القصة تحكي عن فتاة تجبر على أن تضحي وتصبح فصلية فماذا سيكون مكتوب لها وهل ستكون نهايتها مثل بقية الفصليات وسيعشقها زوجها هذا ما سنعرفه من خلال الأحداث اتمنى أن تنال اعجابكم
ايمن: صار يوم الزواج خلصت الزفة ورحنا الشقتنا طبعا كل هشي ال صار الخطوبة وغيرها من الأمور واني مشايف البنية بس اعرف اسمها حتى بعقد المحكمة مباوعت على شكلها بس جسمها كولش حلو واصلا ماعندي نية أشوف شكلها ومو بالي اني ازوجت الخاطر ادموع أمي وعلى مود بنتي لأن إلى متى راح تبقى أمي متعذبة بتربيتها وأمي مرة جبيرة ومتكدر وأختي سما طالبة وصعب المهم دخلنا للشقة اصلا ولا يمها بالي دخلت سبحت ولبست ملابسي طلعت لكيتها على نفس كعدتها عاد كلت لازم أوضح الأمور بيناتنا حتى متصير مشاكل رحت كعدت على القنفة الكدامها وكلتلها .. ايمن: السلام عليكم سجى: وعليكم السلام ايمن : سجى اكو أمور لازم تتوضح بيناتنا حتى متصير مشاكل اني وانتي هنا زواج بس على الورق يعني أصدقاء بيناتنا وأمام الناس زوجين محبين لأن اني احب زوجتي الله يرحمها ووفي الها تقبلين أهلا وسهلا متقبلين هاي بقت يمج سجى: ماعندي مانع اصلا اني ال صار بيه خلاني ما عندي ثقة بالزواج وهم زين هشي طلع منك لأن اني مجنت مقتنعة ارتبط وأكون علاقة 😕(بكلبي اكول شنو هاي الفشلة والله حسيت نفسي رخيصة بس والله إلا اندمة ومااهتم مو سهلة اني وهيج يكولي ماانكر اني حبيت ابدي حياة جديدة وأكون عائلة بس من كال هذا الحجي حسيت انكرامتي انجرحت بس مابينت وحجيت العكس) ايمن: جنت مصدوم بردة فعلها وضجت بس مابينت وطلبت منها انو تهتم بنتي لأن هية اعز من روحي وهية الريحة الباقية من زوجتي .. ضحى : ان شاءالله لا تشيل هم كمت من يمة ودلاني على غرفة جانت معزولة عنة يعني غرفتة وحد عن غرفتي اني وبنتة رقية بس جانت رقية بيومها يم بيبيتها المهم دخلت اباوع بالمراية شكلي جان كولش حلو والبدلة والتسريحة شي حلو جنت احلم بي كلت مو مهم انكون على علاقة المهم يحترمني وميضربني وراح اربي بنتة وأكون الها ام رحت بدلت ولبست تراكسود لون أحمر ربع اكمام ومخصر يخبل ورحت مددت بفراشي وجان تندك الباب فتحتة وجان ايمن يكولي تعاي تعشي كتلة شكرا مااشتهي كال على راحتج وراح واني مددت على فراشي وبديت احلم بحياتي الجديدة وشلون راح تصير إلى أن غطيت بنوم عميق .... ايمن: بعد مافهمت سجى على علاقتنا وشلون راح نتصرف راحت الغرفتها واني رحت للمطبخ لكيت أمي محضرة أكل خلتية على ميز الطعام ورحت دكيت الباب عليها حتى نتعشى لأن اكيد هية مماكلة فتحتلي الباب وأول أشوف شكلها بصراحة نصدمت وارتبكت بكلامي لأن مجنت متوقع راح تكون هيج حلوة وصاحبة جسم يخبل رفضت تآكل خليتها على راحتها أكلت اني ورحت نمت كعدت الصبح اباوع ساعة 9 اوووف كولش تأخرت طلعت غسلت وشفتها بالمطبخ كلت صباح الخير سجى : صباح النور ايمن: تدرين تأخرت بالنوم اول مرة أنام ال هذا الوقت ليش مكعدتيني سجى: أعتذر مكتلي لازم اكعدك من الصبح ليش لازم اي ساعة تكعد يومية 😧 ايمن : يومية ساعة ستة ونص لأن عندي شغل بس اليوم اهلي راح يجون لهسبب سجى : خابرت عمتي وكالت ورى الضهر يجون ايمن : اها اوك شفتها مثل المزعوجة حبيت الطف الجو اي سجى شنو هاي ريحة الجاي ترى كولش جوعان سجى:بفرح صار وهذا الأكل بصراحة فرحت من سألني لأن ماكو شخص هيج حجة بأدب وشقة وياي جنت مسوية بيض سلك واجبان وعسل وزيتون وجاي وكعدنا تريكنا جنت كولش جوعانة بس كوة أكل من الخجل كملنا أكل وراح كعد هوة بالصالة نضفت اني البيت وسويت الغدا بامية وتمن كملت كولشي ورحت سبحت ولبست هذا اللبس 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خليت مكياج خفيف فجأة فتحت باب الغرفة ايمن :ااااا أسف معبالي راح الكاج هنا سجى : اني اسفة لأن بصراحة ملابسي وغراضي كولهم هنا بعدني منقلتهم بس يروحون أهلك من عدنا انقلهم ايمن: لا لا تنقليهم خليج هنا بالغرفة وندبر شلون راح تكون نومتنا لأن رقية راح تجي هنا يمنا وبعدها طفلة وما اريد تحس بشي إذا تحبين تبقين هنا واني بالصالة أنام سجى : لا ماكو داعي راح تبقى ملابسي ورقية خليها علية انت أرتاح وطلعت اجوي أهل ايمن ورقاوي فدوة شكد دبدوبة ومحبوبة قدمنا الضيافة وبقينا نسولف طبعا اني وأيمن كدامهم عادي كانو احنا أحباب راحوا وأخذت رقاوي بدلتلها أكلنا ثلاثتنا وراح هوة يباوع تلفزيون واني ورقية بقينا نلعب ونضحك صدوك انقهرت عليها وخاصتا من كالت انتي صرتي ماما حضنتها ونزلت ادموعي وعاهدت نفسي أكون الها ام وأخت وصديقة لأن خليت نفسي بمكانها وحسيت بااحساسها وشلون راح أعاني لو اني جنت بمكانها....... يتبع.....
