#حب_وكبرياء
البارت السابع
بقلم نازك الملائكه
ثاني يوم الصبح كعدت وصوت الهوسة مال فريق كله كاعد واكو قطرات مال مي بس لاالمبردة هم حظي حتى المبردة تنكط عليه واسمع صوت ضحكة محبوسة ههههه. عرفت هاي السوالف مال اروى سويت روحي نايم وهي كاعد تضحك فوكاية واوراس هم كاعد يضحك فجاة لزمت ايديهة لزمتج تعاي تذبين عليه مي هاي الله كتبة عليج تعاي لزمتهة من ايدهة وهي تصرخ وتضحك لا سيف الله عليك سيف بداعتي .ماما .خالة لك عوفني دتوجعني خرب لا لا سيف لا الله يخليك ههههه يلة غسلي جوا الدوش حطيتهة جو الدوش ونكعتهة سيف خرب ابليسك اخ اخ رجلي راسا هبطت شبيهة رجلج اروى جيت عليهة ورشتني كلي بالمي لج خرب ابليسج نكعتيني وظلينا كل واحد يجر الدوش من جهة ياهو الي ينكع الثاني واوراس هالواهس هم تنكع ويانا وشبعنا ضحك وصوتنا وصل سابع جار شقة خالي جوانا وصعد ع صوتنا دك دك دك طلعنا واحنا منكعين ونضحك وصار بوجهنا خالي ووكفنا استعداد تلاثتنا كال هاي شنو شدسوون امي وخالتي لزمتهم الضحكة وخالي عيونة صارت بكصته وصاح على امي وخالتي ادري شنو وين كاعدين انتو مو عيب عليكم متستحون من صباحيات صوتكم واصل سابع جار متستحي سيف البارحة ديزوجوك هاي سوالف وعود انت الرجال ظليت ظام الضحكة واني اترزل واروى هم اكلت نصيبهة من الرزالة لج عبالج بعدج زعطوطة خالتك ام سيف بعمرك من زوجت باوعو المي البيت رح يوكع فوك روسنا من وراكم بلا حيا ولامستحى .يلة عيني ابراهيم جهال خرب حظك كل واحد بكد البغل وتكولين جهال تهي هي طبعا هم هيج اذا ماكو احد ضابهم فروسي ولا محمد هم والماكو سوا نزل وصوتة يرج بالبيت واحنا شابعين ضحك .لكم استحو هسة ترزلتو وطكتهة خالة بضحكة خوش ريوك بالعافية يلا روحو اتحضرو اروى سيف نشفو البيت شغلتكم وبدلو خ نتريك وروح ورانا شغل كومة كعدنا نشف اني واروى وبقينا نضحك عالموقف الصار كال حدك تجين تتحرشين بية بعد .ديلة يلة اخذت نصيبك انت هم خوش غسلة من الصبح اول مرة انتبه جكد حلوة ضحكتهة الله عالبراءة جكد حلوة متحس بيهة الة لما تكبر وتكتشف انك ضيعت عمرك سدى وتنحسب كل خطوة عليك وكل تصرف الكل ماخذ تصرفاتي ويا سيف بسلامة نية بعدنا صغار بس هسة كبرنا وكل تصرف لازم نحسب الة الف حساب جانت تنشف وانتبه سلسلتها بدون ميدالية ابد منزعتها الظاهر معتزة بيهة لازم اجيبلهة غيرهة اما هاي اريد تبقى يمي ذكرى كل مااحن واشتاق الهة اتلمسة واحس ايدي ع ركبتهة حلوة وطويلة وبيضة وشعرهة اخ من شعرهة مااعرف شون اوصفة لاهو سرح لاهو بيرمن فد شي حيل حبيتة وكل شوي اسوي روحي اتحارش بيهة واجرهة من شعرهة يلة نشفي زين بسرعة .لك سيف والله اذا لزمت شعري اسويلك عاهة مستديمة واشرتلي بااظافرهة اخرب مستقبلك لزمت ياخة التيشرت واذكرت خراميشهة وهي راسا استحت اني رايحة ابدل الزم كمل الباقي حباب ولزمتني من خشمي . اوكي ماشي عدلنا الشقة مالتنا وبدلنا . اروى :جنت حيل مخبوصة وفرحانة شديت شعري ذيل حصان ولبست تنورة قصيرة زرقة وقميص وردي نص ردن وحذاء شوي عالي اني اخر وحدة بقيت والكل يصيح عليه يمعودة عيني يالعروس يلة دروح لج والله تاخرنا .اي حاظر جيت لبست جنطتي والكل منتظرني والكل صفن بية خالتي راسا سمت بسم الله ماشاء الله اماسيف ظل صافن عليه .باوعت عليهم ها خيركم روح وين صوت والهوسة ويلة يلة .لو لابسة غير شي اروى هسة خالج يحجي .ماما شيحجي قابل لابسة شورت وسيف يضحك ههههه .خالتي بنتك مصرة تضحكني بس دا اتخيل عينه الخال بكصته حرام عليج رح جلطي للرجال عندة جهال .هههه.يو سيف اذا بدلت لباجر مااكمل انزع؟لاحبيبتي تخبلين تعاي اني اغطيك حتة ليشوفك اوراس بلة ٠
روح شوف خالي جوا نزل اوراس وصعد خالي كاعد جوا .يم بيبيتي وشون مزاجة .ههه .برتقالي هههه شفتي برتقالي يلة امشو خ ننزل يلة ترة صدكتاخرنا نزلو خالتي وامي واوراس وسيف صار كدامي غطاني ويضحك .كتلة اسكت يمعود لاضحكني نزلنا ها يوم يلة احجي ترة بس انتي واكفة بوجهي جان هسة كسرت البيت تكسير .خلص يمه ولايهمك خير شكو ابراهيم رح نطلع لان متاخرين .انتن ماتستحن اثنين شباب بنفس المكان حاطيهم وكه كه وصوتهم ماتستحون اني ورا سيف ودا اسمع الحجي كالي سيف سكتي وستري علينة دتسمع سيف دتنترزل بهمس صاح خالي اروى .ها خالو .شنو باوع عليه استلمي شبقينة للعالم الي متستحي باعي شلابسة لج يمة رح يجلطوني بناتك .لايمه صمالله بيهن ولابيك لح اروى ليش لابسة مشلح .بيبي باوعتلهة شنو مشلح ترة تنورتي مو كصيرة كلش انجبي لابيبي اني مانجب وهذا لبسي ومااغيرة كال خالي مرة جاية ذبين حجاب فوك راسج فهمتي .مااتحجب خالو اني من احس اريد البسة البسة انت مو ولي امري .انجبي لج وراد يضربني سيف لزم ايدة خالي لهنا وكافي وبس اني احترمت انت خالي ومحجيت رزلتني بس لهاي اللحظة وخلص انت كاعد تجاوز ع امي وخالتي واروى وساكتين ومحترميك واروى طالعة ويايا واني شايف لبسهة مابي شي وانت عليك بنتك هاي لزم شهد وكالة هاك اخذهة شوفهة الدين مو حجاب حاطة على راسك ولاكاعد تحجي بالدين وانت باع لسانك اي واحد بالشارع ميحجي مثلك وكاعد تسب وتقذف ع خواتك وع بنات العالم خل دينك يفيدك .اروى شفتة حيل متعصب لزمت ايدة وانسندت عليه بهاي اللحظة حسيت نعمة الامان والثقة مو خايفة كدامي رجال وساندني وحاميني خالي راد يمد ايدة على سيف كالة اطلع برة لك دصيح بيتي .خالي هذا بيت امي وخالتي شنو نسيت مشترين حصص خالاتي يعني اكثر من البيت بااسم امي وخالتي ومالك حق تطلعني ومن هذا اليوم مااريد لاانت ولااي احد من عاىلتك يفوت بيتي خالتي طبت ع جتف سيف وامي هم كل وحدة لزمت ايد ويطبطبون ع صدرة كافي سيف اخزي الشيطان ابراهيم اخذ بنتك وروح .شفتي يمة شفتي بناتك يطردني من بيت كدامك انتي شفتي لايمة هذا بيتك غصبا عالكل . اندار سيف عليهة ووجهة يطلع شرار بيبي انتي مو حصتك ويا ابراهيم يلة بيبي هذا البيت باجر خالتي جيب غراضهة وتكعد بي وامي ماعدهة اعتراض دفع خالي للباب وكاللهة تريدين تشوفي تفضلي روحي بيتك هناك يمة كل هاي سنين معتبريك جبير ومحترميك بس من هاليوم اني كاعد هنا اشوف منو يفوت خالي اخذ بوش من سمع بيبيتي تروح يمة .كالت الم غراضر واجي يمك ذولة مو خوش اوادم وغمت امي وخالتي كالت امدة تربيتكم امداكم .راحت بيبيتي ويا خالي لبيتة وسيف فاير مفور رحت جبتلة مي بارد وانطيتة .اهدى سيف اهدى .كل من ورا هاي....شهد حية مثل امهة تمشي وتلدغ بنت.... خالتي كالتلة كافي هذا هم خالك شوفي خالة لادورين بيت ولاشي اذب هاي الكراكيب واصبغلج يا وكعدي لادورين ايجار ولاشي هذا بيتك .يمة وبيبيتك هاي سراب متتحملهة يوم .بيبيتي مصيرهة ترجع وغرفتها موجودة كافي واحد يتحمل الا متى .اروى :باوعت على سيف وكلبي فرحان ربي مايحرمني منك سيف سندي انت .
خالتي وامي رادو يقنعون سيف بس هو مقبل واصر خالتي تكعد وفعلا فرغ البيت وخالي وولدة ظلو يباعون خالي غالب مالة شغلة ميدخل كملنا شغل ورجعنا دنلملم غراضنا عمي عامر جاب اماني وجتي عالحاضر الخانم تتافف لان تعبت شوي واحنا صار شهر نركض يامن يركض ورانا اماني كامت تحب ابن عمي وظلو سوا يسولفون بالليل فرحت لمن سمعت رح نتحول ابوية اقتنع بالتحويلة وكوة قنعة سيف يروح يتعالج ويومية مدخلي وهربان ويرجعو ويرجع يهرب ظلينا دايخين بي الطبيب يااس من حالتة لان واصل مرحلة من الادمان وماعندة ارادة وكام يبيع غراض البيت عمود يشرب وحتى ضرب كام يضربهة عمود ياخذ منها فلوس تحولنا بيت جدي ودعنة بيت خالتي وصارو هم محافظة واحنا محافظة وسيف كل شوي يطب علينا يسوي كبسة عمود خالي ميدخل مروة جان كلبهة حاسس مرح تكمل تقدم الهة ابن عمهة وزوجت مطولت شهرين وقدمت معهد معلمات اما الموضوع الاهم سيف ومصطفى رادو يتعاركون اله شوي مصطفى :لك شنو هالغيبة واني عود كتلك عندي حجي وكل ميريد يحجي يسد الموضوع ساعة يكلة مروة وعرسهة ساعة مشغول ساعة يكلة بيت خالتي يريدون يشيلون خلصت الاعذار مصطفى كالة يابة اعرف تحب اروى بس اني اريد اخطب ميادة وفرح سيف لان الموضوع بعيد عن اروى واتفقو بس يخلص مصطفى كلية يتزوجون وميادة اصلا تخرجت قبلة وتعينت مدرسة سيف خف الحمل علي بقت بس مرام الصغيرة حسيت هاي العطلة حيل سريعة مرت يومية اطلع رسمة سيف واظل اباوع عليهة مشاكل ابوية مخلصت وكام يتعب وضعف وانطرد من وظيفتة لان بحالة سكر حاول سيف يسويهة مرضية بس ابوية تجاوز على مديرةوهو مسوول حزبي لهذا صفينا عالحديدة ماكو راح الدلال والعيشة الزينة وامي ظلت على راتبهة ورادت تجرجر الحياة كوة بدون متنفضح بس هاي الاشياء متنظم ولازم يجي يوم تنعرف اني بهاي الفترة نفسيتي تعبت جدا وفقدت الثقة بالحب والزواج قررت ماازوج ولاارتبط مااريد احد يتعلق بيه واتعلق بي ويصدمني صدمة عمري لهذا كل ماتقرب سيف بعدت واريدة يفهم انو هو اخ مااريد اخسر سندي الوحيد بالدنيااريدة دائما يمي الشعور موجع بس الخسارة توجع اكثر عرفت ان الحياة احكامهة قاسية عالبشر ردت اركز بدراستي وبس واعزل روحي كلمن يحل مشاكله وامشي بنصيحة اماني اختي.بعدي عن سيف جان اقسى عقاب اتحملة شفت نظراتةواني راكبة السيارةكضينا عمرنا سوا ناكل نكعد نشرب سوا بلمح البصر انقلبت حياتناوصارت جحيم تحولنا لبغدادواحس بغربة مو طبيعية مو كانو محافظة بينا عبالك قارات الي جان مصبرني انو امي اتوسلت بسيف هالسنة يداوم يمنا احسن الة واقرب لكليتة طبعا نقلنا ومعاملتنا كلهة سيف اشترى سيارة برازيلي وكل مايجي يفرفرنا اماني اختي انقبلت اداب وابن عمي وياها بالكلية وانخطبو وقررو يزوجون بالعطلةوتكمل دراسة هناك ابوية جان مقيم بيت اهلة عمود خالي لايشوفة واهله ملو من مشاكلة وطردو من البيت ميريدوه جان اول يوم مدارس وسيف جان بايت يمنا كالي الصبح اني اوصلج ولسوء الحظ اني وشهد بنفس المدرسة ورا فترة اكتشفت عدهة علاقة بواحد ومن يومه خايفة ومتندك بية عبالهة اني مثلها فتانة المهم كفت شرهة عني بس مجنت اعرف جكد حقودة وتريد الكل مثلهة يغرق بالوحل .جنت طالعة من المدرسة الظهر كل يوم سيف يجيني اليوم تاخر كلت اتمشى بالشارع البيت مو بعيدسمعت واحد يمشي ويشمر حجي وان امشي سريع الا شوية يلزمني هنا سمعت سيارة شحطت وصيحة قوية ولللللك منو انت تتحرش ب... ولزمة ذبحة كتل والعالم طلعت على صوتهم وخابرو
الشرطة جوي اخذو سيف والولد نقلو مستشفى وظلو يحققون ويا ولمن عرف قاضي تحقيق شغلة دفاع وديخلصني كالة لازم تبات بالحجز توسل سيف بالظابط يوصلني ويرجع يسلم نفسة وسلمهم الهوية ودفتر العسكرية وظليت طول الطريق الوم بي يعني ماكو داعي تهورك سيف جان ضربتة ضربتين وعفتة الة تموتة باايدك .صيح عليه صيحة شتريدين اشوف احد يتقربلج واسكت ادفنة بمكانة شحدة يوصل يمك انتي .كرهت روحي بهاللحظة وعرفت سيف مو عاشق ولهان بالحب ومخبل واحس اني بديت اضعف كدامة ورح اهترف بحبي الة وكل شوي اتراجع وصلني سيف يلة في امان الله وين سيف رح ارجع للمركز شنو مخبل انت ترجع بعد متطلع مشفت الولد خلص مخلص طكة ويموت.يلة فوتي اروى ولاتكولين لااحد كلليلهم رايح صديقة يبات رجعت ومكلت لااحد بس احس نار تاكلني نمت واني كاعده من التعب وكعدت ع صوت صياح وجانت هذي الليلة السودة الي دمرت حياتي للابد...
يتبع
