حقد الاخوان

الجزء 9

#قصة_حقد_الاخوان#
#للكاتبة_فردوس عبد اللطيف#
#جزء 8#
عذرونى على التاخير هم عندى التزامات ..
بديت افكر بحجى امى ومن اذكر بنيتى بالكماط واشلون عفتهه اكرة نفسي واكرة عادل واكرة الدنيا ... بس كلام امى منطقى ماطول عمى ومرته موجودين يعنى ما كو عادل ومثل ماهو تزوج وشاف حياته انى هم على عنادة الا اقبل وشيصير خلى يصير اشو الولد بالمناسبه اسمه محمد وخريج وحالتهم الماديه زينه اخاف اضيع هالفرصه وما الكى احسن منه خلى اقبل والله كريم
ورة شهر يالى وافقنه وفرح محمد واهلة واجو جايبين النيشان يلبسنى اياه وكنت رايحه للصالون ومسويه تسريحه ومكياج ولابسه فستان احمر
عادل وعماد اخوى يلتقون دايما خارج البيت مثل ما كتلكم هما تربو سوا ومعليهم بحقد ابهاتنه عماد كايله لعادل على الخطوبه
عادل ما تحمل رايح شارب لحد ما داخ كلش واجانه للبيت ظل بالباب يصيح وينك عماد ويبجى
طلعتله امى لزمته من ايدة ودخلته على المطبخ وظلت تهدى وتحجى وياه وهو بس يبجى.. انى كلبي حس بس ما اعرف شنو صاير كمت ادور على امى والجماعه ملتهين بالركص دخلت المطبخ ها يوم وينج
شفت عادل يبجى وشال عينه على كام من الكرسي.. لزمه اخوى عماد كله امشي اغسل وجهك كله من الشرب
انى جفلت تبسمرت بمكانى وامى تبجى ودكول حسبي الله عليج ام عادل فرقتيهم وضيعتى ابنج وبنتى الله ينتقم منج
اجه محمد وراى
هاى وينج سهورة شكو شبيكم
ها لا امى مقهورة على فراكى دكول مكانج راح يصير خالى
شكله شحجى
يالى حبيبتى تعالى نلبس الحلقات
اشويه خلى اعدل مكياجى رحت عدلت مكياجى ودموعى مسحتهم لازم اكون قويه الضعف ميفيدنى والحب شحصلت منه غير البهذله
لبست النيشان واهل محمد فرحانين بي وعماد اخذة لعادل وطلعه من باب المطبخ محد شافه بقت حسرتى بكلبي ونار مشتعله على بنتى بعد حتى دموع عادل ما تاءثر بي
كظينه فترة الخطوبه نطلع وهى احلى فترة الخطوبه كلنه مخلين اقنعه ما نكشفهه الا بعد الزواج...
محمد كان مدارينى ومقصر وياى بس شعورى اتجاهه بارد ما احس بذاك الحب الطبيعى لان الى شفته مو قليل..
ورة 6 اشهر كلى بعدكملنه كلشي اسبوع القادم الزواج
انى من يمى اخترعت وصار كل جسمى يرجف انفضحتى
سهورة شسوى صخاف بوجهى
محمد عباله خايفه من الزواج واشلون اعوف اهلى
حبيبتى لا تخافين عود اجيبج لاهلج يوميه
من طلع كتلهه لامى
يوم لحكينى يكول العرس بعد اسبوع
اى يمه خو ما يظل رايح جاى الولد لازم تعرسين
واشلون بمصيبتى
يما انى مرتبه ويه وحدة ممرضه تسويلج عمليه ترقيع قبل العرس بيوم وترجعج بنيه
صدك يوم يعنى ما انفضح
ان شاء الله يمه بس عويدل طلعى من راسج
يمه يا عادل طلعته بعد هو عاش حياته تخرج وتزوج
ومرته حامل
اى يمه ديري بالج ضيعج والله ستر ومحمد خوش ولد ولا تضيعى من ايدج
ان شاء الله بس تدرين يوميه بالليل اتذكر بنتى وابقى ابجى عليهه...
لا تباوعين للورا خليهه الله يتولاهه وميخليهه
اقترب الزواج واحس انى انسانه ضيعت نفسهه رخيص وجاى اغش محمد الى اجانى بالحلال بس ماعندى غير حل اذا اكله اكيد يعوفنى خليهه هيج
رحت قبل العرس على الممرضه ويه امى بسكوت سويت الترقيع ومحد عرف ومشت الامور صار العرس سوو حفله بيتهم وعشا ورحت صالون وتسريحه وبدله ومكياج
ما حسيت بطعم الحفله لان جنت خايفه انفضح لا تكون الممضرضه ما ضابطتهه
الحمد لله عبرت وتزوجت وامى جانت فرحانه لان خلصت من مسؤليتى وسترت على
وعادل حاول بهالفترة يتصل على تلفون اهلى قبل الزواج بس من اسمه صوته اسد التلفون او انطى لامى ترد عاد يسدة
حبلت بليله العرس وعشت ويه محمد ايام حلوة ومن يجى الليل اذكر بنتى وابجى واذكر عادل صحيح حبه بكلبي بس جرحنى وجرح عميق ...بس احبه ومو بيدى
نروح على ام غايب البنيه كبرت بحظنهه وسموهه هديه وفرحانين بيهه سجلوهه باسمهم وطلعولهه جنسيه وحبوهه اكثر من امهه وابوهه الى تخلو عنهه
صار عندى اول طفل سميته عمار حياتنه عاديه الى بينى وبين عادل عشرة زواج لان من ينكطع المهر من الله تنزل المحبه بس مو مثل حبي لعادل
مرت 10 سنوات على زواجى وصار عندى طفلين ورة عمار بنيه وولد وعادل هم اجاله طفل ثانى
يعنى بنتى صار عمرهه 11 سنه وانى ما شايفتهه
ما اخفى عليكم التهيت بحياتى وجهالى وتناسيتهه من تجى على بالى احتصر وينقبض كلبي بدة محمد يلعب بذيله مصادق وحدة بنالهه بيتهه زوجه شهيد ويروح يمهه على طول وبدى يهملنه انى وجهالى
فد يوم جنت يم اهلى واجانه خبر ابن عمى مسوى حادث ومات
لطمت يما عادل مات اجه عماد كال لا حامد توفى وعمى صاير مثل المخبل ومرته شككت هدومهه بالشارع وغمى عليهه وهسه بالمستشفى
الله يستر اللهم لا شماته وابن عمى شنو ذنبه بس احذر دعوة المظلوم خلى تفيدهم فلوس الحرام الى اكلوهه
ابوى مع كل الى سوو راح وكف وياهم بالفاتحه واحنا هم رحنا شفت عادل يبجى الصخر
اجه باوعلى وعيونه مدمعه حسيت بي ودة يحظنى ويبجى على صدرى عمى وراها صار شلل نصفى
ومرته جنهه مخبله
هى وكفشتهه وتملخ بروحهه
للحكايه بقيه
#قصة_حقد_الاخوان#
#للكاتبه_فردوس عبد اللطيف#
#الجزء#9#
دخل الحزن بيت عمى بدت المصايب تجيهم عمى يحتاج رعايه صحيه ابوى على فرغته يروح يمه جان يباوع بعيونه نظرة ندم على الى سوا بينه بس شيرجع الى راح... مرت عمى لا حس ولا مثل اول ظلت بحسرتهه على ابنهه راح بعز شبابه
وانى محمد صار يتحجج على الظاهر يريد يتزوج صاحبته ام شهد لان كام يحبهه وبين فترة وفترة نتعارك وازعل اروح لاهلى وهو مكيف
عادل حس بي كل ما نروح يمهم يجى يحاول يحاجينى
اشلونج سهورة شخبارج مرتاحه ويه محمد
الحمد لله مرتاحه
لا اخبارج عندى مشاكل على طول سهورة بعدنى اريدج تطلكى واخذج
يا عادل هاى اشبيك واهلك وبعدين زوجى ابو جهالى لازم اتحمله
سهورة حبنا بعدة بكلبي وكلبج تطلكى والله اخذج
يابه دروح صدكتك كبل عوفنى الله يخليك انى امراءة متزوجه
ما اعوفج لو يبقى اخر يوم بعمرى اخذج سهورة
سمعت الحجى مرته جانت تتصنط....
اى اكول ثارى الحب القديم رجع ظلت تصيح
ضربهه عادل واخذهه لغرفتهه
وانى اخذت امى وطلعت
محمد بينى وبينه 3 اطفال وا اريدهم يتبهذلون واعوفه
اجه محمد بالليل
شوفى ساهرة انى قررت اتزوج احبهه لام شهد واروح وياها لبيتهه وانت ابقي عد اهلى ومصرفج يجيج
هاى تاليتهه محمد تبيعنى علمود نزوة الله يسامحك
تزوج محمد وعافنه بس يدز المصرف مال الجهال
دزيت عليه كتله مادام بعتنى خلاص اروح لبيت اهلى وطلكنى وجهالك عندى بس دز مصرفهم...
اتفقنا على هالوضع طلكت ورحت لبيت اهلى صحيح ما حبيته محمد بس اكو عشرة بينه اقوى من الحب
مرت سنه توفى عمى صابته جلطه... ومرته اهارت بالزايد
ورة فترة صار بيهه سرطان بصدرها وبقت تتعالج اشعاع وكيمياوى
من اروح يمهه اسبحهه واوكلهه تظل تبجى ودكلى انى ظلمتج سامحينى
انوب ابقى ابجى وياها
وعادل يظل يفتر وراى وانى معاندة ما اريد اهجم بيته كافى بيتى انهجم وهاى عقوبه الله لانى غشيت محمد...
مرت 3 سنوات وراها اجانى عادل يخطبنى من اهلى
ابوى بالبدايه رفضه وامى
ظل عادل يتوسل بيهه تقنع ابوى لحد ما اقتنع
تزوجنه اخيرا بعد 14 سنه عذاب وفراق
ورة ما تزوجنه حجيتله على بتنه ظل يلطم ويبجى كلى باجر نروح لبغداد
رحنا انى وياه كوة اندليت البيت الشوارع متغيرة وانى مرة وحدة رايحه....
وصلنه ظل كلبي يدك شكلهم جايه ورة هالسنين شحجى شكول... محتارة ولسانى انعكد دكيت الباب
منو يمه نفس صوت المرة
وانى ارجف عادل وكف على صفحه..انى خاله انى
منو انت
خاله انة انه....شحجى بجيت
وكلى ارجف
يمه اشبيج اجيبلج ماى
هديه جيبي ماى بسرعه.. بعد رجلى ماتشيلنى
انشلت ..كعدت بالكاع
دخلتنى جوة يمه منو انت
بقيت ابجى ومخنوكه قهر 14 سنه انوب وينهه بنتى
اشو كلبي رف على الى صاحتهه هديه
خاله انى جيتكم كبل 14 سنه تتذكرينى
ادور المرة اصفر وجهه ونططت عيونهه وصفنت
بوجهى
هديه يمه روحى لغرفتج درسي
للحكايه بقيه