لهون انتهينا

انولدنا من الرماد

بعد مرور حوالي الشهر...
فتحت ريما باب بيتهم القديم.. اووو شقد صرلا مو جاية عليه.. بس الجيران اتصلو فيها وقالو انو. في حدا عم يشغل الاضواء فكرو حرامي اجت تشوف شو الوضع..
اوف شافت البيت مدوكر....
دخلت عل المطبخ شافت جاكيت اختها رين.. اوووو معنها رين هون.. ركضت عل الدرج لتشوف اذا اختها فوق... بس اتفاجأت وقت شافتها نايمة عل الدرج...
قربت لعندها وصوت كعبها عم يطرق عل الارضية الخشب..
ضربت اختها عل خدودها عل خفيف : رين رين... اصحي رين..
فتحت رين عيونها تطلعت باختها وقالت : انتي ش جابك.؟؟
ريما زمت شفايفها بقلث حيلة : قومي قومي.. اشوفك ما كنت بعرف انك هون..
صحصحت رين وقعدت عل الدرج وراسها بين ايديها...
نزلت ريما عل الصالون شافت الشيبس ملي الدنيا.. علب النوتيلا الفارغة.. وقناني بيرة عل الارض.. والمطبخ كاننت حالتو حالة.. رجعت لتحت الدرج وقالت: رين انا رايحة شوي وجاي اوك؟؟ لا تروحي..
رمت نفسها رين مرة تانية عل الدرج؛ اوك..
راحت ريما لمدة ربع ساعة ورجعت ومعها غراض شوربة.. شلحت جاكيتها ورمت شنتايتها وعملت شوربة... اما رين كانت فتحت كيس شيبس وبلشت فيه..
جابت ريما الشوربة واجت شافت اختها عم تقلب بلتي في وعم تاكل شيبس

حطت الشوربة امامها واخدت كيس الشيبس.. تذمرت رين : هاتييييي
ريما: خلص رين شو هاد اللي عم تعمليه؟؟
رين: ما دخلك انتي
رينا: لا دخلني انتي عم تموتي وانا ما دخلني
رين صرخت: ممكن تتركوني بحالي.. خلص انا بعدت عنكن بعدو انتو عني..
ريماصمتت لفترة وقالت: لا ما رح اتركك رين حرام اللي عم تعملي بحالك حرام.. ما بيجوز الله بيعاقبك..
رين صمتت وما ردت..
قربت ريما الشوربة. وقالت: شربيها لتصحصي فيك كم كلمة بدي احكيهم معك...

اما ورد اللي قضا الشهر هاد بلرقص والشرب والنسوان.. وكل مرة يتفاجأ انو هو بس كان عم يبكي بليل وما عم يلمس النسوان مهما كانو مثيرات او مغريات..
كان قاعد عل مكتبو وحاطط ايديه عل راسو.. وما عم يحكي مع حدا.. هاد الشهر اللي قضا لحالو اكتشف كتير شغلات.. انو هو بلعادة لما كان يتقل بلشرب كانت رين هي اللي تجيبو من البارات..وانو بيتو صاير فوضى هي كانت مسيطرة عل كلشي.. الاكل اللي كان ياكله من تحت ايديها كان غير... لدرجة ما عم يقدر يتقبل اكل امو او المطاعم..
رافي ضرب عل الطاولة : هيييي... وينك..
رمح ورد : رعبتني؟؟
رافي : الي عشر دقايق داخل وما حسيت حضرتك والله..
ورد : سوري كنت شارد شوي
رافي : اممم.. طيب شلونك؟؟؟
ورد : متل ما انا ما تغيرت..
رافي : حلو..
وصار يلعب بلاقلام امامو..
ورد : شو في؟؟ يلا من الاخير.
ضحك رافي : الصراحة ..من الاخير انا بدي اتجوز..
ورد : اي تجوز مين ماسكك.. ؟؟
رافي : انا الصراحة اجلت موعد زواجي لمدة كرمال اللي صار
ورد : ليش اجلت ما حدا قلك تاجل
رافي : هلق انا عم قلك اني قدرت مشاعرك..وانت عم تتمسخر..
ورد ضحك: طيب يا ابو المشاعر.. اش المطلوب؟؟
رافي : انا قربت موعد زواجي صار بدو شهر..
ورد : اووو ياعين اي خلص
رافي : عنجد..
ورد : اي.
رافي : واخيرا يا رب..
ضحك ورد..
رافي صارت تعابير وجهو جدية وقال بصوت بلفعل جدي : ورد في شي تاني؟؟
ورد : شو؟؟
رافي : رجع علي