#اميرة_وعلي
1+2+3+4+5+6+7+8
علي شاب عراقي حاله حال كل الشباب العراقيين
يدرس يخلص دراسة بطلعان الروح يتخرح وميلكي وظيفة.
وينتظر سنين لحد ما يخلص نص عمره بلاشغال الشاقة
الي هي عامل بناء لو صباغ لو فيترحي يعني سبع صنايع والبخت ضايع
وهو من هو بلكلية يحب بنت جيرانهم يعشقهة بجنون والبنت
اسمه فاطمة
وهي هم اتحبه من ايام الجامعة حب سري محد يدري بيهم
غير بعض اﻻصدقاء
عائلة علي مكونه من خمس اوﻻد وبنت وحدة اسمهة رفل دلوعة اهلهة
وهمه عائله متواضعة عايشين يومهم ابوهم متوفي من هم
اصغار بقت عليهم امهم ومتزوجت وربتهم وكبرتهم
اكبرهم علي جبير اخوته
هو حاليا يشتغل سايق تكسي سوة سلفة واشتراهة
وينتظر اليوم الي يتزوج بي فاطمه حب الوحيد
اعمامه يجوهم بلسنه حسنه يسالون من بعيد ويرحون
لو يلمون فلوس الفصوله مال العشيرة
وفد يوم
اجه مصطفى مدمه وراح ركض للمطبخ وشايل سجينه
واخوته وراه وامه تصرخ متعرف شنو السالفة
خابروا علة علي موبايله مشغول
وبعد اشويه كبت العيطة ابيت جوارينهم
اخو علي مصطفى انكتل بطلقة والي كتله اخو فاطمة
حبيبة علي
ولمت العالم واخوة علي خابروا اعمامهم وراحوا دكو اهل فاطمة والنسوان تصرخ هاي كولهة وعلي برة بلشغل موبايله مخلص شحن
طب للمنطقه شاف العالم ملتمة وشاف بيبانهم مفتوحة والعمام ملتمين والدنية مكلوبه
راح ركض شنو السالفة
هاي وينك اخوك مصطفى انكتل والي كتله احمد ابن جوارينكم
وراحوا دكوهم اخوتك واعمامك
اسودت الدنية بعينه العلي اخو وحبيبة خسرهم بيوم واحد
جتي العشيرتين والتمت وانطو عطوة ﻻهل فاطمه
بس علي مقبل بلعطوة وراد راسه لاحمد اينهم
وهم سفروا بسرعة لتركية وين المسكين علي فلوس ماعندة للفاتحة يعني ﻻفلوس وﻻ جواز حته لو يبيع السيارة هم ميكفي
باع سيارته وكضه بيه فاتحة اخو وظل بليه فلس
المهم كعدوا الزلم
وصارت عركة جبيرة كوة الف ياعلي صفت
رتبوهة شيوخ العشيرة قرروا يطون ﻻهل علي 100مليون ومرة ﻻزم اتكون من اهل فاطمة نفسهم
بس علي رفض الفلوس وكال اني ما اريدتعويض علة
دم اخويه
والمرة هم ما اريدهة اريد دمة ﻻحمد
وبعد ملحت الشيوخ وصراخ علي واصرارة
يابة انت ليش متسمعلنه حجايه احنه اهلك وعشيرتك
اذا كتلت الزلمة راح ينكتلون اخوتك كلهم اكسر الشر واقبل بلي وافقوا عليه كبار العشيرة
صاحته امة وهي تبجي وكوه تتنفس
ابني اني فقدت واحد ما اريد افقد الباقي
وكدام حجي امه واصرار الشيوخ
قرر ياخذ منهم مرة بس تكون عزيزة كلبهم ويحبوهة
هواية وميكدرون علة فراكهة
قبلوا اهل فاطمه بلشرط
والمن اتريدهة
صاحت امه لعلي
امه رادت تهدي لعلي وتعرف هو يحب فاطمه والعزيزة عليهم
هي فاطمة جبيرتهم ومتريدة ينلجم من ياخذهة غيرة من اخوته واتصير المصيبه مصيبتين لابنهة
جابو البنت وامه وخواته يبجن ويسمع صوتهم علي واخوته
ويصرخن راحت عزيزة البيت ام السوالف الحلوة
يامحله كعدتج يم الحجي الحلو
من هذا الحجي الي يبجي الصخر
المهم اخذوا اهل علي بنتهم وهم يصيحون اخذنه عزيزتهم
وكسرنه خشمهم
غطوهة بلعباية وصعدت بلسيارة البنيه وهي تبجي
والكل يباوع
دزوا عله السيد وبدون ميحضر علي عقد زواجهم
طبت البنيه لغرفته وهي تبجي
وراحوا الزلم والناس كضت
وكلمن راح لبيته
والليل للصبح ام علي تبجي علة ابنه والعروس الفصليه
تبجي علة اهلهة
وعلي طلع برة مختنك من وضع البيت
ويوميه عل هل الحاله لحد ما اجه يوم لكة البيت والفرش
كلهة نظيفة واﻻكل مصبوب ومﻻبسه مكويه ومعطرة
واﻻم متمدده ونايمه
اتاكد انو هي نفسه فاطمه وراد يشوفهة
وقرر يروح لغرفته الليله ويحاحيهة
تصويتتت هاي قصتي الجديدة اذا عجبتكم اكمل
دخل علي لغرفته وهو يشم عطر غريب عمر مشامه
وشافه كاعدة تخيط نفنوف بيدهة يمكن دشداشه الهة
علي كانما يسال روحه ويجاوبه هي عبالك خرسة
دايرة وجهة
شلونج زينه
اني مردت اجيج واحجي وياج لحد متاخذين عل البيت وعل امي واختي واخواني
واني مردت الي يصير هذا بيناتنه بس صار واحنه ﻻزم
نستسلم للقدر
واعرف الي صار ما الج بي اي عﻻقه ومﻻزم اكرهج
ﻻن اخوج السبب حبي الج ماانساه طول العمر
واني اسف مرة لخ ﻻن صرتي ضحيه للتقاليد
بس لتنسين حبي وحبج خلي يصير عزائج
اني هم فقدت اخويه اغفريليي اشاسوي اعرف اتمنيتي زواجه غير شكل بس القدر كتبنه هذا الشكل الماساوي
دارت عليه هو شافه خطف اصفر وجهة
منية هاي البنيه مو فاطمه هاي غيرهة
دارت الدنية بوجهة راح عليه وهزهة وضربه بقسوة
علة وجهة راشدي يلحك راشدي
كوليلي انتي منو
حجت واخيرا بس ياعيني صوته مبحوح من البجي
اني اخت احمد وفاطنه
ﻻ مستحيل اني مشايفح فاطمة ماعدهة اخت
اسكتت شويه واتنفست هه وبعدين
اني اخته بس من غير ام وابونه واحد واعيش وياهم بنفس البيت صارلي اسبوع من جابني ابويه
بس مصطفى اخوك قاطعهة
اشبي اخويه
خافت سكتت
ضربه مرت الوخ لحد ما وجهة صار احمر دم
بس هو وﻻ يمه هو حاير بلمصيبه الي وكع بيهة
مصطفى اخوك شافني مرة اغسل الكراج ظل يحوم علة بيتنه
شافه اخويه وتعاركوا ذاك اليوم وصار الي صار
تخبل بلزايد وكانما شاف قاتل اخو احمد كدامه وخطيه
طلع قهر كلبه كوله بيهة
يعني من وراج انتي بنت الكلب مات اخويه هنوب جابوج يمي
واكبالي علمود يوميه اتذكر اخويه
باعي هاي القصة ما اريد تدري بيهة امي افتهمتي
سكتت وهي مخنوكه
احجي دااكولج احجي
وظلت مخنوكه وكوة تتنفس
مردت عليهوهو شافهة انتهت عافهة وطلع
والبنية الي اتزوحهة علي اسمهة اميرة وهي بنيه صغيرة
عمرهة ميتجاوز ال17سنه
وصحيح هي اشطر واحله وحدة بيهم وحبيبه ابوهة
من امهة ماتت اخذته جدته من ابوهة اتربيه ومن كبرت بعطله المدرسه راحت يم ابوهة ويه باقي اخوته اتعيش ﻻن جدته
ماتت ومجد بقالهة
وهي بذاك اليوم تنظف الكراج مثل ماعرفت وصار الي صار
وهي بنيه جميله جدا بشرته بيضه وشعرهة اسود ورموشه طوال وعيوته سود وسعات وجسمهة فاتن يعني الي يشوفهة ﻻزم يكول هاذي مﻻك ونزل من السمه
بس وين علي ميﻻحظ كل هذا حب الفاطمه اخته والي صار وسمعه عماه عن كل شي يشوفه كباله
وظلت المسكينه تعاني من علي
يوم يكسر الكنتور ويطلع وهي هسة كاويه المﻻبس
ويوم يدفر الجدورة بلمطبخ من يعرف هي الطابخة
وفد يوم صبت اﻻكل الي جانت امه مسويته ودته اله للغرفة
شافهة
اني مو كتلح ما اريد اشوف شكلج (وهي شلون طالعة ياعيني تخبل يوم علة يوم تحله )
كلب الصينيه علة دشداشته وجان اﻻكل حار ودخل من دشداشته لجسمهة وصاحت وهي اب متصيح حته من ضربه
اول يوم شافهة وطلع قهر كلبه كله
صرخت
من الوجع وهو اجه دينقذهة راد يشيل الشداشه عنه بﻻ وعي بس ليلحكلهة
دفعته بكل قوته وصاحت بوجه
ليش هيجي اني شمسويتلك ارحمني اني انسانه ضعيفة
مو اني الي اتعارك وشال المسدس وكتل اخوك
وﻻ اني الي اخذت منك فاطمه اني ضحيه القدر الي رماني
يم انسان ظالم مثلك
علي رغم انو تعب السنين والشغل الصعب الي يشتغله
حته يوفر العيشة اله والاخوته حته يكملون دراستهم.باين عله .عيونه لكن هو شاب وسيم جدا حنطي البشرة بس مسمر اشويه بلشمس ولايك عليه السمار وطليق اللحيه والشوارب
وعيونه عسليه كل ساعة بلون
ومن يتمشه بلمنطقه كل شابه تتمنة يحجي وياهة ويتقدم لخطبته رغم فقرهة هو عزيز النفس ومه تتدنه نفسه علة بنات منطقته وﻻ اي ابنيه يشوفهة بس فاطمه هي البنيه الوحيدة الي حبه واتعرف عليه بلكليه وبعدين عرف هي بنت متطقته
وظل يحبه ويوفيلهة
لمة صرخت اميرة وحجت الي حجته
باوع علي علة اميرة وهي تبجي بكل حركة واتكوله اني ضحيه
شاف عيونه وهي تلمع كانما لؤلؤ بوسط البحر تنتظر صياد يصيدهة وياخذه وتكون هي كنز حياته
ظلت تمسح بدموعه وخشمه يخر
بقه علي مصدوم كدامه معرف شي جاوبه صحيح هي هاي فاطمه جان سوة بيه الي يسوي باميرة ؟
طبعا ﻻ مع العلم فاطمة هي هم اخت احمد ليش قبل بيهة
بس ﻻ ﻻن هي حبيبته وهاي ﻻ
قصة بقلم الكاتبه ذكرياتتتتتتتتت
سكت معرف شي يجاوبهة عافه وطلع بدون اي كلمه
علي اخذ سيارة صديقي تكسي يشتغل بيهة العصر وصديقة
الصبح وهيجي اثنيناتهم يسترزقون منهة
صعدت ويه علي مرة وياهة جاهل المرة ﻻبسه عبايه
علي وين للسوك
طلع علي نزعت المرة عبايته وطلعت هي فاطمة.وكف
السيارة بمكان بعيد ونزل هو وياهة يحجون.
وقبل ميحجي
ادري الي راح اتكوله بس اني راح افهمك كل الي صار
اني دا غسل الكراج واخوك مصطفى شمرلي رساله
قراهة اخويه احمد صارت كدامه وهو جاي الي من جوه
البيت وصار الي صار واثنيناتهم صاروا اعصاب
انصدم علي لكﻻم فاطمه مو علة اساس الي صجمهة جانت اميرة مرته
مدا افتهم انتي لو اميرة الي ذبلهة الرساله
هي كالتلك اني ؟؟صفنت شويه وكالت اخ اميرة متجوزين
من سوالفج دائما تضحين بنفسج
اتعجب احمد من حجي فاطمه
شنو قصدح
قصدي مو صحيح اميرة حته تنقذني كالت ﻻحمد وﻻهلي انو هي
الي جانت بلكراج ﻻن اخوتي رادوا يكتلوني وكالوا انتي السبب بس متصورت راح اتكولك انت هم هيجي
اتذكر علي اميرة محجتله بالصدك حته وهو يضربه ولحد ما دمة حلكه وطلع قهر كلبه بيهة
وهسه كولي شنو الحل
اني الي اتصورته انتي صرتي زوجتي لحد اليوم الي تفاجئت بيه
هم اهلي كالولهة انتي السبب انتي اتحملي نتيجة افعالج
ليش مكلتي انتي الحقيقة
كتلك يكتلوني بس اميرة اكتفوا بزواجهة وبعدين اني ما ادري
انت راح تتزوجه عبالي واحد من اخوتك.
وكال وره ما تصفة الكلوب وتنسه ونتزوج اني وياك
وهسه كال اله علي
اتفقت ويه اميرة فترة اتعيش وياك لحد ماتصفة امور العشيرتين بعدين تنهزم هي ونتزوج اني وياك
هاي اشوكت اتصلتي بيه
قبل يومين هي تعرف اني وياك انحب بعض واحدنه ميعوف اﻻخ حجيتلهة كلشي عني وعنك
عرف علي هاي سبب صراخهة عليهة وحجيهة عنه وعن فاطمه
فاطمه وين صفنت
هيج ما كو شي
وصل فاطمه للسوك
وهو راح لبيتهم شاف اميرة كاعدة تخيط راد يحجي وياهة
عدل ﻻنو ندم البنيه طلعت معليه والسالفه مو يمهة
وهي المسكينه صارت ضحيه
علي هاي اشدسوين
مردت عليه
مو دااسالج
ظلت هي ساكته يحركهة الصبح ويعتذر العصر
جر الشداشة من ايدهة مو دا احجي وياج
رجعت جرت الشداشه
ورجع هو يجرررررروكعت هي عليه وصارت عيونه بعيونه وحلكه قريب من حلكه وتقاربت اﻻنفاس وكلمن يشم عطر الثاني وهو غرك بعيونه الوسعات وهي دفعته ودنكت وراحت عنه بعد ما عافته بهل الحاله
علي كاعد العصرية بليبيت يشوف الطوبة بين ريال وبرشلونه
وهو جان متحيز لبرشلونه
واخوته وياه يهوسون يله جيبهة اخذهة لك ﻻﻻﻻﻻﻻ
وخسر فريقه
سمعوا صوت وحدة تضحك انتبهوا الكل للصوت ممعقوله هاي مو صوت اختهم هي يم رجلهة بلبصرة
اندار علي لكاهة اميرة
هاي علة شنو اتضحكين
علة خسارتكم
كللهة لؤي اخو علي الصغير
انتي المن اتشجعين
اخاف اكول وتلتمون كلكم علي وتكتلوني كالته بلشقة
عرفت انتي ريالية واشر ﻻخوته وبعدين اشر عليه
هجوم هاي عدوة وركض وراهة وهي تتختل من غرفة لغرفة
والكل يضحك وهي اتضوج بيهم وتريد تقهرهم
موتوا غلبناكم اثنين صفر هههه
وحجيهة ينرفزهم ويلحكوهة لحد ملزمه محمد اخوه
ومحمد تقريبا بعمرهة بيناتهم اشهر وبدة يضربه بلشقه
وهي تضحك
محمد
تعالوا لزمته للخاينه
بس المنظر معجب علي حس بشي مو طبيعي محب محمد يلزم
زوجته بهاي الطريقة(غيرة الرجال طعم الخنجري)
صاح عليه
يله روحي سوينة جاي
واخوته اطشروا كلمن راح بمكان
راح وراهة للمطبخ وهي دايرة وجهة عل الطباخ
اندارت علة غفلة لكته كبالهة
هاهه اميرة تتنفس بقوة
خوفتني
اخذ القوري من ايدهة ورجعة علة الطباخ
شوفي شقه ويه اخوتي ما اريد افتهمتي
بس ذوله هم اخوتي وبعدين سكتت شويه ورفعت راسهة عليه
او بمقام اخوتي يعني شكو بيهة اذا اتشاقيت وياهم.
شنو ياربي هاي عيونه قاريه عليهن حته تسحر بهذا الشكل
بس ﻻ اني ﻻزم اقاوم
علي يحاجي روحة ويكمل
ﻻزم اقاومهن بس هي زوجتي ﻻﻻ والوفة وين راح لفاطمه
كلهة شكم شهر اتحمل نزوة وتروح
كل هذا وهو بعدة واكف صافن بعيونه
بعدين تركهة وطلع من المطبخ وراهة بدل وطلع برة
والجاي صاحت اميرة
دخلي اطلع من البيت ﻻ اسويلي ورطة بكد راسي انعل ابليس شكد يقرة براس البشر
وحاول يتجتبهة لاميرة هاي الفترة ومتصير قريبه منه
ﻻن اكو مغناطيس قوي بيناتهم كلما توكف بصفة او تتقرب منه
علي ويه امه
يمه هي ترة مرتك صارت علة سنه الله ورسوله ليش انت
تخليهة تنام ويايه اني هم اريد اشوف ابنك قبل ما اموت
هي ما عدهة كول صوج بنت مسكينه ويتيمه وحظهة الي جابه
هنا وهاي صارت امانه بركبتنه حرام شنكول لربنا باجر
علي معرف شي جاوبه ﻻمه يكول اني كولهة شكم شهر
وعايفهة ليش اورطه ويايه اكثر .
ابني روح نام بغرفتك واني راح انام هنا بلخطار هو اني خطار بهل الدنيه
باس ايد امه وكال ﻻيمه لدكولين هيحي انتي الخير والبركه
مال هذا البيت
لعد اسمع كﻻمي وروح لمرتك شتريد يكولون عليك العالم مو كدهة
هاي شنو منج يمه
اي الي يشوفك ميكول غير هذا الحجي وخلي تسمع مني
ﻻمن احد ولتزعل انت ابني واعرف كده .
ههههه ضحك علي حته يسد الموضوع (ويكول ويه روحة
اني هيجي بعيد عنه ومااكدر اتحاشاها لعد لو نمت وياهة
بلغرفة شراح اسوي)
العصر اميرة تخسل السطح والبيت يخر مي من فوك عل الجوة قصة بقلم الكاتبه ذكرياتتت الحياةةةةة
طب علي
هاي شنو .
امه هاي اميرة الله ينطيهة دتنظف السطح حتة انام بي
حارة بليل والكهرباء مال السحب عطﻻن
شلون تخليه تصعد بلسطح وهذا حسوني المطيرجي
انت كولشي اتسوي بيهة مصيبه عوفهة راح انخلص
شتخلص وكع كيس الفواكه الي جان بيدة
وراح يركض للسطح.
هلة هلة وين هي كامشه الصوندة ومدنكه ورجليناته البيض طالعة من ثوبها الي رافعته بلباسه ورجلهة المحجله بحجول
تلمع وشعرهة ﻻمته ليوره مطشر خصله هنا وخصله هناك
ومدنكه وتكنس
علي ولج اشدسوين بنت الكلب خزيتينه
اتفاجئت بي خطيه شمرت الصوندة والمكناسه عليه وبللته
وركضت صاروخ علة الدرج وهو وراهة وختلت ورة عمته وهي تصيح دخيلج عمتي لحكيلي علي يريد يكتلني
تصويتتتتت
ولك يمه عوفهة
اليوم اله اطيح حظهة
اني شمسوية بس كولي
واطب بعيني وادكول شمسويه
يمه عﻻوي اني كتله نظفي السطح
انتي يمه متعرفين حسوني اربع وعشرين ساعة بلسطح
ﻻﻻ يمه هو مو بلبيت همه طالعين البيت فارغ ام احمد كلتلي
