ود قعدت من النوم و هي مفزوعة خايفة تتأخر و ما توصل قبل جرس الطابور الصباحي
ود راحت تصلي و تسبح و لبست الزي الرسمي و الشال و العباية و نزلت
ود دخلت المطبخ : صباح الخير
ابراهيم : صباح النور يا بنيتي
أحلام (بدون نفس) : صباح النور
ود : مسامحة يا أبوي بس متأخرة عن المدرسة
باخذ اكلي معاي ممكن وحدة من الخدم تغلف لي السندويش
ابراهيم : اكيد يا بنيتي ، لحن غلفي أكل ود بسرعة ، و على فكرة أخوش ما قدر يسافر أمس
لأن أمكم أتصلت على تلفونه و قالت له إذا ما رجعتين معاه لا يرجع ، و عطيته
الغرفة الي صوب غرفتش راح تكون له لأنه راح يضل هني ما راح يسافر ابداً مرة ثانية
ود بفرحة كبيرة : صج راح يضل هني ياااااااااي شكثر فرحتني بهالخبر يا بابا
أخذت ود الأكل المغلف و كانت بتمشي (يا كبر فرحتي بهالخبر)
أحلام : راح تتأخرين أخذي أكلش و أمشي لمدرستش بسرعة
ود ابتسمت : يالله اشوفكم على خير ادعوا ليي بالتوفيق
ابراهيم : ما كان في لزوم لكلامش مع بنتي بهذي الطريقة ، ما ابغي مشاكل
لا من طرفش و لا من طرفها
ود طلعت من البيت و مشيت لمحطة الباص و لما وصلت شافت الباص موجود
اسرعت و ركبت الباص
ود (يا كبر فرحتي بوجود اخوي معاي بنفس المكان ، اشتقت لمكي يا ترى
راح يدرس هني و لا راح يضل بالكويت لازم اتصل عليه لما ارجع من المدرسة )
و صل الباص للمدرسة بعد 15 دقيقة بسبب الزحمة
نزلوا الطالبات و دخلوا المدرسة
ود (شنو صاير شالسالفة ؟؟ اذكر لما كنت ادرس بالبحرين ما كان فيه
مدرسات يستقبلون الطالبات)
طالبة : بنات تجهزوا في تفتيش على الاظافر و الشعر و يمكن بعد التلفونات
ود (تفتيش ... لو ما فيه تجاوزات واااجد اكيد ما كان فيه تفتيش)
وصلت ود للمشرفة
المشرفة سمية : أنت أول مرة اشوفش أنت طالبة جديدة ؟؟
ود : ايه اني طالبة جديدة
المشرفة سمية : روحي مكتب الإشراف و انتظري مع الطالبات الجديدات
ود : إن شاء الله و راحت مكتب الاشراف
..........
طالبات النظام كانوا يمشون بالزي الخاص فيهم
أنت تقرأ
حبيبي المزيون
Romanceبسم الله الرحمٰن الرحيم اللهم صل على محمد وآل محمد وعجل فرجهم وفرجنا بهم يا كريم يا رحمٰن يا رحيم. السلام عليكم ورحمة الله وبركاته. * تنويه : ما ستقرأه في الجزء القادم هو الوصف لعنوان الرواية وهو مقدمة للرواية أيضًا، الرواية ليست كئيبة لمجدر تواجد ه...
