ذهب زين و حوريه بعد توديع حار من الجميع كانت حوريه خائفه من ركوب الطائره فهى لم تركبها من قبل
زين بحنان :مالك يا حوريتى
حوريه بخوف :انا اول مره اركب طائره وخايفه اوووى
زين بضحك : عيب عليكى تخافى وانتى معاكى المقدم زين الشرقاوى
حوريه : مهو غصب عنى
زين : بس احكيلى اشمعنا اوضتك انتى ويونس شبهه بعض فى كل حاجه كدا
حوريه بحب : يونس ده كل حياتى ده ابويا واخويا وصحبى وكل حاجه بس ان هو الدنيا كلها كمان بحب احسه جمبى اووى بحس باامان هو جمبى
زين بغيره : بس بس خلاص انا غلطان ان انا سئلت
نظرت له حوريه باستغراب ثم قالت بضحكه مكتومه : زين اوعى تكون غيران من يونس
زين بغضب : حقى طبعا عماله تقولى امانى و بحسه و معرفش ايه
حوريه : زين ده يونس يعنى اخويا
زين بتملك : بس انتى بتاعتى مراتى خلاص انا هبقا اخوكى وابوكى وجوزك وكل حاجه ثم اكمل بنبره خاصه وزودى عليهم عشيقك
نظرت له حوريه بخجل
زين لكى يخرجها من خجلها : علفكره احنا طرنا خلاص فى الهواء
حوريه باندهاش :بجد
زين : ايوه ما انتى اتكلمتى محستيش
حوريه : طيب
صمت عده دقائق نظرت له حوريه و جدته شارد و ضعت يدها على يده لكى تطمئنه
حوريه : كله هيبقى تمام
زين : خايف يا حوريتى
حوريه باندهاش : نعم
زين : ايوه خايف خايف اتعلق بامل وهمى مش هقدر مرجعش بسندرا من امريكا ممكن يجرلى حاجه و سندرا
مش هتثق فى كلامى خالص بعد كدا
و كمان مش هقدر اسبها تتربى فى بلد غريبه وكمان انتى سمعتى كلامها
حوريه : اوعى تضعف يا زين انا قوتى بخدها منك سندرا هترجع معانا و هنعيش كلنا وملك اهى اتجوزت يونس
ثم اكملت بامل وانا هبقى مذيعه مشهوره وبعد كدا هتاخد منى معاد عشان تعقد معايا
رفع زين احدى حاجبيه : يسلام
حوريه: طبعا
ضرب زين حوريه اسفل راسها بخفه
حوريه بغضب : بس يا رخم انتا عارف انى من صغرى مش بحب الحركه ديه
زين بضحك : فيه واحد تقول لجوزها يا رخم
حوريه : مهو انتا عصبتنى
زين : طيب هتنامى ولا هتاكلى
حوريه : لا طبعا هاكل وبعدين انام
