#مو-كلمن-نحبه-يستاهل-نضحيله
بقلمي فردوس عبد اللطيف
الجزء 2
أبويه من شافنه مامرتاحين بقى يفكر بوقتها صدام وزع أراضي على ضباط الجيش بنهاية سنه 2002 عرض القطعه للبيع وفعلا اتصل بي الدلال كال اجاها مشتري وباعهه 28مليون ويه سعر المشتمل والفلوس الى عدنه اشترالنه بيت كبير ونفه وكال حتى بناتي يرتاحون بي بيت عمي ميعرفون ابوي كال نشيل اغراضنه بالليل ومانريدهم يسمعونه كلام وصدك بالليل وبهدوء حملنا اغراضنه وطلعنه من المشتمل وابوي يوم الثاني راح سلم عليهم وكاللهم استئجرنه بيت...
شهد. الله ماما شكد حلو بيتنا كبير وبي حديقه واشتريته ارقى اثاث وتلفزيون حجم كبير والحديقة بيهه مرجوحه وزرع أشجار النارنج والورد والثيل يخبل بوقتها كنت 2 ثاني متوسط بقينا نلعب بالحديقه ونتمرجح اني وخواتي لان كنا محبوسين عبالك بسجن ...اخيراً حا اخذ راحتي بالبيت بدون ما احد يراقبنا لو يباوع علينه من الشباك بالخلسه لعبنه وركظنه وهوسنه اول يوم من فرحتنا مانمنه
بوقتها امي كانت حامل باخويه مكدرت تنظف تعبت اظطرت تبطل اختي رشا من المدرسه (رشا)كانت الاولى شاطره خطيه انقهرت بس ما اعترضت على كلام امي تركت المدرسه يوم عن يوم اشوف حاله رشا تسوء كانت ماتحب شغل البيت تنظف وتبجي ومتاكل واحسهه تفكر بالمدرسة
وصلنه امتحانات نصف السنه رحت امتحنت كملنه امتحانات وراها امي ولدت بالشهر 3
رشا صارت ام بيت تعلمت التنظيف وتنظيفها حلو وخدومه وهادئة بس بداخلها ما راضيه رافضه الوضع
صار عمر اخويه شهرين وامي راحت المستوصف تلقحه واني بالدوام ورشا بالبيت يمهه خالتي كانت عدنه خطار
رشا حجتلي. خالتي مسويه ريوك لرشا بيض وباسطرمه وشاي
خالتي. يالى رشاوي تعالي تريكي انت تحبين البسطرمة
رشا. لا خاله ما اريد عشا شبعانه وأحس نفسي تعبانه اريد انام
خالتي ضحكت يا عشا يا رشا اشبيهه رشا ولج ريوك
اتخربطت رشا وكعت بالأرض جتي عليهه خالتي تضربهه راشديات ماكو فاقده وجهه اصفر أطراف اصابيعهه زرك كلبهه نبضه بطئ
طلعت خالتي عالجوارين صاحتهم اخذوهه بسيارتهم للمشفى فحوصات وتحاليل
كال الدكتور فد مره تعبانه لو متأخرين شويه كان ماتت فقر دم حاد وخفقان كله بسبب التفكير
تمرضت رشا بسبب التفكير الزائد وحرمانهه من المدرسه وفرض عليهه اعمال البيت وهي بعدهه صغيره وتحملت المسؤليه
خلصت امتحانات وجتي العطله ورشا حالتهه زادت سوء
صرت اني اشتغل بالبيت وهي خليتهه ترتاح
أبويه ياخذهه يطلعهه بدت ترتاح نفسيا وتحسنت حالتهه
بالعطله اجانه خالى وكلم امي
خالي. ام شهد اختج هناء ولدت بنيه ليش ماتروحين تزوريهه
امي. اروح ليش ما اروح
تحظرنه بعد يومين ورحنا زرنه بيت خالتي طبعا اني اول مره أشوفهم واشوف خالتي لانهه كانت بعيده وابوي ميقبل وماعنده تواصل وياهم وصلنه لبيت خالتي دخلت استغربت خالتي عدهه ولد ماشاء الله كانو 4 ولد و3بنات 2 توم
الكبار احمد ومحمود انذهلت بجمالهم لان بصراحه كانو كولش حلوين وكبار واني أبد مشايفه ولد بالعائلة ولا حاجيه ويه ولد لان امي من يجينه خطار متخلينه نطلع يمهم حتى ابوي من يجي احد مانشوفه حتى لو أقارب
بقينا بيت خالتي 4 ايام احمد ابن خالتي غرني بجماله ماهمني اي شي اخر مباوعت لوظعه هو كان بعمري تقريبا سنه 2003 وكان موسم الرقي والبطيخ عدهم بستان واسع بيى خضار ورقي وعنب فرنسي وأشجار تين وتكي احمر وتمر بكل أنواعه زهدي وخضراوي وبرحي وأشجار النارنج ووووكولشي ومن تنطفئ الكهرباء نكعد نأكل رقي لحد ماتنفجر بطنه ونضحك نطلع بره نلعب كره سله ودومنه ونركض وسوالف وضحك ايام حلوه مرت بسرعه رجعنه لبغداد .. بس الي صار اني تعلقت بأحمد وكل يوم احس بشوق اله وللأيام الي كظيتهه بيت خالتي
حبيته حب اعمى كلما أتذكره الابتسامه تنور وجهي
مرت شهور اخوي مصطفى كبر وامي حملت بطفل اخر يمكن بين ولادتهه وحملهه 7 شهور
رشا من عرفت بالموضوع.....لا مو ابقى بالبيت بعد معلي ارجع للمدرسه بطلتيني سنه حرامات كان اني بالثاني متوسط الان
امي. ماما إنتي ناعمه ميبين عليج بس خواتج ضخمات يبين عليهن ما اكدر ابطلهن رشا اصرت على رايها وبدء دوام المدارس وداومنه وابوي طلع من الجيش ومعد بالبيت مده سنه لا شغل ولا راتب اظطر يشتغل تكسي وكان عنده مبلغ بالبنك نصرف من عنده باقتصاد
للحكايه بقيه. بقلم فردوس عبد اللطيف. F
أنت تقرأ
# مو- كلمن- نحبه- يستاهل-نضحيله
Actionالقصه حقيقيه وعلى لسان صاحبه القصه وتحب إيصال فكره الى كل بنت التفكير قبل الزواج وعدم الاستعجال بالزواج حتى لو كنتي تحبين هذا الشخص وصدكي لا يوجد احن من اهلك عليك وكوني واعيه بقرارج لان بالعجلة الندامه
