حقد الاخوان

الجزء 7

#قصة_حقد_الاخوان_
#جزء_7_
للكاتبه فردوس عبد اللطيف
حظنت الطفله ودموعى تنزل بدون صوت وامى تجرنى يالى ولج كبل ما يجون خلى نطلع جرتنى وسدت حلكى وجر حيل للباب طلعنه ركض
رفعت ايدى للسما وكتله ربي هاى امانه اريدك تحفظها الى صحيح انى غلطت بس انت غفور رحيم ربي خليتهه امانه عندك لاتخذلنى ورة ما ابتعدنه من بيتهم كتلهه خلى نروح للامام
رحت كعدت بالكاع ودكيت ولطمت فرغت شكو ظيم بكلبي حتى النسوان التمن علينه بجو على وامى دكلهم بتهه ماتت ومقهورة
بقينا ساعه وطلعنه للكراج ورجعنا للبيت طول الطريق وانى ابجى واريد ارجع اخذ البنيه اشلون سويت هيج بروحى وامى اباوع عليهه بس تنزل دموعهه وتصبر بي
نرجع لبيت الاخوات
هن اختين متزوجين اخوان ناس خيرة والله حاب الطفله وخلاهه بهالبيت لان ام غايب 10 سنوات وما صار عدهه طفل محرومه من الضنا
اسمهن زهراء ام غايب ولمياء ام علاوى
اجتى زهراء اخترعت ياء وين الخطار راحو لمياء لحكى
ها خيتى شكو
تعالى شوفى وين النسوان
ماكو طلعت والطفله عافوهه
خاف نسوهه
لاخيه ذن عافوها ما يردوهه
الله يعلم شنو قصتهن
خلى اخابر ابو علاوى واكله
خابرت ابو علاوى وحجتله كلهه من ارجع اشوف ديرو بالكم على الطفله
زهراء كانت تندعى من رب العالمين كل يوم تصلى بالليل وتطلب من الله يرزقهه بطفل
راحت ملهوفه على الطفله فتحت الكماط غسلتلهه لمياء تعالى شوفى بنيه شكد حلوة
لمياء اكلج زهراء بلكى تصير من نصيبج وتربيهه
تعتقدين ابو غايب يقبل نخليهه عدنه
خيه نحجى وياه وبلكى ابو على ياثر عليه
ياريت انا انحرمت من الظنا بلكى ربج جابهه هديه الى
خوش اسم
شنو
اى خيه سميهه هديه
ان شاء الله يهديهه النه ويجعلهه من الذريه الصالحه
رجعو الاخوان وشافو زهراء فرحانه وحاظنه البنيه وترضعهه حليب ومخبوصه وسعيدة
ظلو واحد يباوع للثانى
كلولهه ديري بالج لا تتعلقين بيهه مدرى مخطوفه مدرى وراها بلوة خلى نتاكد بالاول
عفيه ابو غايب بلكى تصير من نصيبنا وانى اربيهه الله يخليك شوف احد يساعدنه
باجر اروح لصديقي مدير مركز شرطه الكاظميه واشوف شنو السالفه
اى فدوة حبيتهه طفله شنو ذنبهه
ماشي بس لا تتعلقين بامل مو اكيد
ان شاء الله تصير الى هاى هديه ربك جابهه الى
راح ابو غايب لصديقه الضابط وحجاله السالفه
كله خليهه يمكم احسن لان اذا تبلغ راح يودوهه للملجاء واجراءات طويله وعريضه علما ينطوكم اياها وانى اى تبليغ على طفل مسروق او مشكله اكلك تجيبهه تعرف مسؤؤليه
صار استاذ واشكرك على تعاونك ويانا
بس للاحتياط سويلهه بيان ولادة يم القابله ام جعفر خليه لا تصدقه الا بعد شهر اذا ماكو بلاغ صدقه
اشكرك خوى وربي يجازيك بالخير
مع السلامه
فرحت زهراء اكو امل تصير هديه بتهه
نرجع على ساهرة وامهه وصلو لبيتهم لا اكل ولا شرب اثنينهن تعبانات كل وحدة قهرهه بكلبهه
ابو ساهرة الحمد لله على السلامه
الله يسلمك اشبيك ضايج
شفتى اخوى صلاح زوج عادل وعازم العالم واحنا اخر من يعلم
يمه سهورة تعالى
نعم يوم
ولج عويدل تزوج
انى جفلت احس كرهته فوك الى شفته وهو محتار يتزوج هاى اكيد امه الله ينتقم منهه
بالليل دك التلفون الو
سهورة وينج
شتريد عالخير مبروك الزواج
ولج يازواج اهلى هما الى خطبو وانت تعرفين انى احبج وما راح احب غيرج
يالى عادل عوفنى بعد الى بينا انتهى
لا سهورة ليش
كافى الى صار بي
انى خليتهه سكته وما كتله على البنيه وا ذا سالنى اكله ماتت احرك كلبه مثل ما حرك كلبي
بقيت بالبيت محبوسه ومالى خلك دراسه ولا زواج
اجه الشتاء رحت بغرفتى فوك شغلت الصوبه الكهرباءيه ونظفت الغرفه وسديت الباب ونزلت يم امى سبحت وبدلت وشعرى مفتوح كنت لابسه تراك تركواز اسو اشوف دخان من غرفتى يما ركضي دخان من غرفتى
ولج لاتصعدين
طلعت امى مثل المخبله لحكونه حريق كان متعدى ولد شاب بسيارته شاف امى نزل ركض شنو خاله اشبيج
يمه احتركنه
ركض دخل شافنى ظل صافن جان يكلى خيتى حضريلى بطانيات بسرعه وامى راحت تدك بيبان جوارينه وانى انطى البطانيات وهو يطفى لحد ما اجو الجوارين وساعدو واجت الاطفاءيه وطفو الحريق
خلص الحريق الاغرفتى صايرة عطاب حتى المروحه السقفيه مايعه والسقف كله اسود هاى خلال لحظات الله سترنه...
عاد هو بقه يمنه وكلهه خاله شتحتاجون انى بالخدمه انى ابوى مقاول وناخذ مقاولات ومستعد اصلح لكم الاضرار
رحم الله والديك وما قصرت
اشو هذا يباوع على ويبتسم
مع السلامه
الله وياك يمه شكرا تبهذلت هدومك وصارن سود من الحريق
فدوة الج خاله وباوع على ويضحك
وانى بيا ضيم كارهه كل الرياجيل وانت منين طلعتلى
بدى يجى وتعرف على ابوى وجابلنه عمال صلحو الغرفه
كملت غرفتى وسواهه احلى من قبل صار يجى على ابوى
واهلى هم ارتاحوله
ورة كم يوم كلهه لامى خاله والدتى تريد تجى تتعرف عليكم
انى افتهمت
اجتى امه شافتنى
جان دكول لامى والله ابنى يريد بنتج وانتو ناس طيبين وسمعتكم طيبه والجوارين تمدح بيكم
امى شدكلهه ... الله كريم
من طلعت
ها ولج مصخمه شفتى ركظتى ورة ذاك وتاليهه عافج وشوفى هسه شنكلهم
انى ما اتزوج
لا مو بكيفج لازم تشوفين حياتج هو عافج وراح تزوج
وانت شنو تنتظرين
وعلى عناد اهله
واذا تعاندين احجى لابوج على كلشي انى بعد هذا حدى وياج خليج بركبه رجال انى مريضه وابوج مريض منو الج من نموت
لا يمه عمركم طويل
لعد اجبي ووافقى
يمه ما اكدر احب رجال غير عادل
ولج يا عادل خلينى ساكته
للحكايه بقيه#