اروى كعدت الصبح ولكيت روحي نايمة عالكرسي يو كعدت مكسرة كمت غسلت وبدلت باوعت عالرسمة ورجعت ظميتهة نزلت لكيت امي وابوية كاعدين وديتريكون اكلت لكمتين عالسريع ودا اطلع يلة باي ماما باي بابا لج ماما كعدي كملي اكلج بعد وكت انتظري اختك كتلهة ماما نسيتي اماني ماعدهة دوام عطلت عطلة الاربعين يوم جانت سادس .يا صدك نسيت يلة رايحة مع السلامة تمشيت لبيت خالتي لان ع طريق المدرسة ورجلية ودتني اصلا طلعت من الصبح مااعرف ليش رجلية ودتني فتت لكيت خالة كاعده سلمت عليهة كالتلي ها خالة هلا بيج شعجب مريتي .هااا خالة كتاب الرياضيات مالتي ماكو كلبت الدنيا ماكو كلت اكيد نسيتة يمكم عاد خالتي صاحت مروة .مروة .ها يوم شوفي كتاب اروى يمج جتي دور علي. هسة اشوف
سيف:من سمعت امي تكول اروى يمنا دك كلبي بسرعة حتة استحيت اطلع وهي موجودة مسحت وجهي واخذت نفس يلة سيف انزل لاتخلي هاي الزعطوطة تهزك ونزلت. اروى : رح اروح خالة عود من ارجع هم ادور بلكي الكي يلة مع السلامة متكعدين تتريكين.لاوالله خالة متريكة سمعت صوت هورن .يا هذا مصطفى صديق سيف اجة . يمة سيف مصطفى بالباب. مدري ليش سيف تاخر يلة خالة مع السلامة دانتظري مروة وطلعو .خالة تعرفين اروى متعوف المخدة لااخر لحظة الحك اوصل واكعد اراجع دا اطلع جان سيف يصيحني اروى ..انداريت هلو سيف صباح الخير .انتظري اروى خل نوصلج بطريقنا لاتروحين وحدك .والله ماكو داعي امشي رجلي احسن سيف ملكيت الميدالية مالتي ها ...ميداليتج حطيت ايدي بجيبي دا اطيهيا ورجعت ظميتهة لا ملكيتهة من ارجع ورا الامتحانات اسوي تعزيلة غرفتي بلكي الكاهةورا الامتحانات مرح ترجع اليوم يعني .لا رح ابقة يم الولد لما تخلص الامتحانات نقرا سوا .محتاجة شي لا ممحتاجة بس مو من عوايدك انت مترتاح الة بيتكم .موبلة يمة اكله انت متعرف تنام برة سكتت وكتلهم سبحان الي يغير وميتغير امشي يلة يمعودة امشي رح نتاخر .مروة كالت انتظروني هسة ابدل واجيكم.سيف:لاحبيبتي روحي كملي نو متك تاخرنا طلعنا اني وسيف ومصطفى صفن بية البارحة جان ليل ومشفتهة جكد كبرانة البارحة جانت كطمة لاوهي وسيف نفس الطول صعدنا بالسيارة السلام مصطفى هلو باابو خنجر صعدت هلو عمو .ضرب ع وجهة هم كالت عمو ابوس ايدك من تكولين عمو احس القطار فاتني.ضحك سيف ديلة يلة وصلها للمدرسة وخل نروح وصلناها للمدرسة .سيف دير بالك ع روحك توصل وترجع بالسلامة .باي.وكف كلبي وهي توصيني ع روحي تعبت والله هاليومين لو تعرفين اني هاج بس عمود لااشوفج.نط مصطفى واني ماكو احد يكلي دير بالك ع روحك حتى الحجية الله يسلمها نايمة سابع نومة الفقير الة الله .اطلع اطلع يلة خ نوصل ظليت اباوع بالمراية الجانبية عليهة لما دخلت وابتعدت السيارة شوي شوي حسيت كلبي خلص نسيتة وبقيتة يمهة مو كادر اشيلهة من بالي ولاانسة لمستها ركبتي حطيت ايدي بجيبي وظليت اتلمس ميداليتهة وجانت بالراديو اغنية يالعزيز لكاظم الساهر شون اودعك يالعزيز وبيدي احجز للسفر شون اودعك اضحك بوجهك كذب واني كاتلني القهر شون اودعك ظليت صافن عالاغنية ومصطفى يردد وراها خربت الاغنية يمعود مصطفى متسكت.ديلة شدعوة يعني لاعندي احد يسال عني ولاحب اصفن بي ماكو شي يتغير بية بس كرشي مرت ايام وبلشت امتحانااتنا والتهينا بيها وملاك وين مااروح ويايا وياي .حسيت البنية حبتني كلت فرصة اهرب من اروى والتهي بملاك عالاقل بعمري مو اروى بعدها صغيره علة هالسوالف وكمنا نكعد ونكوم سوا وجانت حتة اسئلة تحصل لان ابوهة عضو جبير وعسكري بالحرس الجمهوري بقينا سوا وصدك بديت احس اني نسيت اروى واعتبرت مشاعري تجاهة مجرد اعجاب لااكثر وركزت باامتحاناتي ويومية اخابر اهلي واطمن عليهم بيوم دا احجي وسمعت مروة تكول ها اروى جيتي لج شون صارت ايدج هسة راسا كتلهة امي شبيهة اروى خطية وكعت بالحمام وانكسرت ايدهة سودة علية وجبروهة جتي يم مروة رح تكمل هنا يلة تعرف مروة متقرا اله اذا احد فوك راسهة.ماعرف ليش ماقتنعت بحجيهة صوجي عفتهم وجيت وهسة اروى شون دتمتحن ؟ والله دتكتب باايدهة اليسرى وكوة متريد تاجل امتحانات .يلة يوم ان شاء الله اخلص وارجع بااذن الله اروى تعاي سيف يريدك سمعت امي صيح اروى .اروى :لمن خالتي صاحتني سيف يريدك مااعرف ليش ارتبكت هاا سيف يريدني يلة خالة اروح اني تعبت من الوكفة .
سيف: لما امي اطتني اروى خفت .خفت لاترجع ذيج المشاعر الي هربت منهةحطيت السماعة ع قلبي ورجعت رفعته .الو .الو سيف .الو هلو اروى حمدالله ع سلامتك شنو انتي والله محسودة مشفتي العافيةهذا الشهر .حسيت بغصة من سمعت صوت سيف وبدون وعي كتلة شوكت ترجع سيف .اروى شبيج مابية هيش دا اسال حسيت صوتهة تعبان مو على بعضة وظليت الوم روحي لان مبقيت سيف اني رح اروح دير بالك ع روحك باجر عندي اجتماعيات تعرف جكد اكرهة .يلة شدي حيلج انتي وحدة سبعة حبيبتي نونة اني بقالي يومين واخلص ان شاء الله اطلعكم نغير جو باي. باي سيف : سدت التلفون وبقيت حاير مو على بعضها قبل يومين حسيت بوجع وضيق واول مسمعت صوتهة حسيت براحة ممزوجة بخوف وقلق عليهة بس هي حيل قوية ابد متبين ضعفهة كدام احد .اروى :حسيت روحي ضعيفة بدون سند سيف هو سندي بالحياة كل مااحس الحياة تقسى الكى يمي عمرة مااتخلى عني شيخلص هذا الوقت ونرجع نلتم..
مر كم يوم واني كاعد على اعصابي حتة امتحاناتي كوة خلصت ملاك هم لاحظت .سيف شبيك شو مو على بعضك شكو خيرك جاوبتها لاسلامتك والله شوي مشاكل بالبيت عافت كتبهة وجتي كعدت يمي سيف شبيك حبي شو احس اني دا الح عليك وانت مو يمي عقلك بغير مكان اذا اكو شي كلي والسنة خالصة مطلبت منك اي شي بس حبك الي حاسستك مجبور تكعد وتسولف وياي ترة مذابة روحي عليك سيف .شلت محاضراتي ودا اعوفة لزم ايدي وكالي ملاك ابقي لاتروحين صدك محتاج احد وياي تعبان ومضايق حيل واريد احجيمو كادر خلص اعتبرني صندوق اسرارك ومن اليوم اريد شرح تفصيلي عن حياتك وكل الي حواليك .ملاك:مجنت منتظرة من سيف اي وعود حبة كافي بالنسبة الي اعرف ابوية متعصب لو اموت مرح يقبل ازوج سيف بس الحب واحكامة هي سنتين وكل واحد يصير بمكان وخل اكضيهة هيج بلكت رب العالمين اذا كاتبلي اتزوج سيف طموح وحسب معرفت بيت جدة ناس عشاير واصحاب املاك ومعروفين بلكي يقبل ابوية صدك بلش يحجيلي كالت ارو ى وحجو بيت خالتي مليت من السيرة مرة من المرات طكيتهة بوجهة.اكلك سيف حياتك ليش متركزة بيت خالتك احس عايش انت وياهم طول الحجي اروى واروى اريد اشوفهة هالاروى شونهة خابصة الدنيا هيج لو مااعرفك اكول تحبها..اكول تحبها حسيت رنة بااذني صارت وظليت صافن ملاك وينها وين المشاكل اكبر همهة اذا مشترت ملابس جديدة لو فوتتلهة سفرة جنت ناوي انسحب بس تخلص السنة هي لاتناسبني ولاتناسب اهلي عبالهة طاكين مثل اهلهة خلصت الامتحانات ولميت غراضي ورجعت للبيت ويا مصطفى جانت طالعة اغنية راجعين طول الطريق سطرني مصطفى بصوتة الحلو ويضحك ويمسح عركة بلة شايفلك هيج سايق ومغني وواضحكك وصاير شادي فدوة الااروحلك متكلي وجه التنك انت .بلة اروى شااخبارهة . ها مصطفى بديت تصخن شو اروى شكو تسال خير اخذتني شاطي باطي جلدك يحكك .اهههههوووو ابتلينا نسالك ارتاح شكم يوم واريد امرلك لو تمرلي ونحجي .سيف : بداخلي كلت هو لح على اروى وهو يدور مرة خلص حط عليه خط وصلت للبيت وسلمت على اهلي كتلهة لاامي رح اروح انام كعدوني عالعشا .وصلنا قريب العصر فتت غرفتينزعت هدومي وخليت الميدالية واباوع عليهة ظليت اتكلب مكدرت انام كمت بدلت ودا اطلع امي كالتلي ها يوم وين رايح .سيف:رح اروح بيت خالتي مكدرت انام كالتلي وين تعال خالتك راحت بيت جدك .بيت جدي!شعجب وليش والله مااعرف ياسيف حتة مكلتلي بس من خابرت بيت جدك بيبيتك سالتني شبيهة واني كتلهة مااعرف وكعدت تشتم ع فارس واروى .شو اروى ليش شبيهة اروى تحجي عليهة تكول مبوزة من يوم الاجت ومتاكل الا تتوسل امهة بيهةكتلهة خاف مكملة سكتت وفرت باايديهة وغمت مروة اروى طلعت الاولى ع المدرسة ياهو يشوفني يباركلي تكول بنتي يلةالكرعة تتباهى بشعر اختهة تعرف سيف مفكرة اروح اريد افتهم شنو السالفة .سيف : يلة تروحين هسة سيف من كل عقلك خل اكول لاابوك وروح حاضر يوم شفت ميادة صاحتني كلتلي ها ابو السوف تعال خل اسولفلك سالوفة مهمة كتلهة شكو كالتلي اروى شبيهة اروىكالتلي اروى متعاركة وبا ابوهها ودافعها عالدرج ومكسورة المكرودة زين ليش شنو ليش ليش ضربهة مو هسة دا احجيلك الظاهر فارس شارب لج شو لغيت الالقاب والله انيهذا حجي سمعتة مااعرف بعد تعرف بيت خالتك ميريدون احد يتشمت بيهم .وانتي هسة مشمته بيت خالتك عيب عليك ياما كضينا وياهم الحلوة والمرة ...
يتبع
