حياتي ليست ملكي

البارت الثالث

بعد ثلاث اسابيع -----------''''''-------------------'-----------------------------مهضومة بحياتي ومالي غير ربي هوة الينصرني ويعيني على كسرتي وقهري وضيمي ....
سندس : سجى حبيبة ربج موجود وأدعي ربج يخلص والله ماتستاهلينة
سجى: يختي اني مو علية بس شابعة قهر واني أشوف شلون جهز العرس وعمتي شلون تركض وفرحانة وشلون غرفة العرس حلوة والمصيبة اني أجهز الغرفة وانضفها
تدرين بيوم العرفت بي خطب بت خالتة محترك كلبي على قربة آلية او بعدى عني لا القهرني شفت بعينة الحب اللي عمرة ماحبة آلية حتى من نكون بفراش منجمعين مشفت هالنضرة خيتي لو اهلي سائلين علية ماجان هذا حالي شكد صار اني يمكم مو سنة و8 أشهر هم شفتي واحد منهم سئل علية واني جنت خادمتهم وشايلتهم بصلوات😭😭
سندس:😢😢 ربج كريم حبيبة
قاطعنا صوت
الفصلية تكوم تكملnoor adel شغلها لو اخلي حمزة اليوم يطلعلها جلد مثل كل يوم كومي نضفي غرفتي واغسلي ملابسي وملابس حمزة
سجى : صار
هذا جان صوت ندى زوجة حمزة وحدة وصخة ملابسها وملابس حمزة اني اغسلهم غرفتهم اني انضفها ماعرف حمزة شحاب بيها على وصخة هية ام الوصخ عدها حض
كمت كالعاده سويت الطلبت مني وحضرت الغدة وبعدها المواعين وبعدها تنضيف مرة ثانية البيت وبعدها العشا والاماعين 😳😳 تعبت والله اكمل شغلي واروح اسبح وانام أنام بغرفة طولها وعرضها 3 مترات وحمزة من يوم التزوج ماتقربلي هم بعد أحسن خفتا وراحة واني نايمة بفراشي اباوع على السكف الجان مصنوع من الخشاب وسعف النخل تذكرت كلام سندس من كالت راح احجي برأس ندى واخليها تطلب من حمزة يطلكج اني رفضت لأن اعرف اهلي مراح يقبلوني راح اصير عار الهم ويجوز يكتلوني الزمن جان قبل مو مثل هسة صعب الوحدة إذا اطلكت خاصتا عد أهل الجنوب بس باوعت كلت راح أرجع السندس واخليها تساعدني واقبل على خطتها وخلي أخلص اتحمل قهر اهلي ولا صيت الفصلية وقهر الفصلية وثاني يوم نفس الروتين وطلبت من سندس تسوي الكالت علية وفعلا بدت بخطتها بس عدت ايام واسابيع وهاي صار شهر من كالت سندس اساعدني بس ماكو اي شي ايست كلت بعد هذا قدري وهاي قسمتي وهاي صار سنتين نفس حالتي ونفس ضيمي من يوم الصرت بي فصلية لهذا اليوم ماجف دمع ولا طابت جروح جسمي بسبب الضرب ولا جروح كلبي السوها اهلي بية صح باعوني ونسو عدهم  بنية اسمها ضحى ورغم قساوتهم آلية بس والله أحس بنار على أمي وعلى أخواتي اريد اشوفهم إخوتي المارحموني مشتاقتلهم أبوي الماذكرني عدلة ميتة اشتاقيتلة اوووووف اوووف لشوكت راح أتحمل بقيت أدعي الله يفك أسري ويساعدني على البلوة البتليت بيها
بيوم من الأيام ومثل باقي الأيام واكفة بالمطبخ دا انضف وسندس تنضف بالتمن سمعنا صوت اصياح حمزة وندى ورى شوية اجى أخو ندى وطلعت شايلة جنطة وراحت من طلعت كالت اني الج لو اني لو انتي اني صافنة هاي شبيها ورى مطلعت واجاني حمزة وين اليوجعني دك بالحزام ههههههه من اذكر هاي الأيام بين الضحك وبين الابجي بس الحمدلله والشكر ربي يمهل ولا يهمل المهم العرفتة بعدين انو مشكلة ندى وحمزة بسببي ندى ممتقبلة وجودي وهشي بسبب حجي سندس وياها ههههه وطالبة من حمزة يطلكني ويطردني بس هوة رافض كايللها ميصير ارجع فصليتنا راح نصير سالفة وهية فصلية وخدامة الج شعليج بيها ممقتنعة بكلام حمزة وشاكة بمصداقية كلامة واللي زاد الطين بلة ههههه هوةnoor adel كلام سندس كايلتلها لعد هذا يحبها وهسة يعوفج على مودها صدوك لو كالو شر البلية مايضحك ههههههه حمزة ويحبني المهم طلعت زعلانة ولو هية لو اني بقت ندى زعلانة يم أهلها أسبوعين واني على حالي حمزة يطلع حركته بكتلتي هوة مبقيني مو محبة وإنما يخاف من حجي الناس بس فديوم سمعنا خبر ندى حامل وهذا الخبر هوة الغير حياتي يعني لو ما حمل ندى جان اني بعدني فصلية هههه الحمدلله على العموم رفضت ندى ترجع وجان شرط رجعتها انو اني اطلك من حمزة ام حمزة قنعت حمزة وأبو انو يكولون للناس انو همة يخافون الله وعطفوا علية ورجعوني الأهلي ههع وجان يوم طلاكي وخلاصي من حمزة بيوم الرجعت بي ندى وصار الطلاك كدامها اني طبعا فرحانة رحت سبحت وبدلت طبعا اني طول هاي السنتين اني ألبس بس اسود ميقبلون ألوان الوحيدة بس اني المهم لبست دشداشتي وعباتي وطلعت اني وأبو حمزة وراح يوديني البيت اهلي الطريق كولة ساعة أفكر شلون راح التقي باهلي وشلون راح احضنهم وابجي واعاتبهم ونوب ارجع وأذكر اهلي مراح يرحموني ويجوز حتى يكتلوني اوووف ياكلبي صبرني ياالهي وصلت باب بيت اهلي اني وعمي والخوف والرعب ممبقي بية قطرة دم دك الباب وطلع ابوية وكانت الصدمة مبينة على وجهة 😱😱😱

انتضر تصويتكم واتلقى تعليقاتكم حبايب قلبي واتمنى تعجبكم والأحداث القادمة راح تكون احلى