لهون انتهينا

طلاق

وصلو عل بيت اهلو وكانو كلهم مجتمعين رافي.. ورويدة.. وعمة ورد الكبيرة وابو ورد وام ورد..
دخلت رين بابتسامة بيحبها الكل.. وقربت اول الشي من عمها وباست ايدو وراسو.. وبعدها خالتها ولما وصلت لعند لعمة.. لتسلم عليها قالت بنشاف: لا تسلمي علي انا متوضية..
انزعجت رين بس ما حكت.. وسلمت عل رافي ورويدة وبنت العمة.. رقية..
قعدو عل الفطور وقال ابو زوجها بلهجة عملية : متل ما بتعرفو كلكم رافي عل وش زواج هلق.. وما ضل شي لعرسو.. وانا بدي من الكل انو يكون في ابهى حلاتو.. من بناتي رويدة ورين لزوجتي.. وبدي كلشي يكون تمام.. وانا متاكد انو العروس اللي رح تدخل بيتنا رح تكون متل اختها بنت راقية واسلوبها حلو..ابتسمت رين..بس اختفت ابتسامتها وقت قالت العمة بحقد اسود : بس ما تكون عقيم متل اختها..
رفعو الكل روسهم وتطلعو بلعمة.. والكل متفاجئ.. لحد ما قالت ام ورد : شو هل كلام يا نازلي.. رين مو عقيم.. الله ما راد انو يجيبو ولاد هلق..
العمة اصرت : لا هي عقيم طالما ما في مشكلة معناها المشكلة منها..
ورد : لا عمتي لو سمحتي انتي هيك عم تهينيني.. وانا ما بقبل الاهانة.. اصلا انا ما بدي ولاد ولو كان بدي اذا مو من رين انا ما بدي ياهم..
العمة : اي اي ضل احكي هاد الحكي... بكرا لما يصير عمرك 60 وما يكون في حوليك ولد يونس وحدتك يبقا لا تحب اولاد..
ورد وقف : انا ما رح اقبل الاهانة..
وقفت العمة وصرخت: انا ما بعرف كيف هل متطفلة دخلت بيتنا.. هلق بكل هدوء عم تدخلو وحدة تانية.. انتو ناوييين انو اسم اخي يختفي.. ؟؟
وهون رين ما عاد تتحمل.. قامت من عل سفرة ومشيت للباب بسرعة بس وقفت لانو سمعت صوت عمها عم يقول: رين.. ممكن ترجعي عل الطاولة.. ؟؟
زمت شفايفها بقهر وكبتت دموعا بلقوة والتفتت وابتسمت : عمي انا.. عندي مشوار..
العم : ارجعي عل الطاولة..
ورد : بابا
اشرلو انو اسكت..
رجعت رين وقعدت جنب عمها اللي قال بدون ما يتطلع بحدا : انا ما حدا جبرني ازوج ولادي من هي الاسرة.. انا بارادتي.. اخترت ويا زين ما اخترت الله بيشهد باخلاقهم العالية والراقية.. وهنن دخلو بيتي بارادتي..واللي مو عاجبينو ينقلع برا بيتي للابد.
العمة : عم تقلعني يا اخي.. ؟؟
العم : لما تعرفي تحكي بلاصول هداك الوقت منحكي معك باصول بس طالما عم تحكي بجهل فانتي وحدة جاهلة..
تركت العمة السغرة وطلعت علغرفتها.. وهي مقهورة.. وطلعت وراها بنتها رقية السنوة.. وهي كمان عم تطلع برين بحقد.. اما العم اول ما طلعت قال : كملو اكل..
رين ايديها كانو بحضنها وحس بملمس ايدين ورد لما مسكهم و طلعت فيه وكان عم يبتسملها اتصنعت الابتسام واكلت وبعد ما خلصو قعدو يشربو شاي وهم عم يخططو شو لازم يعملو.
ورد عندو شركة معمارية للبناء.. توارثها عن ابوه اللي تقاعد... وعندو تلات ولاد.. اكبرهم ورد 30 سنة شخص راقي بتعاملو مع الكل.. واللي حل البنت الليوكانت من نفس مستواه بكل شي.. وبعدو اخوه رافي27 اللي قضا قصة حب حلوة استمرت لخمس سنين ورح تتوج بلزواج.. وبعدو بتجي.. رويدة الاخت الصغيرة اللي لسا عم تدرس جامعة 21 ومعجبة كتير بشخصية مرت اخوها ورد.. وبتزعل لزعلها وبتفرح لفرحها.. وهنن عائلة راقية بكل ما للكلمة من معنى... بعد حوالي الساعة.. طلعو ورد ورين.. وحرك ورد عل مدينة الالعاب.. استغربت رين وكانت بدها تعترض بس ابتسامتو شرحتلها كلشي.. وقررت تنزل بدون اعتراض.. صارو يتمشو اشترو بوظة واكلوها وتفرجو عل الالعاب.. وتنيناتهم ساكتين.. لانو رودي ونظراتها. اللي بتحرق القلب وهي عم تشوف الولاد.. عميقة وزعلانة عل ورد وعلحالها وعل عمها.. وعل كلشي.. وورد بدورو حس فيها بس هلص لهون وبس كان مشتهي بهديماللحظة يختفي من شن يزيح هل حمل عل كتافو ومشي للسياوة بدونوما يحيك معها... وصلها عل البيت ووانتظرها لتنزل اطلعت فيه باستغراب شافت فكو مشدود قالت : شو ما رح انزل..؟؟
ورد : لا عندي مشوار...
نزلت بصمت وشافتو وهو عم يبعد واجاها احساس كتير صعب انو هي اخر مرة رح يحكو عادي.
طلعت عل اليت ورتبت الجو وعملت كاسة شاي وفتحت رواية لتقراها..
اما هو وصل للكازينو وشاف رفقاتو من بعيد عم يصرخو.. وصل لعندهم وطلب تيكيلا..
علي : اوف اوف اوف تيكيلا شو صاير. معك.. ؟؟
ورد : ما في شي..
علي : بس وجهك ما بيتفسر.
صرخ: ما في شي.؟؟
وصلت لتيكيلا وصار يشرب ويشرب ويشرب.. ورفقاتو يتطلعو فيه باستغراب.. لحد ما صارت الساعة 3 الفجر.. تطلعت رين بلساعة وشافتو لسا ما اجا.. قامت لتدخل تنام... بس صوت نوبايلها منعها... مسكت الموبايل وشافت اسمو فتحتو بسرعة وقالت: ورد وينك انت له..
قاطعها صوت عير صوتو : امم انا بعتذر بس زوجك يا مدام سكران كتير..ونحن رح نسكر المحل وهو لحالو ففي مجال تجي تاخديه.. ؟؟
رين : اي اكيد شو العنوان..؟