#حب_وكبرياء
البارت التاسع
بقلم نازك الملائكه
لمن دخل ابوية حسيت بخوفة منة لا حسيت جكد متقززة منة مو عاجبني اشوفة ولااحجي ويا .....انزلي جوا واكلي ويا اخوتك وامك ..كافي صبرت عليج هواي شغلة راحت وانست الكل نسى الة انتي.. راكبة راسج وماخذة موقف .ها ...عالاساس انو الي اني بي سهل اني الي خرب مستقبلي... اني.. الي دمرت بسببك انت.. اني مااعرف شون كادر تحجي.. وياي وكاعد ولاكانو شيئا حدث اني اكرهك.. اكرهك بابا مااريد اشوفك جرني من ايدي ونزلني بالقوة.. هذا مكانك من اليوم فهمتي بنص اخوتك وامك.. وهذا اخر حجي فهمتي جانت امي ساكتة واخوتي هم محجو امي كلتلي كعدي اروى.. كعدي ماما مضجتي.. من الحبسة ..بالبيت راحت عليج السنة...
اروى: .ها .ايي.. حبسة ياريت... اني محبوسة جان حسيت اني بالقليل سويت شي.. .ابوية: اروى كتلج لاتجاوزين وحذرتك...
اروى ياريتك متت.. ياريت . .مجان هذا حالنا ولا انتي فرحانة ارجع ليا مدرسة.. وبنت اخوج مخلت احد مفضحتنا يما ولانسيت الشرطة.. والفضايح.. امي :اروى كعدي ....
اروى:اني صاعدة مااريد اكعد وياكم.. توني اصعد جان يجرني ابوية من شعري.. وضربني راجدي هاي اول مرة يضربني وكعت على الكاع ...وامي صاحت فارس. لا .لاتضربهة
اروى: يلة. اضرب ..اصلا هذا الموضوع صار عندك عادة بس هالمرة شرح تكسر ولا اكللك موتني خلاص.. اني معاد يهمني اني.. بيومهة انكتلت كتل عمري بحياتي ممكتولتة.. كوة امي خلصتني منة.. وجان هذا اول يوم العيد السعيد ...غصبا عنج تكعدين وتحترمين مدرسة ماكو .انتي محتاجة تربية اني مربيتك .وصاح على اخوتي يلة كعدو عاد ...خ نكمل زقنبوت... المفروض انو ابوية تارك الشرب والادمان صار ٥اشهر يشرب عالخفيف جان كل قطعة بجسمي مزوركة ومضروبة جكد جنت اتالم بس منزلت دمعتي ابد . صعدت امي.. وغسلتلي وعقمت جروحي وضفرت شعري.. وكعدت تحجيلي يابنتي .ميصير تحجين ويا ابوج هيج انتي عمرج مجنتي قليلة ادب شجاج .يوم انتي معقولة مو حاسة مو حاسة انو ابوية خلاص شخص منتهي.. ماكو شي مسوى بيج .معقولة كادرة تعيشين ويا بدون متاخذين موقف.. ماما الله يخليج ذيج المرة راد يموتك والة شوي جان... انحبست ومتعرفين شيسوون بنات بعمري هناك نسوان ..شرب ..ادمان حتة شغلة بيتنا غراضنا كلهة... راحت هو شنو لازمتة .بلة .اروى باجر تكبرين وتعرفين كل شي يهون عمود اولادك لاينهانون... ولايتاذون.. نار ابوج ولاجنة العالم ابوج هذا الحايط الي نستند عليه.. شفتي خالك اول يوم ابوج نام مستشفى... كتلني وحبسني.. وطرد اخوج ..مرح يرحمنا ورا الي سوينة بي.. لينتقم منا اسوء انتقام .الله يهدي ابوج هذا الي اتمنا الله.. يصلحة لخاطرنا اروى:سيف موجود....ام اروى:سيف ...هالولد لاامة مو مال مشاكل.. وبهذلة.. وانتي ممنطيته وجه جكد حاول وياج وانتي سادة الباب.. ماكو ولد يتحمل هالسنة اخر سنة الة.. واني سمعت ناوي يخطب بنية ويا يعني اذا جان قبل لخاطرك.. ولخاطر يحبك ..هسة بح .شنو .ماما شتحجين شااحجي خل اشوفك شااحجي طلعت دفتر مذكراتي وشوفتني الرسمة. ماما .اروى.. مااريد انصحك واكلك روحي جازفي وارتبطي بسيف واني اعرف شنو هو.. لاتغلطين غلطتي الدنيا حصرتني.. وخالك حتة مخلاني اكمل ..وجدك الله يرحمة يومية مزوج وشامرنا لهذا جلبت بفارس.. وكلت اي الحمدلله الله عوضوني ابوج مقصر ويانا بس ماكو انسان معصوم من الخطأ .سيف جان واضح وصريح وياج هو مو حاسبك اختة وجان عندة مشاعر اتجاهك وانتي... صديتي ...لا سديتي باب بوجهة وكتيلة... اني حاسبتك اخوية.. وخلص بس اني خايفة لاتندمين بعدين واني شايفتك حابتة .اروى:لااني مااحب احد ولا اريد.. ارتبط بااحد ..طلعي ماما اني اريد انام .اوكي ماشي فكري بكلامي محد رح يخسر غيرك ...ظليت افكر بكلام امي ذكرت اخر مرة شفت سيف اجانة للبيت وحجة وياي اني متعلمة علي
ومتعلمة دائما احضنة وابوسة اخر مرة اعترفلي بمشاعرة الي كالي مااكدر امثل عليج واعتبر كل شي ماكو اروى اني طول عمري... حاسبكم خواتي انتي ..واماني بس صار فترة واني عايش بصراع مو كادر لااصير اخ ..ولاحبيب مو عارف تصرفاتج وياي كلهة تستفزني ماكدر اتحمل لاحظنتك ولابوستك مو كادر اعتبرهة اخوية اريد كلمة منك انتي حاسة نفس الاحاسيس اتجاهي لو اني عايش بوهم مو كادر اطلع منه جنت خايفة ومرتبكة وخايفة خايفة تدور الدائرة وارجع اكرر تاريخ امي وابوية امي وابوية جانو ع طول سوا والناس كلهة تحسدهم بس هسة شبقة منة ماكو شي بقة من هذا الحب .وسيف هو دنيتي كلها اني بدونة لاشي هو سندي وصديقي واخوية ..وحبيبي... لأ مااريد يكون حبيبي واخسرة هو الهوا الي اتنفسه بدونة احس اني زرعة بدون مي .وراها مشفتة ولااجانة ولاني طلعت من البيت ورحت بيت خالتي جان عرس ميادة قريب اني انفصلت عنهم حتى مروة من حملت وجابت ابنهة الاول.مجنت وياها مع انو هي كلتلي اذا جبت بنية رح اسميهة اروى بلكي تطلع ذكية مثلك.ظليت كاعدة طول الليل باوعت ع جنطتي .كتبي .دفتري جنت كاتبة بي اهدافي باوعت على روحي بالمراية وشفت وحدة ميتة بلا روح ذكرت كلمات الظابط من كلي محد يستحق تخسرين حياتك علمودة قررت ارجع للمدرسة ع بداية السنة الجاية...لازم التهي واحاول اصنع نفسي درع احتمي بي من العالم محد يستضعفني ولايكون صاحب فضل علية .بس كتمت بنفسي وبديت صفحة جديدة كتبت عليها البداية .الكل نامو .بقيت اني صاحية جان لازم اخابر سيف اصالحة وابررلة موقفي ... انت كنزي ولااستطيع ان اخسرك احس بالضياع وانت لست حولي اشتاق ..لكن كبريائي يمنعني.. منك استمد قوتي.. بعدك جعلني ضعيفة.. لااقوى على الحراك.. لقد تكسرت اجنحتي ياحبيب القلب .هذا اول اعتراف اعترف به بيني وبين نفسي .ولازم استجمع طاقاتي واكولة سيف اني احبة استجمعت قوتي ودكيت.. عالذتلفون بيت خالتي وكلي امل سيف يجاوبني ظل يدك. يدك.واني مستعدة اكلة.. اني احبك سيف رفع هو السماعة .الو... الو ..منو عالخط.. انكطع صوتي وخفت واخذت نفس عميق .اروى .اروى ويايا خفت وسديت التلفون... مكدرت احجي بس حسيت بكلبي رح يطلع من مكانة لمن كال اسمي....
