#أصبحت_عاهرة
(القصة كاملة بكل أجزائها )
#قصص_عراقية_حقيقية
للكاتبة كوثر(فقيرة الحظ) السماوي
البارت الاول
ساعة 12 بليل نايمين ونسمع صوت القصف الامريكان قصف بيت جيرانة وكع عليهم وماتو خطية عائلة متكونة من 9 نفرات وجان امي وابوية اخذونة وانهزموا بينه بعد نص ساعة انقصف بيتنة وادمر دمار بابا جان فاتحلة مطعم من بيتنة فه بنفس اللحظة خسرنة كولشي بيتنة شغل بابا الفلوس وذهب ماما لنو بهذيج اللحظة الي سمعنة بيها القصف انهزمنة برواحنة اني وامي وابوية واختي واثنين اخواني احنة عائلة متكونة من 2 بنات و2 ولد اني اكبرهم واسمي جمانة جنت بوقتها لصف ثاني متوسط من صار السقوط
رحنة لبيت عمتي بغداد
عمتي جانت شايفه نفسها لنو زنكينة واحنة الحمد الله حالتنة متوسطة سقط صدام وصار الفرهود بس بابا ماقبل يمد ايدة ع شي لنو يكول حرام وامي كذالك اتحملتنة عمتي بس 3 اشهر تالي طردنة زوجها يكول اريد اخذ راحتي بقينة نتنقل بين خال وعم وصديق الا ان ابوي اجر النة بيت وصار يطلع يدور شغل بدة الدوام ومصاريفنة كثرت ع بابا ايجار ومصرف البيت
ماما قررت تشتغل اشتغلت خبازة وابوية اشتغل عامل بناء بقينة ع هذا الحال اربع سنوات
اوووووف ما انسة من اسمع ماما وبابا شون يهمون لمصاريفنة ولمدارسنة واني هل السنة بلسادس رايدلي دروس خصوصية
يو انسة ابو الايجار شون يتعارك وي بابا اذا اتاخر علية يوم واحد بلدفع
مرة من المرات عندي امتحان وكعدت ردت اقرة اسمعهم يبجون ع حالهم وشون يدبرون الايجار والعيشة بلحظتها متت قهر وبواجي لنو مابيدي شي غير انو اجتهد وانجح
اجت الامتحانات وامتحنت والاسئلة كانت جدا سهلة ومعدلي اتوقعتة 97 بس انصدم انو اني راسبة ليش هاي شنو
تالي دفتري انباع اي بل 2007 جانت الدفاتر تنباع
كرهت الدنيا تعبي وسهري واريد اعوض بابا ع الاقل بهل المعدل بابا وماما كلولي مابيدنة شي نسوي الج غير تعيدين وتمتحنين والله يسعل عليج
بيوم من الايام ماما تخبز واني يمها ارتب بلخبز لخاطر اخوي يروح يدزة للبيوت
دخل علينة بابا وجها اصفر
وكوة يجر النفس وكع بلگاع امي صرخت والتمت علينة الجوارين اخذوة للمستشفى وعندة فشل كلولي ولازم احد يتبرع الة اني قررت اتبرع تالي ماتناسبة امي هم كذالك
ماعدنة امكانية احنة يادوب مدبرين عيشتنه اكثر شي كاضينها خبز وجاي
جان بهذيج الفترة البناء قليل وماكو شغل يوم يشتغل و عشرة لا امي الشغلها كلها ع الايجار لنو ارتفع
اني واخواني نسينة شي اسمة عصاير او جبس او كاكاو جنت اخر وحدة تطلع من الدوام تعرفون ليش
ادور بلرحلات البنات الجبس والعصير والكاكاو واخذة لخواني وانطيهم الهم ياكلوة بلا ماما ماتعرف لنو ما اريد اقهر ماما ولا اريد اخلي اخواني محسرين
ماما راحت ل اقاربي لخاطر علمية بابا الي تكلف 25مليون وايام بابا معدودة صار بابا يغسل كلاتة وماما .ومحتارة كلش منين تدبر الفلوس العملية
العصرية اجانة زوج عمتي جان بابا داخل مستشفى وبس اني وامي واختي اصغر مني ب سنتين بلبيت انطاني اني واختي كل وحدة5000 الف وكال روحن لدكان اشترن
اختي فرحت واني هم كذالك اني ما اشتريت ضميتهن للعازة واختي كتلها لاتشرين بيهن اخذي بس 750 انتي واخواني كل واحد ربع لخاطر الباقي ننطي ل امي راحت لدكان
زوج عمتي واحد حقير جدا گال ل ماما انطيج الفلوس العملية بس بشرط توهبيني نفسج عبالهم اني رحت للدكان بس يم الشباك اتصنت لنو كل املي بهاي جيتة راح يساعد بابا بس طلع حقير امي عيطت وكالت شون حرام ومايصير
كال الها"حياة زوجج بيدج وانتي بكيفج
وطلع وكال باجر الصبح ارجع اجيب الفلوس الج واخذ منج الي اريدة
طلع الحقير ماما دك بجي واني ميتة قهر مابيدي شي اسوي
ماما كلش حلوة ومن جنه ساكنين عدهم كم يتحارش بيها بس ماتكدر تكول ل بابا لنو ماعدنة مكان نروح اله عمتي تعرف انو زوجها مايل ل امي وحاط علينة عليها لذا طردتنة من البيت
طول الليل ماما تبجي وتصلي وتدعي ل الله يغفر الها لنو ماعدها غير هل الحل تعاركت وي ماما وكتلها سمعت كلامكم كلة ماما لاتسوين شي غلط
حضنتني وكالت يمة اسمعي هل الكلام
اني راح اغلط بس انتي ديري بالج تغلطين مثل غلطتي ابوج الدكاترة كلولي هذا الاسبوع اذا ماسوة العملية راح يموت ما خليت احد اذا مارحتلة وهل السر بينة يبقة وانتبهي لدراستج وابد لاتغلطين يايمة أيڤين ملٰائكيٰه
رحت لدوام وكلبي يم ماما وماردت اروح بس هي اجبرتني اروح
اجة زوج عمتي واخذ من امي الي يريدة وانطاها 25 الف اي وگال الها كل يوم اجي وانطيج هل المبلغ الا ان ينجمهن ويصير 25 مليون وردت اوفر عليج الوقت وجبت اصدقائي اثنين وياي كل واحد يدفعلج 25
رجعت من الدوام شفت امي بس تدك وتلطم ها يمة فدوة طميني بس ولا سويتي شي غلط يمة طز بلفلوس اني ابيع كليتي وانطي المبلغ لبابا يسوس عملية
جاوبتني امي يمة سويت الغلط وياه وي اثنين من اصدقائة وكل واحد انطاني 25 الف بس صديقة انطاني 50 الف اتعاطف وياي يمه كل يوم راح يجون الا ان اجمع المبلغ انصدمت وبهذيج اللحظة ردت اروح لعمتي واكول الها بس امي ماقبلت
ساعة عشرة بليل امي طلعت ما اجت الا وجه الفجر
گتلها يمة وين جنتي ماجاوبتني سئلتني شلونج بلدوام ماجاوبتها رحت نمت واني اعرف وين راحت بجيت كعدتني للدوام وكالت روحي كعدي اخوتج
يمة فدوة كوليلي الي بالي مو صح كوليلي مارحتي سويتي غلط بليل
ماجاوبت وراحت تخبز
رجعت من الدوام شفت سيارة هذا الحقير طالعة من الشارع وياه اثنين
لكيت امي تبجي وتكص بشعرها شافتني راحت للحمام وقفلتة عليها
نفس الشي بل عشرة بليل طلعت وما رجعت ل الصبح
هم ماجاوبت
ع هل الحالة بقت امي مدة اربع ايام تالي خابروها من المستشفى تعاي اخذي جثة زوجج سمعت خبر وفاة والدي ما اعرف دمعة وحدة مانزلت
بقيت يومين هيج لا احجي ولا ابجي وبس نايمة امي حجت وياي حاولت ماكدرت خافت علية
تالي كتلتلي كتل بس كون تطلعني من الحالة الي اني بيها وابجي بهذيج اللحظة كل مشاعري واحاسيسي ماتوا
