#قصص_عراقية_حقيقيه
#الكادحة_وابن المسئول
بارت بارت بارت1 الى بارت بارت 15 الأخير
للكاتبة كوثر(فقيرة الحظ) السماوي
#البارت #الاول
دب دب طح طم اوووف الضرب من كل الجهات علية الله واكبر هاي شبيجن ترى ماكو هيج شي تگعدني يومية بلكتل وضرب ورفس كعدني مرة وحدة واني اعرف وقتي مو كل اشوي جاياتني دگ كتل بيه يلا معذورات ضاغطجن اني
نورس: انتي ضاغطتنة خايبة ماتطيرين كومي ابوي يصحلج يلا يريد يطلع
سرى : گايمة واخذت المخدة وضربت نورس وايمان وركضت وركضن وراي
بوجهي اصيح لبابا تعال ليهن شنو يومية مشبعاتني كتل
ابو ايمان : يافتاح يارزاق ياعليم ياكريم ولجن ساعة 5 ااصبح بديتنها عرك ماتملن يومية ع هذا الموال مللتني وعيطت عليهن وين الريوك
سكتن وكلمن راحت لشغلها ايمان تحضر ريوك نورس ما عدها شغل رجعت نامت بس كعدت تخبث ع سرى
فدوة سراوي راحت تكمل نومتها بلحمام اااخ يابوية شبيدي عليجن واغير حياتنة
كل يوم بنياتي ع هذا الموال صح اصرخ عليهن واحجي عليهن بس ظاهريا
اما الحقيقة فرحان ومتنونس ع سوالفهن الله رزقني بيهن وما رزقني بولد سرى تكول ع نفسها هي ولد اني الك ولد وبنية واني ذراعك اليمن واليسار وكلشي وكلاشي الك وامهن ماتت قبل خمس سنوات
ايمان: كل يوم اخذ موبايل بابا واوقتة واكعد بل.4
اول شي اسوي اكعد نورس واكول الها يلا وقت الخباثة
نورس ماتكول باطل تكعد ونروح ل سرى نكعدها مرة وحدة وبعد دقيقة نهجم عليها نكتلها كتل ونكعدها خطية تقاوم مرات تعيط يو تضربنة وتروح ل بابا تركض يرزلنة بابا وكلمن تروح ل شغلها احضر ريوك واخلي گدام بابا
هم اروح ل سرى بلحمام اكو شباك بلباب مكسورة جامتة طبعا احنة كسرناها من كثر المرافس اباوع. عليها كاعدة بلحمام وفاتحة الحلك ونايمة
شسوي الها مرات ارفس الباب اخليها تطفر من مكانها تصيح اجيت بابا اجيت
يو اشمر عليها ماي من الشباك يعني خطية منا لمن تطلع وي بابا فلم لاعبة بيها اخيتي اصغر مني ههههههه رويسية احنة مانشبع من العرك احبها واموت عليها خبلة والسانها ماتردة وتصرف مثل الولد
يطلع بابا وسرى لشغل ارجع انام اكعد بل 10 اني ونورس ننتظر سرى لمتة ترجع ع احر من الجمر شنو جايبة اليوم النة
اني عمري 22 سنة حلوة جسمي رشيقة بيضة بشرتي شعرنة اسود طويل وعيونة عسلي اني واخواتي احللانه سراوي عندي شهادة سادس ادبي سرى ونورس سادس وتركنة بس اخذنة الشهادة بابا ماعده امكانية للكليات داومت بلكلية اسبوعين وبطلت انحرجت من الطلاب لبس وترتيب وفلوس
ماعندي غير تنورة وقميص اسبوعين داومت بيهن تالي ضحكو علية وبطلت والكلية بعيدة رايد الها يومية كراوي واستنساخ المحاضرات وكذا
سرى ماداومت هي ونورس خافن خاف يصبرن نفسي
سرى ; عمري 20 سنة وكحة كلش السان وتصرفات وخبال جسمي حلوة شعر طويل عيون عسلي احلى اخواتي مضغوطات مني ويومية الصبحية موكلاتني كتلة ولاعبات بية جولة بس العصر يجن يتوسلن بيه واني ما اقصر اامر عليهن ويخدمني واطلع حركتي بيهن مال الصبح
