطه ونخرب ضحك...
بقت بس المخاديد ...وگام يعيد اللقطه..
اضحك عليه ...كافي هاي مو راهمه...
احساس حلو ولحظات حلوه عشناها...بس حاسه الفرحه مو كامله...
تمنيت لو صاير صلح بين صگر واهلي حتى تكمل فرحتي...
كملنا البيت جوه تعزيل وتنظيف....وهو طلع على الكراج غسله.....
همام ...طلعنه غبشه اني وزهير وخالي سلام والمحامي وبيدنه امر القاء القبض
ورحنه طلعنه مفرزه مال شرطه ورحنه بوجهنا على بيت عيال خنساء.....
الخنساء....صار ساعه 11 الصبح كملنا كلشي ...
خاله عليها الغده ...
اني فتت سبحت ولبست التراكسوت الشرابي وسويت ظفيره واجيت بالمطبخ...
صگر....سطرتني بحلاتها ورقتها...
حلو كلش لايكلج بالعافيه...
شكرا خجلتني...
ام خدود الحمر ....روحي جيبي تلفونج وتعالي حتى نخابر امج...
صدگ ...اي عفيه حباب...
ام صگر...الله يهديك وليدي وينولك الي بالك...
اجيت اركض على صگر حتى نخابر.... واندك الباب مال الشارع قوي...
شرطه شرطه
افتحوا...
صگر...تفاجئت بالشرطه..خنساء روحي لبسي رداء وحجاب بسرعه....
طلع صگر وخاله طلعت تركض وراه...
واني لبست رداء وذبيت على راسي الشال...واگفه يم باب المطبخ...
صگر....فتحت الباب ....تفضلوا...
هدوا عليه اهل خنساء اخوتها وخالها...
الخنساء...هبط گلبي من الشرطه وخفت ...من فتح الباب صگر...وتفاجئت شفت اخوتي ويه الشرطه...
الشرطه....هذا امر القاء القبض عليك...لان متصرف تصرف خارج عن القانون وسابي بنيه ...
شنو سابي بنيه...هاي مرتي وعقدلنه السيد...
صگر....يمه احجي هاي مو مرتي...
خنساء گوليلهم اني منو مو زوجج...
خنساء....الساني انعگد ...اريد اگوللهم هذا زوجي...
بس ماعرف شصار بيه...
افكاري تخربطت وعقلي گام يودي ويجيب....اجتي امي بالي.... وتخيلت اذا بقيت راح همام يقتل صگر...واذا رحت ويا اخوتي صگر راح ينسجن ..
بعد مااعرف شلون اتصرف حسيت نفسي ضعيفه ومجتفه....بس دموعي تجري...
ياناس ياعالم هذه مرتي...
الشرطه...هذا الكلام تگوله بالمركز ...هناك..
الخنساء...ما اوصف الموقف...
اخوتي هدوا علة صگر ويصيحون وضربوا ...
لك حيوان ارعن الا نخيسك بالحبوس ...ونريح اختي من شرك....
الشرطه فكو صگر من اخوتي...
الشرطي....يله امشي للمركز ويانه...
صگر....يوم جبيلي محفظتي وتلفوني بسرعه ...وانتي طبي جوه....يله طبي جوه ...بعصبيه...
فات همام وزهير عليه للطرمه دياخذوني ...وصگر لازمي الشرطه ويصيح عليهم...
عوفوها ...عوفوها ...ولكم كلاب ...عوفوا مرتي ...اني اعلمكم...
لتروحين وياهم ابقي هنا ...خنساء..
خنساء...حال الضيم حالي اخذوا صگر گدام عيوني.... واخوتي اخذوني بالغصب...
الناس التمت بالشارع...وخاله بقت بوحدها...
صگر...صعدت بسياره الشرطه واني متخبل...خذلتني خنساء....توقعتها تحبني مثل محبيتها.... وتمنيت الزمهم واكطعهم تگطع...
الخنساء...اخذوني اخوتي وحضنوني واني ابجي على حالي...
والله الدنيا صدگ دواره....
قبل بجيت من صگر وافعاله...وهسه ابجي عليه..
وصلنه بغداد وتلكيت اهلي حضن وبجي ..
ام زهير....كلليييش هله بالغاليه ...شمعة بيتي..
اللقاء جان مؤلم وبذيج اللحظه فرحانه بأهلي.... بس صگر مراح من بالي....
وبقيت ابجي ويه اهلي ممصدگه شفتهم...
ام زهير...اخذت بنتي ورحنا بالغرفه...
ها بنتي سولفيلي ...شلونج ...گلبي مثل النار عليج..لا ليلي ليل ولانهاري حتى دوامي صار شهرين كاعده اجازه بدون راتب...
حال البيت كله انشل وراج حبيبتي..
ماما تحجي واني ابجي...
ابجي على حالهم وعلى حالي وعلى حال صگر والي بطني...
خنسوه ليش هيج ضعفانه...شلون جانوا يعاملوج ...
ماما زينين...وخاله كلش حبابه ومدلليني..
لتكذبين رجلج مو خوش أدمي ...جيتج ثالث يوم عرسج وطردني من الباب...
صدگ....تحجين...
اي والله...خوش مبين عليه زين...طلع حتى مگايلج الافندي..
الخنساء...نقهرت من تصرف صگر حيل ...بس هذا بالبدايه من جان قاسي...
بررتله...ماما جان گلبهم محترگ على ابنهم غير...
ولج لتدافعيله...
لاحبيبتي والله ماادافعله...
احجيلي شنو سوالج ...چان يضربج ...يسبج...
الخنساء...من حبي لصگر ...مگدرت اگول لامي على معاملته القاسيه الي بالبدايه...
لاماما زينين كلهم...
ام زهير...يله الحمدلله هسه انتي بيناتنه...وهذا الكابوس راح ينتهي...
حطينه محامي وراح يسجنوا وغصبن عليه يطلگج..
الخنساء...استغربت من حجي ماما...
ماما لا لتسوون هيج بي...
ليش يولي...عزه العزاج...ان شاءالله گمتي تحبي....
امي تحجي واني ساكته...
احجي يولي ...بردي گلبي ...شنو سوالج هالحقير النذل..
الخنساء....ماما اني حامل...
ام زهير...شنوووو صخام الصخمج ماجده...عزه
العزاج خنساء...منين..
شبيج ماما من عنده غير .....
ليش خليتي ياخذج...ليش سمحتيله..
الخنساء....ماما تهسترت فد مره وگامت تصيح عليه...
والكل اجه على صوتها..
شبيج ...شكو تصيحين...
شبيه ...شحجي وشكول غير حضي وحض بنتي مصخم...
اختكم جتني وجايبتلي بلوه...بنتك حامل يافاروق...
الخنساء...همه يحجون واني بس دموعي تصب وتجري...
بابا تخبل ومعجبه واخوتي صاروا اعصاب...
همام...باجر من الصبح تذبي وانعل ابو لابو لهالطفل..
احنه عايشين بالظيم وانتي مرتاحه...
بعنا حالنا ومالنا من وراج وتاليها تطلعين حامل...
بس اخويه زهير وگف ويايه...
زهير....كافي كلكم وانت انچب همام بلاخبالات ...هيه مزوجه وچانت يم رجال...لعد شنو تتوقعون...
تعالي حبيبتي امشي غسلي وبدلي وارتاحي....
الخنساء...صافنه على حالي وعلى صگر الي ماعرف مصيره وعلى ابني الي انكره‍ گبل ليجي للدنيا ويشم الهوى...وانحكم عليه بالموت...
اه ياربي...نار مشتعله بيه منو يطفيها..
اتذكرت التلفون طلعته وگلت اخابر على صگر..
ادگ عليه وماكو كله مغلق..
كتبتله رساله...
(اني اسفه الي صار ماعندي علم بي ،چنت ناويه اگلك شغله بس بعد فات الاوان...شفت منك الضيم بالبدايه ومشاعري جانت كلها حقد وكره...بس هسه مشاعري تجاهك تبدلت....اتمنى متتهور وعوف موضوع الدم...بداعتي اذا غاليه عليك)
ثاني يوم گعدت الصبح وهمام سوا هوسه شكبرها ...يريد يوديني اذب الطفل بالغصب..ويجر بيدي ...
ابو زهير...لك غبي عوفها مو هيج حرام ...هم الزمن وانت عليها...
اي تريد تبقي الطفل حتى ترجعله لذاك الناقص ...بس لو تموت مااخليها ترجعله...
انطيني تلفونج..
شتسوي بي...
انطينيا ...دگولج...
هاك....
هذا السيم كارت كسرته ...دشوف شلون راح يكون عندج اتصال بي لو بأهله...
الخنساء....شكد اخويه صاير حقير.....ومن توتري فاتتني محفظت رقم صگر...
هسه من صدگ انگطع الاتصال بيني وبينه...
سحبتني امي للغرفه...
خنساء ...رجلج يدري بيج حامل...
لا ميدري...
اي يابنتي مادام ميدري خل نرتاح ونخلص منا لهالطفل ...والله اذا جبتي يابنتي راح تبقى المشاكل متخلص...
الخنساء...ماما الله يخليكم عوفولي ابني والله مو بيدي ...وشتريدون اسوي بس بقولي ابني...
يولي مو ابو من يسمع عنده طفل راح ياخذه منج...
ميخالف...خل ياخذه ...بس يجي للدنيا..
ياماما حسي بي اني بنتج الوحيده لتصيرين انتي والزمن عليه...
مااعرف شنو اگلج ....ابوج وزهير يقتنعون...بس همام شيقنعه...
ام زهير...رحت حجيت وياهم...ساعه اقنع بالولد وابوهم ...واخيرا اقتنع همام..بس گال اول مينولد تودون الطفل لابو يم عمامه ...
ام زهير ...ميخالف وحتى اختك قابله..
صگر...يايابه شفاير دمي وناوي نيه گشره لاهلها ...ومقهور ميت قهر من موقف خنساء...
ريكان مخابرته امي واجه عليه وبقى يركض منا ومنا
وماكو نتيجه....
محاميهم قوي ولاعبها صح...
9 ايام اني مشمور بالحبس ...
اجاني ريكان والمحامي مالتهم وحجه ويايه...
المحامي....احجي وياك من الاخير....الحكم بعد يومين والقضيه موكلي رابحها مليون بالميه....وانت راح تاكلك بالقليل  3 سنين سجن...
ومو بس هاي ....واكيد هم يفصلوك من وظيفتك...
وانت شلك بهالدوخه ..حلها شغله وديه احسن الك والهم....
صگر....حجي المحامي جان صحيح...
اي وشلون نحلها...
انت تطلگ بتهم وهمه يسقطون الدعوه عنك...
طلاگ مااطلگ اني...
بكيفك انت الخسران...اخ صگر انت متعرف تحسبها صح....
اي وشلون احسبها استاذ....بااستهزاء...
بالعكس تطلك وتاخذ منهم مبلغ من فصل اخوك....
المحامي....اني رايح بشغله نص ساعه واسمع جوابك انت واخوك....
ريكان....لتضل تعاند ياصگر ...ترى امي حال الضيم حالها...طلگ البنيه....وحتى يخلون سبيلك...
وافصلهم بفلوس ..هم كسر خشم الهم ورد اعتبار الك...
وخلي بالك البنيه بعد اهله مينطوها...وانت تعرف هذا الشي كلش زين...
همام...بشاره اريد ياست خنساء ...
شكو شتريد...
العينتين راح ينحكم بالقليله 3سنين...
ابقي معانده وبقي الطفل...حتى تربي جديته...
لان ابو بالسجن وامه عايفته..
الخنساء...ماعرف همام منين جايب هالقساوه...
الخنساء....سمعت صگر راح ينحكم 3 سنين طگيت من القهر عليه والبجي...بس بدون محد يدري..
شصاير هسه بي...وخاله شلون حالها..
ياربي الي ديصير بيه حتى بالافلام مصاير...
المحامي....ها عيني شنو اتفقتوا وقررتوا...
ريكان...هاهيه يسحبون الدعوه ويطلگ اخويه بنتهم...بس بشرط تصير گعده فصل فلوس مال ثار اخويه...
المحامي ...هاهيه خلال يومين نكمل الاجراءات القانويه مال الطلاگ والتخريج من السجن وراها تگعدون گعدة عشاير...
وره يومين...
همام....مبروك ياخانم طلگج حبيب الگلب...باول شَده باعج حتى يخلص روحه...
منو گلك همام ....
هسه زهير خابرني ...
هو طلگج ...واحنه سقطنه الدعوه...
والعصر گعده العشاير...
الخنساء....طبيت للغرفه وبقيت ابجي على حظي...
شلون باعني بسهوله وهنت عليه...
صگر...طالعه الدنيه من عيوني ...وقعت على ورقه طلاگي من خنساء..
وسقطوا الدعوه ...ورحت للبيت..
تلگتني امي تبجي...
نورت البيت وليدي...يمه لتعوفوني وحيده مالي سند ولااهل...
يوم اني يمج لتخافين ...فضت ان شاءالله..
زين تسوي يا ابني....ولو البنيه عز عليه فراگها وماشفنه منها العيبه بس احسن هيج....مالك صالح ياابني بيها...الله وياها راحت وتركت أثر بگلوبنا...
صگر....بگلبي ....اوف لعد اني شگول....
مكانها خالي بالبيت...اتذكر علاقتنه بالاخير وسوالفنه.....
بس بقيت مقهور منها لان خذلتني وموگفت ويايه...
حطيت تلفوني على الشحن لان طافي ...وطبيت للحمام ....سبحت وطلعت...
اخذت التلفون ...وشفت جايتني رساله من خنساء...
فرحت....
(اني اسفه الي صار ماعندي علم بي ،چنت ناويه اگلك شغله بس بعد فات الاوان...شفت منك الضيم بالبدايه ومشاعري جانت كلها حقد وكره...بس هسه مشاعري تجاهك تبدلت....اتمنى متتهور وعوف موضوع الدم...بداعتي اذا غاليه عليك)
&
&
&
#يتبع....❤