كعدت ع صوت صياح امي ركضت لغرفتهاوشفت ابوية كاعد يضرب بيهة ويخنكهة ولج اليوم الة اموتك... ليش ذبيتي الحبوب ..ولج تريدين تموتيني.. لج جلبة ..شون سوين بية واني اجرة وميقبل يوخر ويدفعني وارجع اجرة.... واشوف عيون امي صارت بالسما مو كادرة اساعدها شلت الدولكة بصف الجرباية وركعتة بيهة وكع وغرق بدمة وامي اخذت نفس وكالتلي شسويتي لج موتي ابوج خرب حظك مرات سخرية القدر غريبة يعني لو مو هو مات جان ماتت امي بدالة ظلت تلوم بيه وتتلمس ابوية اذا عايش وتكلي جان صحتي خالج لج ليش هيج الله يلعن الحب شكد يذل بشر بس مو مثل ذلة السكران على زقنبوت ممكن يموت عائلتة على حبوب جان اسوا يوم بحياتي اباوع الدم بكل مكان وايدي هم انجرحت بس اني بدون وعي ولا كاني سمعت شي طبعا صوت جان واصل سابع جار بس خالي محرك ساكن بعدني مصدومة وهوسة وجوارين شلت سماعة التلفون:الو ...شرطة... نعم تفضلي اريد ابلغ عن جريمة.. قتل .منو .قتلت والدي اطيتهم العنوان ورحت كعدت عالكرسي واباوع على امي جكد مذلولةوخايفة لا ابوية يموت ابوية فضحنا كدام العالم كامو يعايرونة ولد السكير ولد السكير اوراس بطل من المدرسة بسببة ياعيني عليه جكد جان شاطر بس مكدر حبيبي يكمل واني عزلت روحي اسمع واغلس.. شهد هي السبب هي ورا كل هاي المصايب شهرتنة ... خلال دقايق وصلت سيارات الشرطة والاسعاف ونقلوني للمركز ونظرات امي مااكدر انساها كانو حملتني مسوولية الي صار صعبة تتحمل هموم اكبر من عمرك... الاصعب تضيع عمرك وانت شايف انو انت دافع عن ناس هم ميستحقون.....
جنت فاقدة الاحساس بالحوالية وماعرف ولااعرف شون تجرأت اضرب ابوية وصلت مركز شرطة عمري كلة ١٥سنة طفلة ردت بس احمي امي واخوية واختي صوت امي وصياحهة محرك شعرة من احساس خالي اول موصلت مركز الشرطة سيف طلعو افراج ومشاف الة صدمة بوجهة اروى .اروى جانت ايدية مكلبجة وملابسي كلهة دم وايديناتي ...وين ماخذيهة اروى شنو صار طببوهة للتحقيق.سيف:بلا زحمة عليك .هاي البنية الي فاتت شو تهمته ليش ماخذيهة .لك هاي رادت تكتل ابوهة .شنو؟رادت تكتل ابوهة العينتين جان سكران والظاهر الاغبر ماشي بدرب الحبوب وهي ددافع عن امهة... ضربتة بالدولكة وك.. وين.. وصلنا بس والله سبعة يستاهل .بس العار ميموت وضحك خطية كل عمرهة ١٥سنة وينها وين هالمصيبة ظليت ادك على راسي وخابرت على عمي .دك التلفون .عمي ابوخالد .محامي واله علاقات بكل مكان ويعزني خابرتة وجانت ساعة ٢بالليل عمود يجي عمود اروى .ابو خالد:فركت عيني وكلت هذا منو ياستار يخابرني بهالساعة طلع ابن اخوية سيف .هاسيف خيرك .خير عمي تكدر تجيني لمركز شرطة ال..وكتلة مكان الفلاني كالي لك شمسوي يمعزة .عمي تعالي واني افهمك .هسة ابدل واجيك .. كعدت على نار وخفت على اروى اني رجال شسوو بية مو عاد هاي المسكينة وكاعد على اعصابي .كالي الشرطي كاعد بصفي الي جوا شتقربلك .كتلة بغصة بنت خالتي يوم واحد غبت عنهم شوف شصار هسة.... ذكرت .محد اجة ويا اروى لاخال لاكرايب والله جتي وحدهة ماكو احد وياهة من خرب غيرتك ابراهيم .خالي غالب جان رايح لااهل مرتة بالموصل. لاتخاف وليدي من حسن حظكم الظابط الجوا خوش رجال واذا عرف دفاع ع النفس مرح يقصر اصبر هسة يطلع الولد وافتهملك.اروى جنت خايفة من الفضيحة اكثر من الموت من طلعت خالي كالي فضحتينا انتي وابوج الله لايوفقكم من كعدتو ماشفنا خير من وراكم جيت للمركز وحدي ظليت اتلفت مشفت غير سيف كدامي وجان حيل متوتر وخايف .سيف انت سندي بالحياة يوم واحد غبت عني وظليت مكشوفة محد حماني محد راد يسمعني الكل حملني المسوولية.... جنت ابجي بصوت ناصي.... والشرطي يكلي: سكتي لج اكو وحدة تكتل ابوهة الا العار مسويها تف عليج وع شكولاتج توا ديضربني اجة الظابط وجان وجه سمح وحباب اسمة (رائد محمد اسماعيل) ماانسة موقفة اول مشافني وانصدم لك هاي شجابهة هنا .علي .لج بابا شمسوية انتي جكد عمرك كعد وشافني متوترة وخايفة وعيني عالباب بلكي احد يجي من اهلي يطلعني بس شيطلع اني واكعة بمصيبة مامنهة طلعة .كالة ليش هيج مكلبجهة دا اتشوفهة هي هاي شكول تكلبج افتح الكلبجات .فتحهم حسيت براحة شوي .ديسالني انهاريت من البجي وجان وجهي وملابسي وايديناتي كلهة دم .كالي شوفي الله يحبج اني موجود بنتي بعمرك فوتي غسلي وجهك وايدك واريدج ترتاحين وسولفيلي صار بالتفصيل غسلت وجهي وايدي وباوعت بالمراية هاي تاليتي احلامي وطموحاتي كلها بيوم تدمرت .رجعت كعدت .اي بابا شسمج .أروى فارس محمد العمر ١٥ سنة بعد شهرين اكمل ١٥سنة زين احجيلي بالتفصيل شصار وكت الحادثة وحجيتله من سمعت الصوت ومحاولتي ادافع عن امي لحد مضربتة الظاهر هواي ضربات اني انظربتهم بس محسيت بالوجع ملازم اول علي .خما واحد منكم ضربهة .رد الملازم لاو علي .توني دا اكفخ وصلت انت باوع علي وخزرة يعني انتي دافعتي عن امج عمود لايموتهة ابوج. اي نعم ومبين من التحقيق وشكلك اخذتي كم ضربة يعني حاولتي دفعينة كم مرة .اي سيدي .وابوج جان سكران والي عرفتة جان ياخذ حبوب .بالضبط خلص التحقيق واني ابجي طول الوقت اطمئني بنتي ابوج العر ممات واحمدي ربج هسة بالمستشفى رح يكشفون علي ويعرفون الحالة الي هو بيهة .ملازم علي اكو قضايا بعد .لاسيدي كملي ملف التحقيق هذا وجيبلي بطانيا ولبس ليش سيدي رح تنام هنا .لا .البنية رح تبقى بالغرفة لباجر لمايتحول الملف للقاضي ظل صافن الملازم بوجهة سيدي بس لاتحجي ولا كلمة كمل بلا لغوة لو عرف القائد جان كرمها رادت تخلص ع واحد من العارات للاسف ماكتبلة باوع عليه وكالي رح تبقين الليلة هنا وباجر يشوفك القاضي ماكو احد جاي من اهلهة .لا سيدي .مشوف هي كتلتة ماعدهم زلم بيها خير .طلع من الغرفة تلكا الملازم مصطفى سيدي هذا ابن خالتهايريد يسال عنها .الزيارة ممنوعة لحد ميشوفها القاضي شوفلها محامي زين هسة جاي سيدي .ان شاء الله خير لباجر الله كريم عمري ماانسة هذي الليلة واحد منا جان نام بالسجن لو اني لو ابوية بس ويا السجن جان ماتت امي بس اتذكر طول الوقت شون تلومني لان ضربتة وظليت ابجي للصبح لحد مدخلي الشرطي وكالي ابن خالتك برة ينتظرك والمحامي رح يجي الصبح .
