حبيبي المزيون

الجزء الثالث

بيت الجد شاهين 

الجدة ما تقدر تسهر كثير خصوصا انها كبيرة بالسن معها الضغط و السكر و لازم تاخذ ادويتها بوقتها فقامت و بما انه النظر عند الكبار يكون بشكل معدووم ولازم نظارة و هي ما لها نفس تلبسها قالت : يالله يا بنات اني بروح انام بس اذا تقدرين يا ليلى او يا فاطمة تجي وحدة تعطيني ادويتي و ترجع تكمل سوالف معاهم

ليلى سبقت فاطمة :  اني بجي وياج و فاطمة لا تنسين الي قلت لج عليه اوك؟

فاطمة : اوك دقيقة وحدة و كل طفل يلحق ابوه (طردوهم لانهم اما يتهاوشون و يصيحون ولا كله يتدلعون و يطلبون شغلات و اشياء ما يقدرون يعطونهم اياها في الليل)

و فاطمة نادت على سعاد الي كانت من البداية تروح و تقعد مع الاطفال و تلعب معاهم لانه لو خلوهم بروحهم كل واحد بيضرب الثاني و بيتهاوشون من كثرة الملل و لانه محد يلعب معاهم

سعاد : هلا شنو بغيتي 

فاطمة : الجهال لو سمحتي طرديهم على مجلس الرجال و تعالي نبغيش ترى كله معاهم ما سولفنا معاج شيء

سعاد : اوك قولي لزينب تجي بسرعة علشان توديهم بدالي تراهم هلكوني لعبي معانا قالوا لعبي معانا

فاطمة : زينب الله يخليج قومي و ديهم تراهم صدعونا كله يتحججون

زينب و هي واقفة تلبس العبائة و الشال : اوك ثواني

.........................................

لبست زينب العبائة و الشال و راحت نادت على الاطفال : عمر منيرة عادل عباس جنات يالله قوموا بروح مجلس الرجال عندهم PS3 علشان تلعبون فيها و تتسلون وتجننونهم يالله

(اذا تبغي تقنع طفل صعب الارضاء لازم تتحايل فيه يعني تقوله مثلا طاوعني واعطيك حلاوة هذا معناته انج قاعدة تتحايلين فيه)

الاطفال كلهم بصوت واحد و منفعلين و متحمسين للعبة : يالله الحين يالله ودينا يالله

زينب يالله كلكم قدامي سوو لي قاطرة من شخصين و امشوا قدامي يالله بروح من جهة المطبخ علشان ما تتوسخ رجايلكم او يصيدكم شيء من الرمل الي بره يالله

و الاطفال تشوفونهم كنهم صااااااروووخ ما شاء الله اصطفوا و مشوا على المطبخ و هي تمشي و راهم و لما وصلوا للباب الي فتحته بمجرد انها تسحبه على جهة اليمين و راحت الى المجلس و طقت الباب 

داخل مجلس الرجال

كانوا ضاربينها ضحك و سوالف و لعب PS3 طبعا لازم سباق سيارات ولا قتال تحدي 

و لما اندق الباب ضربوا Start و وقفوا اللعبة

و قام فتح الباب 

دانيال فتح الباب و طلع و قف بره المجلس

وزينب ما توقعت انها تشوفه( كان شكله متغير بالنسبة لها كثير و محلو و حتى انه نحف و صار طوله يناسب شكل جسمه)