Ba't ba'y lagi kang nasa isip?
Hindi mabura-bura ang iyong mga ngiti at labi sa aking isip
Palagi na lang ikaw, ikaw, ikaw ang laman ng isip
Hindi na makatulog, makakain kakaisip ng iyong mga salita
Salitang hindi mo kayang ibigkas pero kayang-kaya mo namang ipadama
Ba't ba'y sa'yo pa nahulog
Ang pusong laging hinahamon ng pagsubok?
Ang pusong ang iyong pangala'y tinitibok?
Huwag kang mag-alala andito ako palagi
Naghihintay sa puso mong namamalagi
Pagdating ng panahon, maging tayo man o hindi
May kinabukasan man o wala
Tandaan mong, hinding-hindi ko pagsisihan
Na minahal kitang walang hangganan
