حقد الاخوان

الجزء 10 والاخير

#قصة_حقد_الاخوان#
للكاتبه فردوس عبد اللطيف
#الجزء10والاخير
احبابي انا تسرعت بالاحداث ومرور السنين لان كانت حياتهم عاديه بس سردتلكم المهم فى حياة ساهرة وعادل الى عاشو قصه حب وفرقهم حقد الاخوان ولكن اجتمعو بعد عذاب تلك السنين
دخلت علينا لمياء اخت زهراء تفضلى خاله منو انت جنى شايفتج ...
اى خاله اى
اما زهراء بس دموعهه تنزل وساكته ما تتحرك بس وجهه ينطى اخضر اصفر
كتلهه خاله انا خليت عدكم امانه الله وابو الجوادين كبل 14 سنه وهسه ما جايه اخذهه لا خاله مو اذبهه علج لحم وانتو ربيتو وكبرتو وتحملتو طفله من عمرها يوم واحد واباوع على زهراء شويه اخذت نفس وبلعت ريكها
انى قصتى طويله واريد احجيهه الكم والبنيه بتكم واذا حتى ما تردون دكلولهه بكيفكم بس اشوفهه واشمهه وابوسهه نزلت دموعى ردود
خاله ورجلى برة ينتظر
زين خاله راح اخابر على الحجى خلى يجى ويتفضل رجلج يدخل واحجيلنه واحنا نسمع احنا هم دخنا ليش تخليتى عن بنتج وعفتيهه علج لحم اشلون كدرتى تنامين ليلج رغد وبنتج مو بحظنج شنو كلبج
شفتى خاله حكمتى على كبل ما تعرفين قصتى سمعيهه وحكمى
خابرت على زوجهه ودخل عادل وكعد بغرفه الخطار
كامت تسوى الاكل ورحت يمهم بالمطبخ دخلت هديه يمه كلبي رف عليهه ودى احظنهه اشلون ربي بنتى كبالى وما اكدر احظنهه اشلون
كلتلهه يمه روحى لغرفتج
بديت احجيلهم على الى صار بي وبعادل واشلون بالاخير تزوجنه وجينا بس نكللكم هى مو بنت حرام عدهه ام واب بس القدر فرقهم
كالت والله خاله قصتج غريبه الله يكون بعونج وهسه جهالج وين
جهالى يم امى ومرات يرحون لبيت ابوهم ...
الحمد لله من عشتى وكدرتى تجين تشوفيهه
راح اجيلج على هديه
تعرفين انى ما صار عندى اطفال 10 سنين وماكو من عفتوهه خفنه بالبدايه بعدين تعلقت بيهه وصارت اعز من روحى وما اخفى عليج من شفتج خفت لا دكولين اريد بنتى شحجى شكول غير اموت ربيتهه ودللتهه وسهرت عليهه من تتمرض ومن كالت بابا الحجى ما شالته الكاع من كالت ماما نزلت دموعى وحمدت ربي على هديته الى ربيناها احسن تربيه وشوفيهه جنهه كمر ودخلناها مدرسه وشاطرة بالمدرسه وحبابه ومطيعه
الحمد لله ربي ارتاحيت من صارت بهيجى عاءله خايفه الله وربيتوهه احسن تربيه
صبو الغدا كملنه الغدا
كلتلى شوفى اليوم باتو يمنه وخلى اشوف الحجى وادانش وياه شنسوى نكلهه لا
ميخالف انى بكلشي دكولو راضيه مادام تطمنت عليهه شدكولون بكيفكم
بتنه ومن الصبح طلعنه للبصرة...
ورة يومين خابرتنى زهراء الو
اهلا منو
انى خاله حجيه زهراء
هلى خاله هلى بيج
خاله تدانشت ويه الحجى وحجينه ويه هديه وتعالو شوفوهه حظنوهه هم الكم حق عليهه
اشكرج خاله تسلمين
عادل تعال اسمع
شنو سهورة
خابرتنى حجيه زهراء ودكول تعالو حاجين ويه هديه وكايليله
ظل يبجى وحظنى وبقينه انى ويا نبجى جتى امى هاى اشبيكم حمدو الله وشكرو
رحنا للكاظم يمه الدرب شطوله صار يمته نوصل عدولى
فد ساعه
وصلنه دكيت الباب ينتظرونه
بوستهم ودخلت صاحتهه هديه تعالى يوم هاى امج
كمت عليهه وحظنتهه وبقيت ابجى اخذتهه يم عادل وهم حظنهه وبقينه نبجى وزهراء واختهه هم بجو علينه
لحد ما جريت النفس
وكتلهه يمه سامحينى الى صار بي مو قليل
هى ساكته شتحجى مدرى زعلانه...
ورة شويه حجت
كالت انى فتحت عينى عالدنيا امى زهراء وابوى الحجى وعشت وياهم سعيدة ومرتاحه وراضيه بقسمه رب العالمين
يمه الله يحفظج هما اهلج واحنا هم شتحتاجين احنا اهلج
بقينا يمهه يومين ورجعنا
صار عدنه طفل سمينا وعد
كلى عادل هذا وعدى الج لو يبقى اخر يوم بعمرى اتزوجج تذكرين
اى حبيبي اذكر
كلما نشوف فرصه نروح نشوف هديه
من صار عمرهه 16 سنه خابرتنى حجيه زهراء
عزيزتى ام وعد جايين خطابه على هديه وكلنه لازم نكللكم هم انتو اهلهه توافقون ترفضون
والله خاله البنيه بتكم وانتو تعرفون مصلحتهه وشتامرون احنا نوافق على موافقتكم لان انتو تعرفون مصلحتهه اكثر من عدنه
بعد لازم نكللكم
بكيفكم خاله
خوش احنا نخبركم بالتفاصيل
انخطبت هديه لولد من كرايب الحجى وتزوجت وحظرنه زواجهه وجانت مثل الكمر  فرحنه بيهه بس بقى سر ان هى بتنه محد من اهل زوجهه يعرف الكل عبالهم بنت زهراء
واحمد الله واشكرة الى عثرنى بهيجى ناس حافظو على بنتى وبقينا على انصال بيهه اكثر شي تلفونات ومرة اجت للبصرة ويه زوجهه وبقت يمنه اسبوع كان احلى اسبوع بحياتى مرت عمى ماتت بعد ما انتشر السرطان بجسمهه وعادل انطى لاهلى بيت من بيوت ابو وكل لابوى ابروله الذمه
ابوى كله هذا اخوى دمى ولحمى والفلوس تجى وتروح
هذة قصتى احبابي ولكم الشكر
ترقبونى بقصه جديدة
الكاتبه فردوس عبد اللطيف