حقد الاخوان

الجزء 3

#قصه_حقد_الاخوان_جزء_3#
#للكاتبه_فردوس_عبد_اللطيف
صار عدنه تلفون ارضى وشويه هون علينا صرنه نتواصل بالليل نسولف من ينامون اهلنه واحجيله كلشي وهو هم يسولفلى على كل تفاصيل يومه
كال انى ما راضي على تصرفات امى وابوى بس هذولى اهلى وما اكدر اوكف بوجهم وانت تعرفين بعدنى طالب ولو بقى اخر يوم بعمرى اتزوجج وما اتخلى عنج بس انت شدى حيلج بالدراسه
دخل الجامعه عادل انقبل بكليه الحقوق لان عمى كان يريدة يصير محامى مثله بس انى كوة مدبرتهه ماخذة المدرسه هيج
من اروح للدوام مرات اشوفه بوجهى
ها حبيبي شجارك
محاظرتى ب 9 وكلت خلى اشوفج
ومرات بطلعتى من المدرسه هم اشوفه نتمشى لحد ما اوصل راس شارعنه ويروح
عشت احلى قصه حب وياه ميهمنى اى شي بالدنيا الا شوفه عادل ولو اعرف انهزم وياه واعوف اهلى هم ما عندى مانع تهور الشباب كان زمانه سنه 1985 الحب بي صادق مو مثل حب هاالايام
علاقات الفيس والكذب بزمانه جنه مستعدين نضحى بحياتنه حتى نحافظ على حبنا وكت العطله شويه تصير صعوبه شوفه عادل
لازم ماكو احد بالبيت
حجيت ويه امى
يوم لحد يمته نبقى معادين بيت عمى
ولج ياعم الى اخذ حقوقنه الحرامى لو ابوج يسمع يذبحج سكتى ولج احسنلج
وهو عادل نفس الشي يكل لابو يابه مو هذا اخوك ليش عم واحد ومتقاطعين
ولك كبرت وطلع لسانك ياعم هذا الى طول لسانه على اخو الجبير
ودخلت امه الخبيثه ولك خاف عبالك نخطبلك سويهرة كتلك ما تتزوجهه لو اخر يوم بعمرى
ماكو فايدة بيهم
شوفى ساهرة احنا معلينه بيهم انت الى وانى الج لو شكد ما يطول الزمن
من كلامه هذا انا طمنت كلت خلاص انى اله وهو الى
يوم جمعه اهلى طلعو معزومين بيت جدى ابو امى
انى كتلهم تعبانه خلونى بالبيت
من طلعو خابرته لعادل كتله اهلى معزومين
كلى ولج هاى فرصه راح اجى
انى هم بدلت ومكيجت ولبست فستان قصير ومكسم جسمى وفتحت شعرى
اجه عادل
حبيبتى هاى شطالعه
عفيه عدولى استحى لاتحجى وياى هيج
سدينه الباب ودخلنه للبيت
غلطه عمرى مهما كان الحب قوى لازم البنيه تحافظ على نفسهه بخطوط حمراء لكن تهور الشباب وطيش خلانى اجيبه للبيت ولحظه شيطان وبلهفه عشاق صار الى صار بينا بعد تعرفون ما اجتمع رجل وامراءة الا وثالثهما الشيطان... نعم كان الشيطان بينا بدون شعور تقبلت الوضع لحد ما حسيت على نفسي بعد فوات الاوان
طفر عادل لبس ملابسه وما حجه ولا كلمه طلع
وانى بقيت ابجى دموع الندم اشلون سلمته نفسي حتى لو يحبنى وين يكدر يوكف بوجه امه السعلوة بوجه ابو
فكرت بامى وابوى المسكين عمى الظالم اخذ حقه انوب ابنهم ياخذ شرف بنته تمنيت لو ميته بذيج اللحظه ولا اجيب العار لاهلى بعد انى جبت العار هو انى اصلا عار
ياربي استر على شسوى المن احجى بقيت محبوسه بغرفتى ما اكدر حتى امشي
اجو اهلى هاى وينج ساهرة
تعالى جبنالج غدا من بيت جدج تعالى يوم تغدى
ياغدة يا عزة انى مصخمه وملطمه اشلون اباوع بوجه امى
شلت نفسي كوة كمت كتلهه يوم جنت نايمه بس ما اكدر اخلى عينى بعينهه ولا ابوى اتهزم منه اشلون اباوع بوجهه يارب استر على هو انى ما سترت على نفسي
اكلتلى لكمتين كوة ورحت بس اريد الليل يجى
حتى اخابر عادل
كعدت بغرفتى يلى روحو نامو يمته يجى الليل خلى افتهم موقفه
علما مرت الجم ساعه الا روحى طالعه
اجه الليل واجت اهاته
دكيت عليه طلعت السعلوة
الو الو متحجون اشبيكم انخرستو
اووو هاى طا لعتلى بكل مصيبه
ورة نص ساعه دك تلفونه
الو
هلو ساهرة هسه توهم نامو اشلونج
بقيت بس ابجى ومخنوكه ما اكدر احجى
ولج اشبيج احجى وين صرتى
ها وياك عادل اشلون بي
اشبيج خايفه انت الى واخذج لو شما يصير اطمنى
انت حبي الوحيد بهالدنيا
شويه هذا كلامه نزل على كلبي ماى بارد اطمنت المهم هو وياي
يعنى ما تتخلى عنى
اشلون اتخلى وليش تعرفينى انى ناقص
لا حشاك بس خايفه بعد الى صار اليوم بينه
لاتخافين بس لازم تتحملين لحد ما اتخرج واعتمد على نفسي يالى اكدر اخذج
يعنى اهلك ما يفيد وياهم
اهلى غاسل ايدى منهم
يالا حبي مع السلامه
مع السلامه
كنت تعبانه بس اريد انام
نمت ليوم الثانى كعدتنى امى ب 2 الظهر
شافت دم بالفراش كالت شنو هاى كومى بدلى الشراشف لازم ما ما خذة احتياط للدورة الشهريه
عبالهه هذا الموضوع انى هم غلست.. مر شهر ما اجتنى الدورة كلت يمكن حاله نفسيه وتاخرت
بدت علامات قىء ولعبان نفس كلهن علامات حمل
للحكايه بقيه#