القصة تحكي عن فتاة تجبر على أن تضحي وتصبح فصلية فماذا سيكون مكتوب لها وهل ستكون نهايتها مثل بقية الفصليات وسيعشقها زوجها هذا ما سنعرفه من خلال الأحداث اتمنى أن تنال اعجابكم
أبو سجى : سجى بنتي 😢 بابنيتي ياشمعة بيتي شلونج بوية شخبارج شلون امورج صحتج أبو حمزة : يلة يابة اني استئذن ... راح أبو حمزة دخلت للبيت شفت أمي كبارنة 20 سنة ليكدام الوحيدة متأثرة بطلعتي بابا هم متندم وصاير بي سكر همة الإثنين حضنوني وكامو يبجون ويتعذرون أما اخواني فسلامهم عادي وكعدت سولفتلهم من اول يوم رحت بي البيت حمزة لحد ماطلكني ودموعي ودموع أمي وابوية مانشفن اخواني تخبلوا لأن اطلكت ورجعت عليهم بالكوة سكتهم ابوية اخواني حسين وعمر مزوجين أخوات غريبات أما علي مزوج بت عمي زوجات عمر وحسين درة مال الله ويعاملني على انو اني اختهم الصغيرة صارت كعدتنا سوة ضحكتنا سوالفنا نسوي أكل ومعجنات سوية وخطية من يطلعون بحجة دكتور او سوك يكولون ل عمر او حسين أروح وياهم ويشترولي ملابس صارو حسين وعمر يتخبلون علية وكل ما محمد او علي يحجون يسكتوهم ويكلولهم كافي ال صار بيها من ورى اسلوبنا وانانيتنا زوجة علي عود بت عمي بس عبالك عدوة آلية تحجي برأس علي ويجي يشبعني كتل بدون ممسوية شي او تعيرني يالمطلقة ادكولي لو بيج خير مااطلكتي جنت اسكت اخاف من المشاكل واحلف بزوجة عمر وحسين ميكولون لخواني حتى لا اصير مشكلة صارن همة أخواتي ابجي عدهم واحجيلهم همومي كما أصبر روحي بااطفالهم العب وياهم وابدللهم والبسهم اني احب الأطفال كولش بس هم بهاي وزوجة علي معافتني تروح ادكول ال علي اني افرق اطفالها من أطفال عمر وحسين وهم يجي يدفرني حتى لو جنت على أكل كاعدة يدفرني ويكولي لا تفرقين فوك مارجعتينا مطلقة نوب هيج تسوين عاد كمز علية ابوية وعمر وحسين ورزلو كلة ابوية إذا ميمشي عدل يطردة كافي ال صار من وراهم بقت هاي حالتي ويا اهلي سنتين جانوا يتقدمولي بس كولهم إكبار بالعمر وجنت مااقبل لأن كلبي خلص واشبع بجي من محمد وعلي يضغطون علية حتى اوافق بس ابوية واخواني الإثنين ميقبلون كالو بعد منجبرها ومرة من المرات اجتي زوجة عمر وحجتلي على كرايبهم ولد عمرة 30 سنة وعندة بنية عمرها 4 سنوات وزوجتة متوفية بسبب عجر عدها بالكلة ويريد يزوج وزوجة حسين هم ايدتها اني كمت أفكر بس خفت لا أفشل لأن همة من أهل بغداد الولد جان اسمة أيمن وبعد ماقنعوني انو اني إلى متى راح أبقى هيج وهم لازم يصير عندي ولد بنية يلمون كبرتي بقيت أفكر أسبوعين بعدين كتلهم إذا اهلي قبلو اني أوافق ورى أسبوعين اجتي ام الولد واخواتة اني لبست دشداشة لون وردي طوخ وخلتلي زوجة عمر اسمها سمية مكياج خفيف ام الولد واخواتة فرحن بية واني هم حبيتهم لأن مبينين ناس حبابين ومو متكبرين المهم ورى أسبوعين اجى الولد واهلة وعقدنا سيد وكالو أسبوع الجاي لازم انروح البغداد ونعقد ونشتري ذهب وملابس رحت اني وامي وزوجة عمر سمية وزوجة حسين لأن جانوا كرايب الولد همة رحنا اول موصلنا بغداد البيت عم سمية هناك بقينا يمهم ثاني يوم اجى الولد وأمة يصير الولد ابن عم أبو سمية ورحنا عقدنا محكمة واشترينا بس الذهب وكالت ام أيمن ثاني يوم نشتري ملابس اني وياها وبتها وزوجات اخواني اشتريت الملابس على اذواقهم اشترولي ملابس مخصرة كلابيات مخصرة وتراكسودات مكياجات طبعا اني مااعرف اخلي مكياج بس سمية كالت اعلمج جانت الأحداث بهذا الوكت خطرة بسبب الحرب ويا أمريكا ب 2003 ومنعرف شراح يصير أهل أيمن كالو خلي تهدى الأوضاع ونزوجهم المهم صارت الحرب وأهل أيمن وأيمن جوي يمنا طبعا هش صار بعد الحاح حسين الهم لان جانو كرايب زوجتة قبل لا يصيرون عيالي بقوأ شهر بهذا الشهر تعرفت على اهلة أكثر وعلى بنتة جانت كولش صغيرة وعودتها علية أخوات أيمن كامو يعلموني شلون ألبس وشلون اصرف وشلون احجي حجولي عن أيمن هواية وشلون جان يموت على زوجتة وشلون طبعة كولش نعجبت بي جان شغل أيمن استيراد وتصدير شركة يكولون مو كولش جبيرة ولا اصغيرة اني حسيت حياتي راح اصير احسن بس جنت خايفة لا ايمن ميحبني وخاصتا هوة جان ابد ميحجي وياي بحجة احترام الأهلي قربت رجعتهم البيتهم لأن الأوضاع صفت والناس رجعت لبيوتهم قبل روحتهم غيرو اخواتة هواية بشكلي وعلمني احط مكياج وعلمني شلبس بيتي لأن راح أكون بيت مستقل علمني شلون اسوي شعري واني جنت هم مقاصرة يكولون حلوة وبعد التعديلات صار هذا شكلي 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
