لهون انتهينا

لا عاد تطلع بوجهي .

وصلها علي عل البيت وانتظرها لتدخل..
تمتم الاب بحزن: بتحرق قلبي مع كل تنهيدة
الام بحقد : كل الحق عل ورد.. هو السبب بلي هي فيه..
الاب : الرجال ما الو علاقة
الام: كيف ما الو علاقة؟؟
الاب: هي اللي اختارت..
الام: قصدك هو اللي جبرها انو تختار. .
علي : لو سمحتو.. ممكن تاجلو الحديث بهاد الموضوع هلق.؟؟
سكتو تنينهم بانزعاج..
اما رين دخلت عل البيت.. وسكرت الباب.. واستندت عليه.. ورمت المفاتيح عل اي مكان... تذكرت ضحكتو.. ومر ببالها طيفو.. رمت شنتايتها... وشلحت لبسها وهي عم تتجه للحمام... عملت سبا سريع.. وطلعت.. لبست بيجامتها... وقعدت مسكت اللاب وحطتو بحضنها وفتحتو شافت انو جاييها رسايل... بس اهم رسالة كانت من شركة الديكور اللي راسلتها..
ابتسمت وهي عم تشوف القبول لطلب العمل...

تاني يوم صحيت بكير ولبست تنورة سودا ضيقة ولبست فوقها بلوزة شيفون باكمام فضفلضة وزم عند المعصم.. عملت شعرعا تسريحة راقية وهي عم تحط اللمسات الاخيرة رن تلفونها. شافنت اسم علي ردت: هلا علي..
علي : خالصة انتي انا جاية لعندك..
استغربت : اوك انا جاهزة عم بنتظرك. .
اخدت جاكيتها الطويل ولبستو وهي عم تحس انو اوجاعها صارت تخف.. الدنيا مو عتمة وظلام بلاه متل ما كانت متخيلة.. هممم يمكن هو كمان هيك عم بيحس..
سمعت صوت سيارة لبست كعب اسود ونزلت.. طلعت يلسيارة واخوها كان مو مبسوط كتير..
باين انو متضايق من شي..
بعد السلام ريم: علي اش صاير معك..
علي وهو عم بشغل السيارة ولا شي...
رين هزت براسها: اي اي واضح انو ما فيك شي.. احكيلي علي. ولو انا رين..
علي : رين حبابة مو هلق.. بعدين انا هلق عل نكش رح اتقاتل مع خلق الله..
رين لفت جسمها للامام باستسلام: طيب بس رح تحكي بعدين..
علي : اوك..
بعد دقايق وصلو عل بيت اهل ورد..
دخلت رين وعلي شافو الكل هنك.
اما وابوا وريما ورافي ورويدا ورقية والعمة وورد واكيد خطيبتو...
دخلت واصفر وجهها لما وقعت عينها عليه... بس اتصنعت الابتسام والهدوء وكان واضح انو هي ولا همها..
سلمت عل عمها ومرت عمها..قعدو يتحادثو شوي وحكتلن عن مشاريعها الجديدة.. وشجعوها بقوة.. خطيبة ورد اللي ما بتعرف انو ورد كان متزوجها..غارت من اهتمامهم فيها.. واما ورد كانت عيونو عل لارض بس عقلو وقلبو وسمعو ولهفتو كلها موجهة لالها عم يتابع اخبارها عم يحاول يعرف كيف هي من نبرة صوتها.. وحس كانو رين تخطتو وما عاد تحس بشي تجاهو مما ضايقو كتييييييير.. مع انو ورد كان فرحان اول ما تركو بس هلق حس كانو انقلب السحر عل الساحر وكانو بدو ياها.. هو احق من كل الناس فيها احق من ابوه وامو انو يسالوها عن احوالها ما حدا بيحقلو يحكي معها غيرو... تنهد بحزن بعد ما تذكر انو ما عاد الو اي سلطة عليها.. وتطلع فيها لا اراديا وشرد للحظات.. حست خلالها رين انو عم يتطلع عليها التفتت لناحيتو لثانية وحدة واشاحت بوجهها عنو.. التفت لامامو بحزن وتطلع بلشخص اللي قاعد مقابيلو.. شاف علي.. حاطط اصابعو عل شفايفو وعم يتطلع فيه..
حمر ورد من الخجل... وحس كانو شخص غريب مو موجود..
بلشو الخدم يحطو الاكل عل السفرة.. ووقف الاب عم رين وقال : يلا يا جماعة عل ااسفرة..
قامو كلن عل السفرة وقعدو.. وصدفت انو ورد ورين قعدو جنب بعض..
لانو خطيبتو رح تقعد مقابيلو..
بلشو اكل بصمت لحتى قال رافي : يا جماعة انا كتير مبسوط لانو كل عائلتي اجتمعت حولي..
قالت العمة بسمية : مشكلتكم يا ولاد اخوي... ما بتعرفو تختارو العيلة..
رافي رفع حاجب وقال : اسفين لانو اختيار من عند الله انو جيتي انتي عمتي..ضحك الكل الا هي وبنتها حمرو من العصبية..
وما عرفت رقية كيف بدها ترجع مي وجه امها.. سكتت بس كامدة عل فساد وحالفة انو لتخرب عليهن..
مدت رين ايدها لتاخد خبزة بس ورد بدون ما ينتبه حط ايدو عل ايدها..
رين سحبت ايدها بسرعة وقالت : انا بعتذر
ورد سكتت ومد ايدو واخد خبزة وقال بصوت مو مسموع بسبب صوات الكل.. : كيفك؟؟
رين التفتت عليه: انا منيحة.. وحضرتك؟؟
شد عل ايدو بقوة وعصب بشدة.. وهز راسو وما عااد حكا معها...
حكو الكل واكيد الجو ما كان بيخلا من المرح.. وشوية توتر بسبب علاقة ورد ورين.. والعمة مع العيلة كلها..
بعد السفرة اعتذرت رين لتقوم وتعدل مكياجها لانو بدها تروح عل شغلها لجديد.. مشيت بلممر الضيق اللي بيودي للحمام.. واول ما وصلت عل باب الحمام..حست حدا عم يدفشا بقوة للحمام.. التفتت لتشوف ورد.. دخل وراها وسكر الباب وقفلو..
رين بحدة : شو عم تعمل..؟؟
ورد : لازم نحكي..
رين : سيد ورد لو سمحت... هاد اللي عم تعملو ما بيجوز..
ورد بعصبية وصراخ: سكتي.. لا تحكي ابدا..
رين رفعت حاجب.. : ممكن اعرف السبب.؟؟
ورد : ليش عم تعامليني برسمية وكانو ما كنا ولا كان في شي بينا...
رين : عل ما اعتقد انو حضرتك هلق خاطب. اكيد ما رح اتعامل معك بصداقة ولا رح اسمح لنفسي انو افكر..
ورد ضرب برجلو لارض : رين دخيل الله لا تحاكيني هيك.. انتي كنتي مرتي..
رين بعصبية : اي كنت وهلق لا.. لا تستفزني وتخلي شي ما شفتو مني من قبل يطلع.. ترا اخوي هون.. بخليه يعلمك شلون تحكي مع بنت ممنوع انو تحاكيها.. ورد دار حول نفسو بغضب وضحك ضحكة سخرية وفتح ايديه بلهوا: اي انتي كنتي تهدديني باخوكي دايما.. انا ما عاد خاف من حدا.. وبدك تقوليلو يلا يلا
خليه يقرب لاخليكي تتربي انتي اخوكي..
قربت رين من الباب بس هو شدها من كتافها لورا.. رين بغضب : افتح الباب لو سمحت..
ورد : رين سمعيني..
رين بصراخ: افتحو لاصرخ والم البيت كلو عليك..
ورد بحزن : نسيتيني.. ؟؟
حمر وجهها وتشكلت طبقة دموع عل عيونها وضعف صوتها بس رفعت راسها وللست قناع الجمود وقالت: افتحلي الباب..
ورد قرب منها وحط ايديه عل كتافها وقال : رين.. انا ورد.. معقول نسيتيني.. ؟؟
رين : ما بيصير اللي عم تعملو..
ورد : رين.. رح تتجوزي شي.. رح تتجوزي مهند..؟؟
رفعت راسها عند اسم مهند.. بس هو كمل : لا تتجوزي من حدا..
قرب منها وبهدوء كبييير: انا لسا.. بح...
هون رين نفضت ايديها ودفشتو من صدرو ورفعت ايدها وضربتو كف فتل راسو منو... وقالت بصوت غضب وحقد : انت ما دخلك بحياتي.. انا وقت بقرر ارتبط.. لا انت ولا مية متلك رح يوقفوني.. متل ما انت شفت حياتك انا كمان رح شوف حياتي.. ومن شان اريحك.. انا نسيتك من لحظة اللي انفصلنا... فانت كمان انساني ولا عاد تطلع بوجهي.. احسن ما تشوف مني شي مومنيح..
وفتحت الباب وطلعت..
دخلت عل الصالون وهدت نفسها ورجعت شعرها لورا.. وقالت.. : انا بعتذر يا جماعة بس عندي شغل ان شاءالله جازة الدهر ودايما اشوفكم بلافراح...
مرت عمها: هدي راحتك حبيبتي بس زورينا ها..
رين بابتسامة لطيف : ان شاءالله
وطلعت من البيت وجواها ملخبط وفوضى.. ساقت سيارة اخوها لعند الشغل.. وفرحت لما عطوها مركز مرتب.. يعني بتقدر تعيل نفسها وتبني حياة حلوة..
بعد الشغل دقت لعلي من شان يجي ياخد سيارتو...
ولما اجا عزمتو ل فنجان قهوة ببيتها..
رين : اهلين فيك علي..
علي : هلا..
رين : ما في طلعة من بيتي لتقلي شو صاير معك..
علي : خلص رين مو وقتو...
رين : لووقتو ونص..
علي : رين انا.. ما بعرف شو عم بيصرلي. حاسس انو انا مغروم..
رين حطت ايديها عل تمها بابتسامة.. : عنجد؟؟ احكيلي كلشي..