سجى: كعدت ثاني يوم دخلت سبحت ولبست تراكسود اباوع على عيوني بالمراية مورمة من البجي خليت مكياج خفيف اخفي الاثر وطلعت دا اسوي بالريوك وجان اسمع حركة وراية عرفتة ايمن جان يكول
ايمن: صباح الخير
سجى:-------
ايمن: بكلبة لا يربي زعلانة وكرامتي متسمح اصالح اوووف شلون بلة هسة اني مااكدر تبقى كالبة شكلها علية واعرف بنفسي اني غلطان لازم لصالحها
ايمن: سجى حقج من مجاوبيني وحقج ازعلين بس والله مو بيدي حسيت نفسي مو رجال ويخطبون زوجتي كولش تاذيت
سجى:-------
ايمن: سجى عيني احجي ولا تبقين هيج والله انقهر اني اسف اسف ومااعيدها وأن شا ءالله تنكص ايدي اذا أمدها عليج مرة ثانية بس احجي كولي مسامحتك
سجى: اوك سد الموضوع تريك هسة وخلي نروح عيب من سما طلعت البارحة من دون مااحجي شي واشتاقيت الرقية
ايمن: صح بعدها زعلانة بس ميخالف اتحمل المهم تحجي
سجى: فرحت من شفت لهفتة وندمة وبسرعة ردت اكولة اني مسامحتك وعادي ومصار شي بس اذكرت مها البارحة من خابرتني بليل وحجيتلها وكالت راح يجي يعتذرلج انتي البسي ولا اديرين بال وخلي كلامج ثكيل وياه حتى ميعيدها المهم كملنا ريوك ورتبت البيت ورحت سبحت ولبست جينز اسود وفوكا مثل المانتو قطعتين الجوة لون خردلي والفوكا اسود جوة الركبة ومفتوح من كدام شال خردلي ومكياج وعدسات طلعت كولش حلوة حتى هوة تعجب وكال تخبلين واول مرة يبدي اعجابة ابتسمتلة وكتلة شكرا رحنا للعرس وسما طالعة تخبل جتي الزفة وراحوا للقاعة وجانت الحفلة كولش حلوة بليل اجى ايمن اخذنا ونريمان جلبت ويانا طبعا فتحت باب اللي يم ايمن وصعدت بقيت مصدومة ورحت كعدت ليورة اني ورقاوي ودرت وجهي على الجامة واسمعها تشاقة وتضحك وياه اني كولش ضجت والدمعة حابستها بعيني وكل مااباوعلة اشوفة يباوعلي بالمراية وصلنا دخلت بسرعة بدلت الرقية وطلعت اباوع كاعدة بصفة ولازمة ايدة وتضحك باوعت عليهم شافني ايمن درت وجهي ودخلت سبحت ولبست دشداشة فانيلة برمودة دخل كال شبيج ضايجة كتلة ماكو شي كال الخاطر الله اني اعرف اذا اكو شي او ماكو كولي الصاير شكلج كالبتة كتلة ماكو يلا تصبح على خير وغطيت راسي ونمت سمعتة يتاافف المهم كعدت الصبح ونفس الروتين بليل كال سجى حضري ملابسنا وكل مستلزماتنا لمدة اسبوع اني وانتي ورقية عندي شغل باربيل وراح اخذكم وياي فرحت وكتلة اوك شوكت اروح كال بعد باجر كال ال نريمان باجر روحي يم اهلي سنفورة اباوعلها عيونها صارت بكصتها بداخلي ضحكت المهم نمنا الصبح كعدت وحضرت ملابسنا تلاثتنا والعصر من اجى ودى نريمان البيت اهلة وثاني يوم رحنا للمطار صعدنا الطيارة وهاي اول مرة اصعدها شعوري ملخبط على فرحة على خوفة مااعرف شنو احساسي بهاي اللحظة كعد ايمن بالنص اني صرت بصف الجامة لأن اصريت حتى اشوف المهم اول مطارت الطيارة مخليت اية مقريتها إلى أن سمعت صوت ايمن كال
ايمن: ترى ايدي اريدها هههههه ويضحك
يبو والله فشلت جنت لازمة ايدة بقوة المهم وصلنا ورحنا الشقة باربيل كال ايمن هاي شقتي بقينا يومين ايمن يطلع الصبح يرجع العصر ثاني يوم كال خلصت شغلي والحمد لله جان مربح هسة نبدي نتونس ثالث يوم طلعنا نفتر الشلالات المناطق الحلوة الثلوج رجعنا للبيت وبدلت الرقية ودخلت دا اسبح واسمع الجرس يندك واسمع ضحك وسوالف الصوت مو غريب يبووو هاي نريمان شجابها هنا كملت على السريع وطلعت لكيتها كاعدة بصف ايمن وتشاقة كلتلها هاي شجابج ههههه طبعا لا اراديا طلعت
ايمن:😒
نريمان: 😏حبي اصلا اني شغلي وسكني باربيل واجيت اخلص هذا الاسبوع ويا قلبي ايمن
سجى:😠
تركتها ودخلت رتبت نفسي وتمكيجت طلعت كال ايمن رايح اجيب عشا واجي اول مطلع تقدمت نريمان كالت
نريمان: ها يحلوة شعبالج راح اخليج يحلالج الجو سجى: ليش اجيتي هنا وبعدين شنو هاي حركاتج ويا زوجي
نريمان: هههههههه زوجي هههه بابا اني اعرف زواجكم بس على الورق وأيمن مسولفلي وهوة يحبني ويريدني نزوج بس اني رفضت قبل بسبب شغلي وهسة رفضت لأن انتي موجودة بس هوة كال انو انتي مجرد خدامة
سجى😳بس كافي مااصدكج
نريمان: براحتج حبي لا اصدكين زين مفكرتي شلون عرفت مصايرة بينكم علاقة زوجية مع العلم انو بغرفة وحدة ....
سجى:مجاوبتها كلامها كولة صحيح واصلا ماعندي جواب ورحت دخلت الغرفة كعدت على الجرباية وشبعت بجي سمعت ايمن اجى دك الباب مجاوبتة وغطيت راسي وسويت نفسي نايمة وشبعت بجي بقيت افكر ليش هيج دا يصير بية شمسوية ذنب حتى الناس هيج دا اتاذيني بعد مرور عدة ساعات وطبعا مااعرف شكد وقت مر سمعت الباب نفتحت عرفت هذا ايمن وحسيت الفراش نزل مدرت بال ودموعي تجري بصمت نمدت ايد ايمن حاوطت خصري طبعا اول مرة هشي يصير واول مرة نام بفراش واحد من بعد سنة ونص زواج مدرت بال لأن السمعتة من نريمان موت كلبي وكلت مراح احجي اي شي واشوف اخرتي ويا ونمت من دون مااحس حسيت الصبح على صوت بالغرفة باوعت ايمن مبدل ودا يمشط باوعلي من المراية كال
ايمن: صباح الخير
سجى : بصوت مبحوح صباح النور
ايمن: اجى يركض وكال سجى هاي شبيج ليش عيونج حمر ومورمة وصوتج شبي شنو مريضة
سجى: بعدت ايدة وكتلة لا مو مريضة عفتة ودخلت للحمام طبعا هوة بقى صافن سبحت وبدلت وطلعت كال بلة نطلع كتلة اطلعوا اني ماروح تركتة ودخلت للغرفة
ايمن: تخبلت من شفت حالة سجى وكلت لازم اعرف شبيها رقية صاحتني الغرفتها وحجت بس تخبلت من حجيها كالت بابا سمعت نريمان هيج كالت ال ماما وحجت كل حجي نريمان تخبلت بس كلت مااسرع اتاكد من سجى طلعت وكلت ال نريمان تروح وتأخذ رقية تونسها كلتلها اريد أخذ سجى للدكتور رفضت نريمان بالبداية بس بعدين كوة اقتنعت المهم طلعوا دخلت ال سجى وكلتلها متفهميني شنو هاي حركاتج وياي وسوالفج احجي شكو سما يصير
سجر: ماكو شي ايمن الخاطر الله عوفتي
ايمن: اليوم ماعوفج اذا متكولين شدا ايصير لو اعرف اشبعج كتل
سجى: اي ليش لا اني صايرة مدمغة وخدامة الك وعلى اي ساعة ادكول ماريدج
ايمن: طبعا حجيها فورني وضربتها راشدي لأن كلبي يحبها وحجيها مابي أي صحة
سجى:اي اضرب ليش لا روح اني اكولك روح وازوج نريمان ماكو داعي تضرب حتى تلكة حجة تزوجها
ايمن: انتي شدا تحجين سجى احجي بدون لف ودوران ترى ماعندي خلك احلل كلامج
سجى: طكت روحي واختنكت وحجيتلة كل كلام نريمان
ايمن: اول شي هشي كولة جذب نريمان اعرف بيها تحبني من زمان وحاس بحركاتها وسوالفها بس مجنت متوقع توصل الهدرجة
سجى: ليش متوصل واذا انت تلزم بايدها وتضحك وتشاقيها ليش لا ليش متتمادي فهمني طبعا بصياح
ايمن: اول شي صوتج لا تعلي زين وثانيا حتى لو جان هشي موجود مااعتقد راح يهمج لأن اصلا اني مااهمج
سجى: بجي وبدون وعي لك بابا حس صار سنة ونص اريدك تحس اريد اوصلك مشاعري ومدا تقدر حبي الك لك بابا احبك احبك والله ومااكدر افقدك بعد واغار عليك 😭😭😭😭
ايمن: طبعا نصدمت بكلامها ومحجيت شي بس كلتلها الايام تثبتلج اني بريئ من اتهاماتج تركتها وطلعت بهالاثناء رجعت نريمان ورقية واني النار بكلبي بس ماريد اسوي شي اندم علية ثاني يوم الصبح طلعت دا اشرب مي شفت نريمان بالمطبخ رحت حجيت كلتلها نريمان انتي اختي تدرين بهشي واعاملج مثل مااعامل سما فليش هالحجي الزايد
نريمان: فهمتة على شنو دا يلمح وعرفت سجى حاجيتلة اجرئت وحجيت كتلة تذكر من جنت اجيك انت وزوجتك اسيل واشوفك تحضن وتبوس بيها واني بسن مراهقة من ذلك اليوم اني حبيتك وعشقتك وجنت ادعي تموت زوجتك او تنفصلون واني ازوجك وبعد ماماتت فرحت بس اجتني فرصة عمل متتفوت وبعقد خارج العراق مكدرت ارجع للعراق الا بعد انتهاء مدة العقد بس شنو الفايدة رجعت لكيتك مزوج وأقسمت انت الي متصير الغيري واللي فرحني أكثر انو زواجك بس على الورق هسة تسئل شلون عرفت دخلت عليكم أكثر من مرة وشفت كل شخص بمكان
ايمن بصدمة نريمان هواية اجاوزتي
نريمان: طبعا جانت لابسة برمودة دشداشة بدون اكمام المهم اني باوعت شفت سجى تريد تطلع من الغرفة ركضت على ايمن حضنتة وبستة بشفتة بهالاثناء سمعنا طبة نباوع هاي سجى بالكاع وكعة
ايمن: طبعا نصدمت من السوتة نريمان مجنت متوقع هشي وبهالالحظة شفنا سجى بالكاع اضرب اريد مدا تصحى اخذتها للمستشفى كال الدكتور انهيار عصبي وارتفاع بالضغط كولش عالي جن جنوني ومنو ينطيني نريمان هسة والله اطلعها جنازة من جوة ايدي
بقت سجى بالمستشفى يوم كامل بليل طلعتها
سجى: شفت منظر ايمن ونريمان مااعرف اصار بية حسيت الساني عاجز عن النطق رجلية رخت عيوني صارت غمامة سودة ومن دون مااحس الا واني بالمستشفى وأيمن كاعد يمي ومخلي ايدة على راسة شافني اجى حجة اسمعة بس روحي قرفانة وكارهة روحي اريد بس ارجع وبعد ماابقى بيتة اسمعة يكول ردت اموت من وراج وليش هيج محجيت بعد مرور ساعات طلعت من المستشفى ورجعت للبيت بقى ايمن يهتم بية لمدة 3 أيام بس بدون ماانطق كلمة بيوم الثالث كعدت هوة نايم بصفي لأن من يوم التمرضت اليوم هوة بصفي ينام دخلت سبحت وبدلت رحت لميت ملابسي بالجنطة جان يكعد ايمن
ايمن: حسيت على طبطبة بالغرفة اباوع بصفي سجى ماكو شفتها شايلة جنطة وتريد تطلع تخبلت كمت اصيح انتي شدا اسوين تخبلتي
سجى: اي ياالبريئ الجنت ظالمتك تخبلت تدري كرهت نفسي تدري كرهت كلبي الحبك والضحى بكولشي على مودك تدري متندمة لأن اعترفت بحبي لأن ماتستا......
ايمن: اتاذيت بحجيها وقبل لا تكمل جملتها الاخيرة حضنتها وخليت شفتي على شفتها بقيت 3 دقايق واني شفتي رافضة تعوف حضن شفتها طبعا هية مصدومة رفعت راسي اباوعلها كلتلها احبج والله ومااكدر استغني عنج حبيتج بس الغرور والتكبر جان مسيطر احبج سجى لا تتخلين
سجى: كانوا كلبي جان منتضر هاي الكلمات ومصدك ايمن نطقهم ركضت على حضنة وحضنتة كل قوتي وشبعت بجي
ايمن: سجى تقبلين تصيرين زوجتي ونكمل زواجنا من وين ماوكفنا
سجى: بخجل هزت راسها بمعنى اي
فتح ايمن شالي وفتح شعري كام يبوس بشعري ويشتم بي نوب بدى يجردني من ملابسي وشفتة رافضة تترك شفتي شالني وخلاني على الجرباية وهنا جان بينا بس الحب جمعنا الحب وزاد الحب بينا وعشت حياتي ويا ايمن بحب وسعادة وصار عدنا ولد سميتة علي وبنية سميتها ايناس اما رقاوي حبيبتي احبها أكثر من اطفالي ومافرقتها عنهم وهسة هية صف ثالث ابتدائي مها وامجد عدهم 2 ولد وبنوتة عمرها سنة اما نريمان كل اللي نعرفة عنها انو هاجرت ازوجت رجال أكبر منها ب 16 سنة .........
..................النهاية ..........
حبايب قلبي هاي النهاية واختصرت بهواية احداث طبعا القصة خيالية بس مجسدة من الواقع وواقعنا ميخلة من هشي
اتمنى ان تنال اعجابكم ......
أنت تقرأ
حياتي ليست ملكي
Bilim Kurguالقصة تحكي عن فتاة تجبر على أن تضحي وتصبح فصلية فماذا سيكون مكتوب لها وهل ستكون نهايتها مثل بقية الفصليات وسيعشقها زوجها هذا ما سنعرفه من خلال الأحداث اتمنى أن تنال اعجابكم
