حياتي ليست ملكي

حياتي ليست ملكي البارت الأول

لماذا دائما تكون المرأة مضحية هل خلقت فقط لكي تضحي ام يجب أن يكون هناك أيضا من يضحي من أجلها لكن لم أجد من يضحي من أجلي فقط انا من عشت مضحية قصتي ليس كبقية القصص لا أجد السعادة ولكني اخلق السعادة لكي أسعد بها نفسي
اني سجى عمري حاليا 25 سنة طولي متوسط جسم أنثوي شعري يوصل النهاية خصري لونة جوزي طوخ عيوني سود لون بشرتي حنطي فاتح يعني جمالي عراقي جنوبي من أهل الجنوب ...
نرجع للماضي يعني قبل 10 سنوات بالتحديد أعيش في إحدى محافظات العراق الجنوبية من عائلة محافظة عدها البنية عار ولازم يحمون نفسهم من هذا العار عندي أربع اخوات غيري ثلاثة متزوجات ولد عمامي واني وعندي أختي أصغر مني عمرها 9 سنوات اخواني 5 محمد حسين عمر علي مصطفى اخواني علاقتهم بية مو زينة لأن جنت بس اني الممزوجة يعني حاكميني طلبات أكلهم ملابسهم تنظيف غرفهم باب الشارع ممنوع أوصل الشباك ممنوع اوكف يمةNoor Adel السطح ممنوع اصعدلة ومن اصعد أشر الملابس أما أمي تصعد وياي او واحد من اخواني إذا موجودين يعني حكم جور أمي مرة لا حولة ولا قوة علمتني على العادات والتقاليد والعيب والحلال والحرام يعني جميع الأمور اللي لازم اتعلمها أمور البيت كولها أعرفها جنت دائما أضحك واشاقة ويا اخواني حتى لو يهينوني أضحك لأن أحبهم وملبية كل طلباتهم...
احنا طبيعة المجتمع العايشين بي عبارة عن فصول وكتل وأخذ ثأر جانت عدنا مشاكل ويا عشيرة ثاني ولد من ولدهم ويا اخوية محمد بيوم اجى محمد للبيت مرعوب واتصل على اخواني البقية وعلى ابوية جان التليفون الأرضي ماكو موبايلات مثل هسة اجوي اخوي وعمامي وابوية وصار العياط اني وامي واكفين منعرف القصة وامي خطية واكفة وتلوب إلى ان اجى اخوية مصطفى وسئلتة أمي كاللها انو محمد ضارب ابن ذيج العشيرة ومات وهسة يريدون دم محمد أمي كامت ادك وتلطم يمة ابني راح يروح مني يمة كم مرة كتلة عوفة للولد يمة راح يجر الدم اني تخبلت على أمي تخربطت وبنفس الوكت خايفة من اللي راح يصير أمي صعد ضغطها ومسكتت عن الطم والبجي راحوا شيوخ من عشيرتنا وطلبوا عطوة ثلاث ايام من أهل الولد اهلي كانوا يحسبون شكد عدنا ويجمعون مبلغ زين حتى يسكتون بي أهل الولد خلصت الثلاث ايام وراحوا مشية كولش جبيرة لأهل الولد بعد مرور ثلاث ساعات من القلق وبجي أمي ودعائها اجوي ودخلوا للديوانية ( يعني الإستقبال ) وسمعنا حجيهم ومناقشاتهم ووافقوا على شروط أهل الولد راحوا الناس الموجودين ودخلو ابوية وخواني وهمة فرحانين أمي كالتالة بشر مبين السالفة فضت كلها اي الحمدلله اخذو مبلغ بسيط وفصلية الأم.. شلون فصلية يمة وادكولون نحلت ومنين الفصلية .الأب. اكيد ضحى لعد منو اكو غيرها .الأم. يمة بنتي شلون تقبل أبو مصطفى شلون كلبك ينطيك هاي بنتك وضناك ابوية واخواني كامو يحجون على أمي وانو اول وتالي راح ازوج وكبرت بعد لازم ازوج أمي بس تبجي وتكلهم حرام عليكم بعدها صغيرة ليش هيج مهتموا الكلامها ابوية كلي سجى حضري روحج باجر من الصبح انتي رايحة لأول مرة بحياتي اعترض على شي كمت ابجي واصيح كلتلهم حرام عليكم متخافون الله موديني للموت اني بشنو قصرت وياكم اندارو علية خواني شبعوني كتل يكلولي لازم منتضرة شخص ومتقبلين تروحين فصلية غصبا ماعليج تروحين ابوية كال اضحي بيج ولا بولدي ركضت للغرفة هية مو غرفتي الخاصة لأن ممنوع غرفة بيها بوفية وغراض خطار أنام بيها اني وأختي الصغيرة المهم طبيت ابجي واكول حسبي الله ونعم الوكيل على كل ظالم صح راح ادكولون ذولة اهلج وغلط هيج تحجين عليهم ترى هشي حقي الشفتة منهم مو شوية ولا عبالك اني بتهم المهم دخلي محمد شبعني كتل كال تريدين اموت لعد كتلة منو كلك تروح تكتل الولد كام يدفر بية لحد مامل وطلع بقيت الليل كلة ابجي سمعتNoor Adel إذن الصبح كمت سبحت وصليت وقريت شوية قرآن ولميت ملابسي شوي ودخلت أمي حضنتني وكامت تبجي كالت يمة تحملي وسلمي امرج بيد ربج هوة قادر على كولشي ولو شميصير بيج يايمة لا تركين الصلاة والصبر يايمة مفتاح الفرج شوية وسمعنا الباب تندك طلع اخوية شوية ورجع ودخلوا ورى أخواتي ركضت حضنتهم وابجي همة الوحيدات الزينات وياي ويحبني وكل مايجن يجيبن آلية ملابس وغراض اجوي أخواتي حتى يشوفوني كمنة نتحاضن ونبجي دخل محمد كال الله يكفينا شركم شعدجن من الصبح سكتنا وعفنا دخلنا للغرفة كامن يواسني المهم ورى شوية صاح ابوية كال يلة تعاي تأخرنا على الجماعة بدلت دشداشة وربطة جانت وعباية رأس واخذت جنطة ملابسي وطلعت .وصلنا البيت الناس اللي راح أكون فصليتهم والخوف يتملكني شراح يكون مصيري وشحيصير ابوية كلي ارفعي راسي وارضي أهل زوجج اني مباوعت علية لأن كلبي صاير نار ما شوف إلا شخص جرحني وطببني البيت جان بيت مو كولش جبير ولا اصغير عبارة عن غرف متفرقة والنص مفتوح يعني البيت ممقبط شمرني بغرفة وكال الاهلة هاي الفصلية شوية ويجي السيد نعقد الموجودات كولهم يباوعلي بعين غضب وكولهم لابسين اسود على ابنهم خطية استخطيتهم لأن همة هم حقهم ابنهم مات بس اني مو السبب والله حرام ادفع ثمن شي ممسويتة جنت شاردة بتفكيري وحسيت على وحدة جرتني وتغلط واضرب بية وادكلي اخت المجرم القاتل قتلتوا زوجي الله لا يوفقكم حرمتوا ابني اللي بعدة ماشاف الدنيا من ريحة أبوه ونغمى عليها كولها ركضتلها ويذبوت مي عليها وصحوها اني ماكو اي صوت بس الخوف متملكني الدموع نشفت من وعيوني كانوا رافضة تنزل كالت وحدة من البنات هي انتي مجايبينج تصفنين يلة كومي عدنا خطار لازم نضف حسبي الله ونعم الوكيل اخوية مات بسبب اخوج . من خلال كلامها عرفت هاي اخت الولد المات كمت اشتغل من الطبخ جان لازم اطبخ كمية جبيرة لأن ناس هواية عدهم للتنضيف لغسل الامواعين على ركضة نوب حضرت العشا وهم غسل امواعين العشا اجتي بنية شابة كلتلي تعاي حبيبتي اني اصير مرت حماج اسمي سندس أدري مو ذنبج بس شسوي اتحملي ادخلي للحمام اسبحي وارتاحي راح يجي السيد يعقد رحت سبحت حسيت براحة وبدلت لبست دشداشة سودة هاي من ضمن الأوامر انو ماالبس ألوان ابد طلعت مشطت ولبست حجابي صاحو علية لبست عباتي وعقدلنا السيد اخذتني اخت الولد اسمها أفراح كالت يلة يلفصلية هاي غرفتج دخلت الغرفة جان بيها بس بوفية وعليها كم فراش والكاع مفروشة وطولها وعرضها ميجاوز 3 مترات فرشت افراشي ردت أنام جان افز على صوت باب اندفر طلع نفس الولد اللي ازوجتة واللي سحلني الصبح من ايد ابوية جان اسمة حمزة المهم دفر الباب وعيونة مليانة حقد وشرار قفل الباب أتقدم واني ارجع ليورة نزع الحزام الجان متحزم بي وشبعني كتل جرد مني ملابسي بقيت بدون ملابس اباوعلة كام يبلعم اني بس ابجي مااكدر حتى اصيح كتلة الله يخليك اني ممسوية شي والله اني مظلومة واجيت غصب هوة استمتع بالضرب بعدها سحلني من شعري وشمرني على الفراش نزع ملابسة وجان يكول خلي نشوف شرفج شلونة وجيت علية مثل المخبل وبدون اي مقدمات بوحشية أخذ اللي يريدة وأخذ النيشان لبس وطلع لبست دشداشتي وطلعت سبحت واني انعل اليوم الصرت بي .............يتبع شنو رائيكم حبايبي اكمل لو لا عجبتكم