لهون انتهينا

تسارع

طلعت من غرفتها وهي لابسة فستان ازرق لطيف.. واصل لتحت ركبتها بشوي.. وشعرها عملتو بشكل كعكة مهملة.. وما حطت ولا شي عل وجهها. والبست قناع البرود والعبوس... وهي عم تطلع بلارض...
ومو عاجبها كل الوضع
كونها مطلوبة من شخص تاني غير علي..
ما عجبها ابدا..كانت عل وشك انو تبكي..

....:كيفك..؟
تجمد الدم بعروقها حرفيا...
رفعت راسها.. وشافتو... حست كانو جسمها كلو سقع.. حست بلبرودة من كل اطرافها..اصابعها. .ايديها. تطلعت بأمها وورجعت تطلعت فيه... حست الدموع وصلو لعيونها بس كبتتهم بقوة... وتطلعت فيه كان عم يبتسم بدفا...وفجأة راح البرود منها وحل شعور رائع ..
هو هلق ببيتها.
نسيت كل الشغلات اللي كانت واقفة عائق..
قربت جنب امها وقعدت..
تطلعت فيها امها وقالت : ردي عل شب..
والتفتت عل امها وكانو هلق عم تكتشف انو هي موجود : هاااا..
رجع عاد عليها : كيفك..؟؟
اتطلعت فيه وابتسمت : الحمدلله.. وانت؟؟
علي بابتسامة ما اختفت عن وجهو : هلق صرت تمام..
حل الصمت لثواني.. لحتى قطعو علي وهو عم يوقف : اووو نسيت قدملك هدول..
وعطاها بوكيه ورد احمر... رايحتو كانت رائعة..
ابتسمت اكتر وهي عم تقول : شكرا..
الام قالت : رح خليكم تتعرفو.. ورح اعمل فنجان قهوة...
وراحت...
هي ما تجرأت ترفع عيونها..وتطلع فيه...
اما هو ما قدر يشيل عيونو عنها..
علي بابتسامة : رح تكتشفي بعد شوي انو الارض مسطحة..ولا شو؟؟ انا هون...
ضحكت وحمر وجهها من الاحراج.: شو.... قصدي ليش اجيت؟
علي : امك قالتلك ليش جيت
زينة تطلعت فيه وقالت: اي قالتلي..
علي بنبرة عتب : ليش كذبتي. ؟؟
تطلعت فيه بصدمة : ما كذبت.. بشو بدي اكذب.. ؟؟
علي : قلتيلي انك مخطوبة... واضح انك معجبة فيني متل ما انا معجب. فيكي... ليش عم تصديني.؟
زينة : لا ما عم صدك..
قاطعها: لكن شو هاد اللي عملتيه..؟؟
زينة سكتت وتطلعت فبه وكانو عم تترجاه انو ما يسألها..
بس هو قام من مكانو وقرب وقعد جنبها عل نفس الكنبة.. وانحنى بحيث يقدر يشوف ملامحها منيح..
علي بحنية وصوت لطيف : انا ما عم العب.. ولا بدي اتسلا... عمري 30 بتتوقعي شب بهاد العمر لسا معو وقت يتسلا... انا بحبك..وبدي اتزوجك.. بتقبلي تتزوجيني. .؟؟
زينة تطلعت فيه وعبست : انا بعتذر...
علي رفع حواجبو بصدمة.. : عفوا؟؟
زينة بدون ما تطلع فيه : ما ني موافقة.. بعتذر.
علي العصبي.. مسح وجهو بكف ايدو بقلة صبر. وقال بصوت باين عليه العصبية : ليش؟؟؟ شو في؟؟
زينة : شي خاص ما رح قلك عليه..
علي : طيب السبب مني ولا منك.. ؟؟
جاوبت بسرعة : لا مني..
علي بصبر :بينحل.. كلشي بينحل...
زينة : ما رح تفهمني.. وحتى لو فهمنتي رح تضلك مصر اني غلط...
علي : طيب قولي شو السبب لقلك اذا قابل للحل والتفهم او لا...
التفتت عل طرف التاني.. وبددت كل امال علي.. والوضع الحالمي اللي كانو فيه.. : ما بقدر..
عصب بقوة منها وقال : معلش يا زينة...
ووقف ليروح... بس الام طلع من لمطبخ وهي حاملة صينية القهوة وقالت : ولو ابني.. ما شربت القهوة...
علي : يسلم ايديكي خالتي.. غير مرة ان شاءالله...
وتطلع بزينة نظرة اخيرة وراح...
قربت امها : شو صار... ؟؟
وهو زينة انفجرت بالبكا بدون ما تحكي ولا كلمة.. طلعت رفيقتها وردة وقالتلها : شو في. ؟؟ شو صار..؟؟
اما زينة قررت ما تحكي لحدا لان رح يلوموها ويعاتبوها ويعتبروها مجنونة..