:::::::::::::::::::::::::::: بعد مرور شهرين
سما: سجى يلة حبي اختاري والله تعبنا 😭 اوك شوفي هاي البدلة كولش حلوة
سجى: اوك حبي هاي حلو تصميمها
سما تكون حماتي الصغيرة كولش طيوبة وساعدتني بتجهيزات زواجي اليوم طلعنا اناجر بدلات ونحجز صالون طبعا كولش تعب بس فرحانة كولش اول مرة أحس اني الي قيمة واكو حياة راح أعيشها واشكر الله واحمدة لأن مجنت متوقعة راح أخلص من حمزة بس الحمدلله الله مينسى عبدة المهم طبعا الزفة راح تصير من بيت عم زوجة عمر وحسين منكدر الزفة من محافضتنا البغداد اول شي لأن طريق طويل وشغلة ثانية الأوضاع بعدها مو كولش وحضر تجوال هم المهم راحت زوجة عمر وأمي البيتي اللي راح أعيش بي اني وزوجي المستقبلي😉😉 يودون ملابسي وغراضي المهم بعد ماخلص الأسبوع واليوم الحنة رحت من الصبح للصالون اني وحماتي سما وزوجة عمر صبغولي شعري لون اشقر المهم ومكياج وتسريحة والبدلة جان لونها وردي فاتح ومكياجي فاتح والتسريحة جان نص شعري مرفوع والباقي منسدل بس مبروم طلع شكلي حلو وصارت الحنة كولش حلوة وأهل أيمن جوي حنوني وراحو خلصت الحنة وتجمعت اني وزوجات اخوية وبنات عمهم وسوالف وضحك بليل وينكتون
زوجة عمر: اي سجى باجر بحضن أيمن ويجوز حتى تنسى اهلها بعد يمة هوة أيمن لو يخبل 😉😉
سجى: كافي والله خجلت🙈🙈
الجميع:هههههههههه
المهم خلص اليوم ونمت واني أفكر بحياتي الجاية وأدعي من ربي يعوضني ويطلع أيمن حباب ويعوضني من بين كل هاي الفكار نمت وماحسيت إلا الصبح ادكعدني زوجة حسين : كومي سجاوي الساعة بالعشرة مبقى وكت ندري اليوم وراج سهرة 😉😂😂 بس يلة مبقى وكت لازم تروحين للصالون
سجى : اي حبي كعدت صباح الخير
زوجة حسين: صباح النور
كعدت ودخلت سبحت طبعا حمام العروس يختلف عن حمام يومية هههههههههه المهم سبحت وتريكت وبدلت واجتي علية سما وحماي وزوجة عمر ورحنا للصالون سوتلي مكياج عيوني سموكي وحمرة حمرة والتسريحة مرفوع كل شعري وتاج مرصع بالماس يخبل ولبستني حماتي كلادة وتراجي واسوار لون فضي عبالك الماس طلعت احلى من الحنة رجعت للبيت ومنتضرة عريس الغفلة ههههه الله يستر اني مشايفتة بس سامعة عنة وعن طريق حجيهم هوة حلو المهم بعد مرور ساعة سمعنا صوت الزفة أمي لبستني كبوس مينشاف مني اي شي المهم اني مدنكة أشوف رجلين النسوان والزلم الدخلو يهوسون وشخص حذاء سودة تلمع والبنطرون اسود تقدم وكعد بصفي مشفتة بس اشتميت عطرة يبووو يسطر ههههه شكد عيب المهم لزمني من أيدي وطلعنا ووصلنا الشقتنا راحو الناس بقيت بس اني ويا بدون كلام وبعد صمت دام ربع ساعة او أكثر وجان يكسر الصمت أيمن وكال.....
الكاتبة..... أيمن عرفنا عن نفسك كافي شلعت كلبنا أيمن أيمن ااااااااااااايمن
ها ها والله دا اسمع مو أطرش شكو
الكاتبة. احجي الغي المهم تعرف عن نفسك أيمن.. احم احم يا الله اجى وكتي ههههه
السلام عليكم اني أيمن خريج كلية إدارة وإقتصاد عمري 30 سنة شغلي استيراد وتصدير حالتي المادية الحمدلله والشكر مواصفاتي حنطي فاتح عيوني لون جوزي طوخ شكلي مثل ال بصورة الفوك ☝☝ المهم طبعا بفترة الكلية اي شخص يمر بحالة حب واني من ضمن هاي الأشخاص حبيت وحبيت بجنون وكتلت روحي حتى اصير اسيل زوجتي وفعلا بعد حب ثلاث سنين وبعد متخرجنا ازوجنا وجانت حياتنا كولها حب وسعادة وخاصتا من عرفت راح اصير أب جنت أسعد إنسان بس مجنت متوقع هاي السعادة مراح ادوم وبيوم ولادة اسيل اتغيرت حياتي تغير جذري ولدت بنتي رقية وبعدها بأيام قليلة توفت زوجتي بسبب عجز عدها جان بالكلة الاطباء جانوا مانعين اسيل من انو تحمل بس هية جانت معارضة لأن فكرة بسعادتي ومفكرت بحياتها كل هذا الحجي اني مااعرف عنة اي شي بس عرفت بعد ماادهورت حالتها عرضتها على كل الأطباء وحضرت الجوازات حتى نسافر غير دولة اعالجها بس جان الوقت كولش قليل وسرقها مني حزنت وتالم وبجيت ونعزلت عن الناس حتى بنتي مااعرف عنها شي جنت احضن ملابسها وابجي او ابوس بصورها واشبع بجي كل أسبوع صرت أروح الكبرها اهلي الناس الدنيا كولها الكرايب كامو يحجون علية ويصبرون بيها وحجيهم جان هذا أمر الله وكلنا على هذا الطريق بس اللي رجلي بالشمس مو مثل اللي رجلي بالغيوم بيوم والدتي وأختي اجوي علية البيتي لأن جنت مستقر بيت وحد وياهم طفلة عمرها يطلع سنة كولش حلوة خلتها أمي بحضني كالت إذا مو الخاطري الخاطر بنتك ارجع ال حياتك اباوع البنية طبق الأصل من اسيل تخبل العيون الوجه كولها اسيل حضنتها وشبعت بجي رجعت يم اهلي عشت ورجعت اشتغل وجانت ونستي الوحيدة هية رقاوي أمي جانت تحجي علية على مود ازوج وهاي صار عمر رقية 4 سنوات وماملت أمي من شغلة الزواج فديوم رجعت للبيت لكيت أمي تبجي وتكلي اني راح أموت وانت راح اصير سبب موتي إذا ماتزوج لا انت أبني ولا أعرفك طبعا اهم شي أمي ورضاها علية بست رأسها وكلتلها التريدي يصير شوفي التعجبج واخطبيها كالت لكيت بنية من فلان محافظة وهاي وهاي قصتها حجت قصة البنية وكالت هاي تتحمل كولشي وياك طبعا ضحكت كلتلها والله نبع الحنان بعد انتي طابختها للشغلة هههههه يلة بيها الخير سوي التريدي وصارت الخطبة وبعد مدة طويلة ازوجنا وحبيت أستقر وحد حتى ضغط اهلي أخلص منهم وبعت بيتي القديم واشتريت شقة بالمواصفات الاريدها.........................
شنو رائيكم 😍😍😍
أنت تقرأ
حياتي ليست ملكي
Ficção Científicaالقصة تحكي عن فتاة تجبر على أن تضحي وتصبح فصلية فماذا سيكون مكتوب لها وهل ستكون نهايتها مثل بقية الفصليات وسيعشقها زوجها هذا ما سنعرفه من خلال الأحداث اتمنى أن تنال اعجابكم
