#حب_وكبرياء
البارت الثاني
بقلم نازك الملائكه
من سالتني ميادة على بركبتي كتلهة اروى جانت مااعرف مصدومة وخرمشتني بااظافيرها بلا متحس هنا ميادة كعدت ع جربايتي وكلتلي سيف احجي الصدك شصار بااروى الك دخل بي انت متظم علي شي اني اختك وعيب من خالتي هي مأمنة بيك دير بالك مسوي شي غلط ومكايلي واني بئر اسرارك واروى مثل مروة اختنة وربينا سوا اني عن جد دا اسمع الهة وصافن بيهة هاي شدتحجي مو كافي صفنتي ع حالة اروى وحجي ابوهة عزا العزاني مصيبة لاهم هم تفكيرهم هيج تالي عمري اني اسوي خير ينكلب علي كلت مابيهة مجال باجر لاكلية ولاشي اروح وافتهم شنو صاير قاطعت ميادة صفنتي ودتكلي سيف..سيف انت ويايا جاوبتها ميادة يعني من كل عقلج دتحجين عوفج اني اخوج متعرفين تربية امي لج عمري مباوعت على بنية ولافكرت ويوم الي افكر اروح لزعطوطة بكد اختي لج هاي اختي جلبت بياختي وكلتلي لاتعوفني دخيل الله لاتعوفني سيف جريت نفس وكلتلها والله سديتي نفسي واني تعبان خل اطلع احسن راسا ميادة كلتلي اعذرني سيوفي والله حبيبي اني اخاف عليك الاحسن تغطي رقبتك بلا متسمع حجي كتلهة اهو ووو. انتي شدتحجين ميادة ..اكلج سكتي احسن جتي اماني واحنة دنحجي كلتلة سيف اذا تروح للمستشفى اخذني اريد اطمن . كاللهة كعدي وسكتي ان شاء الله باجر تطلع اروى ومابيهة غير العافية خالتي متقبل واني باجر اروح الصبح روحي انت وميادة جيبو من بيتكم ملابس وكتبكم انتي واوراس فد يومين لما ترجع خالتي تبقون يمنا يلة طلعو خل ارتاح جان تكلة سيف شبيهة ركبتك جان اذب هدوم الي باايدي وكتلهة تالي يعني اطلعو يلة خل انام خرب هذا اليوم طلعت ميادةواماني جان اماني كلتلة ميادة شبي سيف عصبي ؟واني شكلت !كالت ميادة مابي شي بس الي صار بااروى دوخنا كلنا . امشي نجيب هدومكم ونشوف بثلاجتكم شكو ماكو مو يمنا انتو .
امي وابوية ظلو للعصر يمي وابوية كاعد على اعصابة ينتظر افتح عمود يحجي وياي قبل لااحجي هنا بديت احس ع روحي واحس بصداع وتعب فضيع وجسمي كلة خدران ابوية راسا كللهة لاامي شكلك تعبتي روحي غسلي وجهج وجيبي شي شربي اني ابقى يم اروى ولح عليهة لماطلعت واجة تقرب يم سريروبدا يهمسلي اروى .اروى باباتي دتسمعيني باوعت عليه وعيوني بعدهة مغوشةوكمت ابجي واتنحنح ماما ماما كلي اروى حبيبتي اسمعي لاتحجين الي صار اني اشرحلج بس نطلع الله يخليج باباتي اني اسف والله متندم بس لاتضوجين الكل يغلط ومرح تتكرر صوتي علاوابجي دخلت امي وكالت ها حبيبتي صحيتي واني ابجي ماما ولازمة ايديهة تعاي ماما تعايوابوية رجع ليورى وبقة يااشرلي عمود لااحجي كلتلي اروى شو الي صار واني سكتت ودموعي تنزل سكتت كالتلي ماشي حبيبتي بس صيري زينة وكل شي ينحجي يوكتة ابوية ارتاحوكال لاامي رح اطلع واذا احتاجيتو شي خابرو علية كالتلة يلة روح اني عود اوصلك خبر وصاها متلح علية لان تعبانة واشرتلة ماشي روح الله وياك...
بقيت بالمستشفى للصبح وامي ظلت بايتة يمي وابوية يروح ويرجع وامي كل شوي تسالني واني ساكتة محجيت شي جنت خايفة ومرعوبة الصورة الحلوة لاابوية ولعائلتنا تهدمت الشخص الي يومية اطلع رافعة راسي واحس بشوي غرور بفضلة تحول الى انكسار انكسرت نفسي وفقدت ثقتي باابوية وتحول من شعور بالامان الى خوف وشك وامي مااخذت مني شي ثاني يوم الصبح حسيت ع صوت سيف اجة الصبح ويا خالتي والطبيب كتبلي ع خروج ووصى امي تعتني بية وتبعدني عن الضغوط لاانتكس ابوية اطمن من امي كلتلة خرسة طرشة مدتحجي ولا كلمة شون هسة نعرف اكلك شغلة اني رح اسال طبيبها يفحصها خاف احد متعرضلها جان يصيح عليهة كاللهة سكتي ولاتلحين عليهة لو بيهة شي جان من اول كالت خليهة تهدا وبعدين الله كريم.كالتلة عجيب انت مو كلت لازم نعرف ونتاكد كاللهةاكلج امي مريضة خابرتني واني رح اروح اشوفها ورح ابات فد يومين صار هواي مشايفهة كلتلة بلة بنتك بهالوضع وانت تدورلي امك (شعور المراة بالشك دايما لازم يكون وراه شي ) امي جانت ابد مثق باابوية اكيد احساسهة وشكهة بمكانهة وهو طول الوقت يلعب بذيلةامي من جتي خالتي كلتلهة معرفتي بنتك شبيهة مسالتيهة كالتلهة اني ردت اسال سيف وين شافهة وشون جابهة هي لاتحجي ولاتكول ساكتة ومصدومة ويتبسبسون كالتلهة خالتي مو كتلج سيف جاي من الكلية شايفهة تركض ولزمهة وتخربطت باايدة اخذت امي نفس طويل يمعودة هسة هذا البطران فارس يريد يروح لاامة بهالضرووف كالتلهة بلة هو يعرف امه لج جكد احجي وياج هذا رجلج ورا انة كل يومية طالع امي كلتلهة انسي رح اكول سيف يبات يمنا لما يجي فارس كالتلهة اي شكو بيهة ولو لو تجين يمنا انتي وجهالج مو احسن عالاقل لمة واكدر اجر من اروى حجي سولفلي فات سيف وقاطعهم كاللهم كملت الاجراات نطلع باوع علية وتقرب كاللهة ها نونة جان يدلعوني بالبيت نونة لحد مكبرت .ها حبيبتي شون صرتي وجنت ساكتة وجاوبتة بصوت ناصي زينة حمدالله سيف حاسبنا اني واماني واوراس خواتة ويعاملنا نفسهم وخوفة ولهفتة نفس الشي كاللهة يلة نطلع
سيف:باوعت ع خالتي وامي وذكرت ميادة من كلتلي غطي ركبتك لايحجون جانو صافنين بوجهي كتلهم ها رح طولون بالصفنة اني رح اخذ اروى تجن لو ماتجن شلت جنطة صغيرة ع جتفي ولزمت اروى وبدينا نمشي بالممر وامي وخالتي ورانا وبالهم الف سوال مثل مااني جنت صافن واريد اعرف الي صار ويا اروى وخلاهة هيج وصلنا بيتنا امي كلتلة سيف خل اخذ اوراس واماني وتعال بات يمنا باجر جمعة ماعندك كلية وعمك ابو اماني سافر لااهلة كللهة ماشي اخلص كم شغلة واجي ابات يمكم اني متعود علة هالشي خالتي من يطلع رجلهة اروح ابات يمهم رحت صديقي مصطفى جنت حيل ضايج وكلبي انقبض من شفت اروى هيج تعبانة ومتاذية ومتقبل تحجي لااحد وصلت بيت مصطفى دكيت الباب طلعلي اخو سلم عليه كتلة اخوك موجود كالي اي دقايق ويجي طلعلي مصطفى والخاولي على راسة كالي فوت فوت كتلة مااريد افوت اني مهزوم من البيت امشي نفتر واريد اسالك شكو ماكو بالكلية اليوم كالي صدك ليش مجيت الكروب مالنة كلة افتقدك بس كلهة بصفحة وملك بصفحة زلغت روحهة تريد تعرف ليش مجيت .صدك انت مكتلي ليش مداومت كتلة غير تسكت وتمشي نطلع عمود احجي ذب الخاولي وطلعنا .مصطفى هو مو بس صديقي هو بئر اسراري وبنفس الوقت اكبر مني بسنتين وهو شجعني اقدم عالصيدلة ويعرف اهلي وكل شي تقريبا نطب ونطلع سوا كالي ها سيوفي ليش موعلى بعضك انت شصاير سولفتلة القصة كلها والشبهة جتني بلة لابيهة ولاعليهة عمود بنت خالتي اروى وحدة تكلي خاف مسوي شي والثانية تصفن بوجهي واروى ساكتة كالة لك يااروى هاي بنت خالتك القزمة لك لا لا والله عبالي على غيرهة غير ماعدهم عقل هي بعدهة طفلة هذا الحجي هو مشايف اروى من جانت بالرابع ابتدائيكتلة بلة متسكت اروى كبرت هسة مو مثل قبل اول مرة احس بيهة كبرت من شلتهة حسيت بيهة ثقلانة مو هاي الطفلة الصغيرة وجنت العبهة وي مروة اخذت صفنةصار وقت طويل من افترينة كتلة خرب ابليسك نسيت لازم اروح يم خالتي ابات يمهم كاله الله ربك روح جتك عالمرام كالة مصطفى اني هسة مستعجل والله يحبك جان هسة هفيتك بوكس على كرشك هذا ضحك وهز جتافة كالة يلة روح عمي لااخرك مشاعري اتجاه اروى بذاك الوقت جانت اخوية وخوفي عليهة خوف اخ على اختة فتت بيتنا امي كلتله عزة العزاك مرحت لخالتك خطية وحدهة خاف محتاجة شي كاللهة يوم لاتاخريني رح اخذ محاضراتي واروح بوجهي يمهم وصلت بيت خالتي ولكيتها فارشتلي بالهول والبنات واوراس نايمين كتلهة اسف خالة بس والله محاضراتي محضرت اليوم جبتهم وجيت سالتهة ع اروى وكعدت وكلتلي ساكتة ومتحجي ولاحتة اكلت كالت خلوني نايمة مااريد اكل كعدت يمهةوكتلهة يعني مكلتلج صار بيهة وليش وكعت باوعت ع خالتي جانت صافنة بركبتي من خرب هالحظ مظل احد منتبه علة هالخدش كالتلة لا رح انام وانت هم عمود تكعد تقرا والصباح رباح بلكي ترتاح وتحجيلي وكامت مو مرتاحة كالتلي تصبح على خير وردتيلة وانتي من اهلة .
بسمة: اي يابسمة صدك يطلع حجي فارس وسيف اله ايد بالي صار بااروى عزا العزاني واني جايبتة هنا .وبعدين تعوذت من الشيطان وكلت مستحيل جان خافت منة او سوت رد فعل ضدة بالعكس عبالك حست بالامان من شافت سيف خل اكوم اصلي واستغفر احسن من وسوسة الشيطان .
سيف : نمت شوي وصحيت ع صوت بالمطبخ لان قريب عالهول ورحت دااشوف لان الكل نايم بغرفة فوك بس اني جوا رحت للمطبخ شغلت الضوة ولكيت اروى واكفة ولازمة الكرسي باايديهة وتفاجات اروى شبيج.
يتبع
