#قصة_ساجدين
الجزءالاول والثاني والثالث والرابع والخامس والسادس والسابع الاخير
القصه حقيقه
اني ساجدين راح اتكلم الكم عن قصتي وبقية الاشخاص راح اذكرهم اثناء القصه
اني طالبه مرحلة أولى كلية آداب قسم الإنكليزي دخلت للجامعه هدفي أكمل دراسه يعني لااعيش حبيات ولاشي عادي كأي بنيه حلوة وخلوقه وثكيله تجيها قسمه بين فترة وفترة بس اني أرفض وبقت هاي الحاله وصديقاتي يكللي نريد نشوف منو سعيد الحظ الي راح توافقين علي 😅
إلى أن وصلنه ل امتحانات الفاينل قبل 3ايام من نهاية الامتحان يعني بقه 3مواد رحنه للمكتبه نشتري بعض مستلزمات الامتحان جان بيومها حارة كلش وتعبانين فدخلنه للمكتبه أبو المكتبه جان عده سبلت اني كعدت كلت لصديقاتي خلوني كاعدة وانتوا اشتروا هنه يضحكن عليه المهم بهاي الأثناء دخلوا مجموعة طلاب الي عرفنا همه من الإدارة وإقتصاد عدهم زخم على مكتبه مالتهم ف اجوا لمكتبة الآداب واحد منهم ضل صافن علي ويحجي وي جماعته اني سويت نفسي مو يمهم تالي حسيت باحراج كلت لصديقاتي بالله خل نطلع هنه ضحكن كالن ها مو كلتي خلوني صار الوضع صعب لان ابد نظرات هذا الولد مفكتني اني حاولت مااحجي وطلعنه كوة جريت صديقاتي ورة مطلعنه طلع ورانه يشوف وين احنه من اي كليه ورة يوم شفت الولد بقسمنه اني استغربت بس ابد مباوعلي اني كلت يمكن مو علي شفته يم أحد اساتذتنه يحجي وراها راح اجيت امتحن واني كاعدة إجه الأستاذ الي جان هذا الولد يمه البارحه كلي ساجدين من تخلصين امتحان تعاي لغرفتي اني كلت أكيد ممجاوبه بالامتحان وجاي يكلي الله يستر بعد أن خلصت رحت طبعا وميته خوف كتله نعم دكتور كلي اكو ولد يريد يتقدملج واني اعرفه معرفه شخصيه واعرف أهله وكعد يمدح بيهم اني من ثولي راح عن بالي ذاك الولد كتله أستاذ اني أريد أكمل ومن هل حجي كلي اي تكملين هوة معده مانع وأنت ويا نفس الجامعه المهم أثناء الحجي عرفته يقصد منو طلع الولد الي شفنا بالمكتبه طبعا اسمه إبراهيم كلية إدارة وإقتصاد قسم محاسبه من عائله غنية ومعروفه قنعني ان اشوفه واحجي ويا كلي يجي بعد ان يخلص امتحان اني كلت خل نشوف الصراحه اني من أول مشفته انعجبت بي بالمكتبه بس بعدني مااعرف شنو يريد لمن عرفت نية خطبة كلت خل أشوف كالت الأستاذ هوة يشوفج ويجي اني كلت لصديقاتي تعالوا وياي استحي كالن نبقى وياج بس لمن يجي الولد نروح كوة اقتنعت إجه سلم جان كلش مرتب واثق من نفسه وكلامه كلش حلو المهم طبعا بس هوة يحجي واني ام لسان شطوله بقيت ساكته أجاوب على كد السؤال😛
بعدها كلي باجر مااجي معندي امتحان وراها اجي وحجالي عن وضعه وحالتهم.
تصرفاته حلوة يعني تعجب كل بنيه اني ضليت بقلق لان هوة احلى مني واغنى كلت خاف يشوف نفسه علي اني مو كلش مو حلوة جمال طبيعي بس هوة احلى مني بهواي
صار ثاني يوم ولزمتني إحدى الدكتورات عدنه وكلتلي عن ابراهيم وبدت تحجيلي عنهم كالت معرفة أقارب احنه وياهم وهمه من بيت فلان عائله معروفه هوة ازغر اخوانه أبو مالك قطع وبنايات ومسجل نصهن باسمه عدة خمس إخوة وثلاث خوات وأمه مديرة مدرسه أبو توفه بحادث سيارة من جان ابراهيم بالاعداديه ضليت اسمع كالت واجه حجه وياي عنج كتله ساجدين من الطالبات الجيدات عدي المهم دار حديث عنه وراها رجعت للبيت خبرت الاهل إجه ثاني يوم للقسم يم الأساتذة وراح مااجه يمي اني ضجت بداخلي قبل لااطلع إجت وحدة من صديقاتي كالت دكتورة تريدج روحي للقسم رحت لكيتها عدها مراقبه كلتلي ساجدين ابراهيم يجيب أهلها بالعطله همه يجوكم واخذت العنوان مني ونطيتها عنوان بيتنه كلتها ان شاء الله واني لاعدي اي اتصال بي شلون اعرف شوكت يجي المهم أخذت النتيجه وناجحه صارت العطله صديقاتي يسالني اجو أهلها كتلهم لا 😔 واهلي يسالوني كلش نقهرت ونست السالفه
ورة كم شهر اندك باب بيتنه أمي فتحت الباب صار سلام أمي عرفت ذول أهل ابراهيم دخلتهم أمي ورحبت بيهم ماسولفلكم على خبصه الي بيتنه ولامحضرين شي 😅 الي جاي أمه وأخته وخالته ومرت اخو ومرت عمه ابراهيم مدليهم البيت ورايح لان هنه جايات بسياراتهن أمه كلش حلوة عيونها ملونه ولاجنها كبيرة شكلها زغير لابسه سترة وتنورة لبسها حلو البقيه هم ترتيب وأخته هم حلوة كالوا نريد نشوف البنيه خل نشوف ذوق ابراهيم وكالوا احنه تاخرنه عليكم لان جان ابراهيم مسافر بشغل للشركه. إجت أمي لكتني ملابسه😲 كالت يالله على سريع بدلي وتعاي واني محتارة شلبس فاتحه الكنتور وصافنه.
ها صح نسيت اكلكم اني عدي 2اخوان واني بس🤗. وماماتي وباباتي كوة لبست تنورة وبدي ودخلت سلمت عليهم رحبوا بيه وأمه تباوعلي وتبتسم 😊 وراها أمي كلتلهم انطونه مهله ونسأل عنكم.
وراها سالنه طلعوا الحمد لله وتمت الخطبه سويناها بقاعه وجنت كلش فرحانه عزمت كل صديقاتي وجنت طايرة ويجيني مخابرات عادي لهنا تمام هاي كلها بالعطله الأحداث هسه نداوم مرحلة ثانية منتظرة ابراهيم يجي عليه نروح للجامعه يعني راح ندخل واحنه مخطوبين😄
اني هسه انتظر ابراهيم يجي عليه وانتم ابقوا انتظروا التكمله بالجزء الثاني😉
أحداث مشوقه حبيباتي التكمله بلتعليقات تفاعلؤؤؤ
