#حب_وكبرياء
البارت السادس
بقلم نازك الملائكه
اتذكرت صوت اروى وهي تكلي سيف شوكت ترجع حسيت بصوتهة بحة ومتريد تشغلني بالامتحانات. مااعرف الليل شون خلص منمت ردت بس الصبح يطلع دا اروح بيت جدي واشوف اروى وافتهم منها.ويا اول صيحة ديج كعدت وبدلت وكعدت امي يلة يوم دنروح .امي مجان بالهة تروح تعبانة ومالهة خلك .لا هي متريدني ادخل بالنص كتلهة تجين لو اروح . لايمة انتظر البس عباتي ونطلع حسيت جكد طويل الطريق .ردت بس الزم تاليه واوصل واشوف اروى .اكيد هسة خايفة وتعبانة لحد.هسة لزمت ايدهة بركبتي حاسهة وهي تكلي لاتعوفني سيف لاتعوفني قاطعت امي تفكيري وكلتلي سيف معليك انت لاتدخل ترة خالتك شمر عليك الحجي .ياحجي يوم .كالتلي سالفة بنتها مو خالية وراهة مصيبة وهي تريد تطمطمهة .يوووم .باوعت عليهة يوم لاتحجين على اروى هاي تربات ايدي مااريدك تحجين خلينا نوصل والله كريم لما وصلت بيت جدي تعبت وخلص قلبي فتت سلمت عليهم اجة اوراس سلم عليه خالتي بالدوام واماني راحت ويا ابوهة بيت جدهة البيت فارغ خالي ابراهيم وغالب مموجودين هم بس بيبيتي كاعده وحدهو وياهة اوراس وولد خالي غالب كلمن كاعد مشتمل مقسمي بيت جدي وبيبي ماتحجي وي مرة ابراهيم وهي سادة بابهة لاتسلم ولاتجي امي تروح تسلم على خالي .بيبي وين اروى ؟ حركت راسهة وايديهة وكالت غمة لك هاي عليمن خشمهة يابس دمرت امهة صار اسبوع تبسبس تبسبس دخت لك يومة ولاتقبل تاكل ولاتطلع والوجه صار ليمونة .هسة وينهة اروى .مخمودة بغرفتهة شلك بيهة متروح دك باب خالك وتسلم ع شهد يمة شون بنية تخبل مو تكلي اروى.اوووف بعد مخلصت حجي بيبيتي جتي شهد .شهد بنت خالي ابراهيم طويلة وبيضة ومحجبة وصوم وصلاة بس بدون ايمان مامرتاحلهة ولاتنزلي من زور من جنة صغار وهي خبيثة لاتحب الخير لااحد ولاتتمنا هي واخوتهة ولما احترامي وحبي لخالي فلااسلم عليهم من عمر اروى بس متحبهة وتشمر حجي يم بيبيتي عمود تكرهه لان امي تحب خوالي اكثر صارو ع ست بنات اكيد تحبهم بيبي من رخصتك .شهد:ها وين سيف دكعد خل اسويلكم جاي .لا تسلمين مجاي اشرب جاي صعدت فوك وظلت نظرات شهد عليه لما وصلت غرفة خالتي بقت نفس ماهية دكيت الباب وسمعت صيحة اروى كتلك اوراس انزل ماافتح الباب .اروى هذا اني . سيف .سيف راسا انفتحت الباب وركضت حضنتني مثل الطفل الصغير سيف وينك لو تعرف جكد تعبانةبدونك .هي متعودة تحضني بس اني مشاعري تجاهة ماعادت اخوية وخرت ايديهة ولزمتهم ومشينا للصالة لان خالي ابراهيم من قسم البيت سوا لاامي صالة وياهة حمام وغرفة من تجي او يجن خالاتي فتحت البردة والشباك ليش سادتهم وشبيج لج شصايرة انحسدتي لج هيج تطلعين الاولى ومتفرحيني بنجاحك هي هاي تربيتي ردت الطف الجو .سيف محسيت طعم الفرح ضاعت فرحتي ..شنو صاير احجيلي صدك اروى .لاظمين علية شي ذيج المرةمن سديت الموضوع احترمت رغبتك وسكتت بس الي سمعتة اريد اعرف تفاصيلة .اروى :لمن شفت سيف احس روحي ردتلي وراح كل الهم والحزن وسولفتلة على ابوية وبيومهة من حلفلي بعد ميخون امي. اوكفي اوكفي لحظة منو كلك ابوج عندة نسوان غير امج اهنا وكف لساني ومكدرت اكله ذاك اليوم الي شفتة كتبة بنات وصلولي يبقى ابوية ومااريد أنزل منة اي وبعدين شصار كعدت تبجي وراهة امي حصرتني وكتلهة كل شي وبدل متاخذ موقف كالتلي حسج عينج احد يعرف .سيف .امي تدري وساكتة وقابلة ورجعت بجت وحضنتني حيل .اخ ياربي استغفر الله مو بيدي حضنتهة قوي وكتلهة اهدي اهدي حبيبتي اكيد امج متريد مشاكل وتنتظر الله يصلحة .سيف شيصلحة ابوي مدمن ..شنو؟وراهة امي اكتشفت حبوب عند ابوية وسالتة عليهم كاللهة معليج وعلا صوتهم وضرب امي جيت دا افاككهم دفعني وكعت ع الدرج وانكسرت ايدي وودوني جبروهة لاايدي وامي كلتلي لاتحجين اني احلهة متريد خالي ابراهيم يدري واني كتلهة لازم يوصل الحجي مقبلت كوة خلصت امتحاناتي وهو يومية يجي سكران ويطوطح ظليت مصدوم السالفة اكبر من نسوان حبوب وسكر لاهذا هجمان بيت يومية يتعارك ويا امي تعبت والله ياسيف شسوي اني مو كادرة اتحمل والله مو كادرة تعبت ظليت امسح على راسهة واكللهة خ تجي خالتي واني احجي وياها اروى كومي غسلي وبدلي تعاي اني لج مامتريك سويلي ريوك لو اخذج مطعم يخبل بالبياع .هزيت راسي وكتلة مو ....حط ايده على حلكي مااسمع منك يلة كومي شون شهرة صايرة تلعبين نفس.رح انزل انتظرج جوا ماشي يلة نونة انتظر اني وشفت ابتسامتهة وفرحت من كل كلبي بس انسطرت من الحجي ولمت روحي مدخلت بوكتهة هاي السالفة هجمان بيوت نزلت لكيت خالتي جاية وكاعده وجهة ثقيل علية سلمت عليه بس عمود شهد لاتحس وسلمت على امي وصعدنا ٣فوك ويانا اوراس وشهد ظلت ميتة تريد تعرف فتنا وخالتي شافت اروى ردت روحهة بيهة سدت الباب وكالت انتظرو دقيقة هاي الشغلة تعلمتهة من ابو الفوارس فتحت الباب لكت شهد واكفة ركض نزلت رجعت سدتهة وكعدنا نحجي سيف . رجاءا لاتدخل من راسك اني بية مكفيني والله تعبانة وميته قهر تحملت هاي السنين بس عمود بناتي وابني كافي الذلة عشناها قبل مريد جهالنا هم سد الموضوع وخلي سر بينا مااريد ابراهيم يشم خبر والله كبل يكلي طلكي ويشتغل مفتي الديار . لعد شنو الحل .سيف:انتبهت على امي مو مصدومة .يوووم جنج تعرفين وساكتة.اوووف.واخذت نفس عميق وكالت مو كتلهة للخايبة وهي مصدكتني ولاصدكت ابوك وزعلت وذيج الزعلة لما جتي اروى تبجي ورحنا دنخلص خالتك .صرت عصبي يمة لعد ليش مكتيلي انتي مخليتني مثل الاطرش بالزفة كل هذا واني اخر من يعلم لج خالة والله استحيت شون اكلك والصدمة شلت هم تالي متالي تعرفين وساكتة ليش ساكتة .رفاق السوء ابني هم جرو لهالطريق شوي شوي لما غرق بالوحل مو كادر يطلع رجعت كعدت وصفنت يعني هسة تاليتهة شون رح تصفة زين انتي ليش جيتي هنا وهاي شهد كل شوي طافرة تسمع ليش مجيتي بيتنا خالة ليش مكتيلي دنلكي حل عمي فارس مقصر وياي وهسة هو بشدة كالت شنو الحل برايك تشيلين شنو اشيل .اي تتحولين قريب على اهلة وروح اني وياج نحصرة نودي مركز الادمان خل يتعالج اصلا انتي متاخرة جان من زمان لازم خالتي كعدت تبجي وهي كاعدة تفكر شون ترتبهة وتحجي..
