حقد الاخوان

الجزء 5

#قصة_حقد_الاخوان_جزء5
#للكاتبه_فردوس عبد اللطيف#
بقيت افكر بينى وبين نفسي
شفت اكو حلول 2 لو انتحر واخلص من العار واهلى يخلصون من الفضيحه لو ننهزم انى وعادل.... صار الليل وموعد اتصالى مثل الايام السابقه اتصلت اشو ردت السعلوة امه الو الو
انى ساكته
ولج اعرفج انتى سويهرة دعوفى لابنى ترى والله اجى وافضحج كدام ابوج والمنطقه واخلى ابوج يذبحج ويغسل عارج ياعار
وشوفى عادل خطبتله بنت اخوى وراح ازوجه وايسي منه
اثارى خاطبتله بنت اخوها وعادل متعارك وياها ورايح لبيت صديقه بايت وما خبرنى حتى لا انقهر
انى هم كظيتهه بواجى ولطم واظرب على بطنى بلكى يطيح الطفل متكو فايدة صار الصبح
بعد ماعندى غير الحل الثانى وهو الانتحار صحيح اروح لجهنم بس العذاب وتانيب الظمير والفضيحه هى جهنم الدنيا.... رحت للثلاجه اخذت 2 شريط باراسيتول وشريط
كبسول ما اعرف شنو وجبت
ماى وشربتهم وحدة ورة الثانيه اجه اخوى عماد شافنى ابجى واشرب بيهم كلى شتسوين كتله معليك حبيبي وحظنته وبجيت كتله سامحنى اخوى العزيز وكل لامى وابوى يسامحونى
وكعت ما حسيت على روحى
مغمى على وعماد راكض على امى ومودينى للمستشفى وماخذين شرايط الادويه وياهم ومسويلي غسل معدة ....
فتحت عيونى اباوع امى تملخ بخدودهه وعماد حبيبي يبجى ولج سهورة ليش وامى من فتحت عينى بوستنى بعد كلبي يا يما تردين تعوفينى ولج اموت وراج ليش تردين يمه احجيلي ما نسويلج شي انا امج
كتلهه ماكو شي بس شفت مسلسل وحبيت اقلد البطله
كلتلى ما تعبر هاى السوالف من نروح للبيت افتهم هسه احنا بالمستشفى
انى هم بعد كلبي مات شفت الموت بعينى
طلعونى من المستشفى واجه ابوى خطيه يركض من سمع بي بس ما حجه شي اكيد مخلى هالمواضيع على امى لان صحته ما يتحمل من ورة فهر سوالف عمى صار بابوى ضغط والدكتور كله دير بالك من القهر ترى تنجلط جلطه الثانيه وتنشل منهه صار لا ابالى ومعتمد على امى
اجت امى بالغرفه وطلعت اخوى عماد وظلت تحقق
يما احجيلي وانى اتصرف لاتخافين
اويلي شحجيلهه اخاف يذبحونى لان سكوت ابوى خوفنى
بقت تلح وايست
ورة كم يوم هم اجتى على واخذتنى بالسياسه انى هم تعبت الهم جبير على اريد اخفف من كلبي كلت خلى احجى وشيصير خلى يصير
كتلهه يما تذكرين من رحتو لبيت اهلج وبقيت بالبيت بحدى
اى يمه اذكر
يما اجه عادل وصار بينى وبينه غلطه عمرى وهسه انى حامل
عاطت يبوووووى ولج مصخمه ولج هاى تربيتى الج ولج انى مربيه فاضله ظلت تظرب بي موتتنى كتل لحد ما طلع دم من خشمى بعدين كامت تلطم على وجهه وملخت روحهه ولج شكل لابوج ينتظر احجيله اشبيج
لا يما فدوة اخاف يكتلنى
ولج شسوى ولج شهالمصيبه
ويه منو عويدل المصخم ابن صلاح الى باك حقنه وطلعنه من بيت جدج ولج فوكاها ياخذون شرفج
ظلت تعيط لحد ما تعبت
جان دكول كومى ولج امشى وياي لبيت عمج
لا يما فدوة لا ننذل ترى رحت لمرت عمى وطردتنى
ولج كومى خلى اشوف عمج اخذتنى تجر بي جر
فتح الباب اخو عادل تفاجاء بينه وامى اعصاب وفاقدة ولك وين ابوك .. تفضلى خاله موجود
طلعتلنه مرت عمى ها شعدجن جايات تذبن بلاويكم علينا
انت معليج صيحى رجلج وينه
اجه عمى هاى شكو ليش صوتج عالى
شوف ابو عادل اخذت حقنه
وسكتنالك وعفنالك كلشي وطلعنه بروحنه العزيزة
شنو قصدج انى حرامى احترمى نفسج وبرة
اسمع ابنك صخم بنتى وهسه هى حامل وهاذة عرضك وشرفك
منو يكول من ابنى الله يدرى منين وجايه تذبين بلوتج علينه
يالى برة وبعد ما اريد اشوف وجهكم
استلمتنه السعلوة برة برة لا تاذو لصلاح ببلاويكم
طلعنه انى وامى خايبين ماكو فايدة
وصلنه البيت امى وكعت على الارض
للحكايه بقيه#